「鐵面英雄—小六」我係警局地底拎左粒石頭: 第三十五話

「點解你會係度既？」我向叔叔走近。

「我本身都應該係比賤家邀請既其中一個，仲有洛都係。」叔叔說。

「咁點解......」我聽到洛的名字也在想，如果洛在這裏那一切也變得簡單，始終洛的能力總能夠帶來安全感。

「我係比佢地帶黎呢度之後，係森林逃走左。至於洛，我只係知佢地有打算請埋佢黎，但係冇請到。我諗應該係洛唔肯黎，如果洛唔肯，我相信都冇乜人可以迫到佢過黎。」我也明白叔叔的意思，以洛的實力，在世界上也怕難找到一個可以打贏他的人。

「係啦小六！入面有冇一個叫少健既人？」叔叔突然問道。





「唔.....好似有，但係冇咩特別。」我忽然記得這個不太起眼的少年。

「呢個人要小心d，佢之前係少室山學藝，最後偷走出黎。成為千百年黎第一個係少室山偷走出黎既人。」

「咁咪好勁！？佢好普通姐，我亦都感覺唔到佢有咩強大。」我十分驚訝，因為他普通得令我實在沒有留意他。

「同洛差唔多啦。」叔叔認真的說著。

「唔會掛......」我認為這世上已經沒有幾個人可以和洛相比，怎料遠在天邊，近在眼前就有一個......





「好啦，小六。我講埋小小野，你就要番去，我驚佢地會懷疑。」

「嗯。」我準備認真聆聽。

「賤家，係同鬼臉組織唯一有勾結既家族。佢地今次邀請既人，全部都係曾經係世界唔同地方有阻止過鬼臉組織既人。我好懷疑，佢地今次以遊戲為名，實則，係幫鬼臉組織清除眼中釘。」

「......」叔叔語出驚人，我一時也不知如何回應。

「所以我黎，係同你講，你處境好危險！最好帶埋涼子即刻走，到時我會......」叔叔話未說完，已經被打斷。





「浮先生，睇黎你都知道得幾多野。」是賤爭，他身後還有為數不少的鬼臉人，但因為實在太黑，跟本看不清人數。

原來叔叔姓浮！

「哼！仲有大把野我知添！」叔叔氣勢絲毫沒被壓過。

「咁你就帶住呢d野...上路啦！」賤爭舉起手，森林馬上火光四起！我也可以看到鬼臉人的數量，足有過百！

但最重要的是，那「天行之石」持有人—紅色鬼臉，和我弟弟十一—白色鬼臉也在他們之中！！