7天情人--女版: 第五天(1)

這天他要補習,我們早上WHATSAPP完,我見沒有什麼事做,便約了我的好朋友出來聊聊天。

我們相約在圖書館裡,因為她要借書做報告。
由於好久不見,我們一見到對方就來一個擁抱。
我們一路在找書,一路分享大家的近況。
當然,我沒有把我現在的事告訴她,
如果說了,全級都會知---她是典型的大嘴巴。

借完書,我們便到附近一間咖啡店坐著聊天。
她:好啦,我地講左咁多野,係時候轉下話題。


我:好呀,咁你想傾咩話題?
她:HEHE,感情話題!
我:WOW你有感情煩惱呀?快D同姐姐講!
她:我鬼有咩!我都冇拍拖。
我:感情煩惱唔一定係拍拖先有GA,睇你個樣肯定又暗戀人啦!
她:唉!你又知既?
我:識你幾耐呀,咁都唔知就唔係friend啦!
我:點呀今次,邊個咁唔好彩俾你暗戀呀!
她:我鍾意佢佢應該偷笑啦!
我:咁邊個姐?


她:唔話你知,橫掂都冇可能。
我:車!
她:唔好係咁講我啦,你最近點呀?
我:做咩無啦啦扯落我到!我有咩點呀?好正常wo
她:你仲鍾唔鍾意佢?
我:邊個。
她:你個ex呀!
我:做咩無端端講佢?冇啦,終於放底左佢啦。
她:咁咪幾好囉!見到你個陣咁既樣,我都好sad!
我:過左去既野,唔好再提啦!


她:岩!做人最緊要展望將來!
她:你幾時搵番個呀?
我:唔搵啦,我唔想拍拖住!
她:點解呀?
我:我想讀好書先!
......
聊了差不多兩個小時,我們才離開。

其實讀書不是我不想拍拖的主要原因,
而是我害怕失去的感覺,
那個感覺真的很難受!

一個你跟他每天甜言蜜語,
關係就像親人那般。
然而,一句再見,


身份就從情人變成陌路人。
那個落差,
我一世都會記得。