[假亦真時真亦假][純愛]我的初戀，你的惡夢

我叫陳家峯，今年中六，對於我黎講，我嘅初戀既美好，又痛苦。點解？咁就要由三年前講起。嗰一年，我中三。
----------------------------------------------------------
「喂，係兄弟先同你地講，我想追一個女仔，你地咪同我講出去呀。」謝卓文無啦啦食食下lunch，同我地講。
「邊個先，正唔正嫁？我地班嫁？」文駿笑住咁問。
「Samantha囉，點睇？」謝卓文細細聲咁講。
「拿，單純問我意見嘅話，我係咪都話唔夠我Fiona正嘅，不過難得你合眼緣嘅，未去馬囉。」司徒洛文停低手，扮曬情聖咁教謝卓文。
「挑，你之前夠話無人夠Phoebe正啦，最後未又係飛左人地。 」文駿不屑咁講。
「之前還之前，以前細個唔識嘢，未見過極品先咁講姐。」司徒洛文反駁道。
「係囉，你都係同我地級半級女仔拍過拖姐，邊叫見過世面姐。」文駿咬住司徒死口唔放。
文駿同司徒兩個一鬥起嘴上黎，一時半刻都停唔到。


「屌，我地一級先得60個女仔，你一個人溝過30!你叫家峯情何以堪呀!」杜子晴打算借我過橋，中止兩人嘅鬥嘴。
我抬起頭，望左杜子晴一眼，打算用一句:「多事!食你嘅飯啦!」迴避呢個話說，就繼續食飯。
事實證明，我係有先見之明，因為我知道話題好快會轉向我，迴避係一個唔錯嘅辦法。
可惜，事與願違，話題始終都係轉向我。
坐我隔離嘅文駿冷不防拍我一下:「你唔係仲暗戀嗰個Jasmine下話？」
文駿嘅呢一句，就好似把一塊石頭拋入水池中，激起一大片漣漪。
司徒洛文聽完之後，就第一個同我講:「喂兄弟，你都暗戀左人地三年啦，一係你就表白，一係你就放棄啦。」
「未就係，聽下司徒情聖講實無死嘅，話曬人地經驗豐富嘛，邊有人好似你咁嫁姐，扯人頭髮，搞人筆袋，你以為咁可以吸引人地注意力咩？人地陪你玩咋。」杜子晴亦唔放過教訓我嘅機會。
「拿，雖然我唔睇好你會表白成功，話曬人地大你差唔多一年，姊弟戀喎，仲要係初戀，人地好難會受溝嫁。不過學司徒話齋，合眼緣嘅，未去馬囉。」估唔到連啱啱先想追自己人生第一個女仔嘅謝卓文都插嘴教訓我。
「屌，食飯啦。」我忍唔住答左句。


「你唔講，我幫你講。」杜子晴突然講左句說話。
「喂，你咪亂黎，我講，不過你地俾啲時間我。」杜子晴份人做事唔諗後果，乜都夠膽搞，成日都搞到好大件事，我怕佢真係會亂講，到時我真係唔知點對應，唯有拖得就拖。
「俾多十年你好無？等人地結埋婚先表白好無？」文駿似乎知道我想拖得就拖，想逼我答應去表白。
杜子晴冷笑一聲，然後話:「一個星期，如果一個星期內你唔去表白，我地幾兄弟會為左你將來幸福着想，幫你去表白。」
我心諗，兄弟，唔洗咁絕嘅。你地都逼到我去牆角，我有得揀咩？
眼見我根本無選擇可言，我把心一橫，決定向Jasmine表白。
就係今日，佢嘅惡夢開始左。