西灣山女鬼: 第二十八節

我們於是急步的走上車廂，啟程去為女鬼實現她等待了三十年的心願。 


七人車很快的駛離了佐敦。 


可能是休息了一日，車內的人神情看起來也是不錯的，除了高人，看上去好像很累似的。 


「師傅，唔該晒你！唔係有你幫手，我都唔知點算。」力宏向著高人說。 






「啊…….我地相識都係一種緣份，你唔好敢客氣啦，而且今次隻女鬼唔係一心諗住搵替死鬼，所以件事先至咁易解決，總之你同所有人都記住，唔好四圍痾尿就得啦。」高人打著呵欠說。 


「吓？四圍痾尿？我地有咩？你估我地係大陸人呀？」阿耀說。 


「我地好似真係響西灣山條山路痾過尿，嗰時我地話累要休息一下，之後我地一齊痾完尿先再行…..」家俊說。 






「就響嗰時上左我身？點解要上我身，其他人唔上呀？」力宏不解地問。 


「因為你既尿流左去佢死左既位置，佢咪上到你身囉，冇特定對象，只係因為你時運低，唔同你地講住，我要再瞓一陣先。」高人說。 


很快，車廂內已經傳來高人的鼻鼾聲。 






「係呢，講左咁耐，我地而家第一處地方去邊呀？」為怕弄醒高人，我細聲地說。


「我地而家第一個地方去既就係鑽石山鳳德邨，我既警察朋友同我講女鬼既父母響佢地個女失蹤左之後就去左報案，佢地因為鑽石山木屋拆卸而被安置左上去，警察朋友話個檔案仲未CLOSE, 所以很容易的便可以搵到個地址。」細輝哥說。 


「咁我地搵到女鬼既父母，我地又點樣帶女鬼去見佢地呀？」力宏說。 


「詳情我都唔知點講，而家成件事都好能複雜，同我地之前既計劃已經唔能同晒！」細輝哥說。 


「咁即係點？我唔係好明，我地唔係帶女鬼去見一見佢父母同佢以前鍾意個男人就可以了嗎？而家個計劃有咩唔同左？」力宏說。 






「其實成件事係咁，我地查到女鬼既父母仲在生，不過女鬼鍾意個男人已經死左，佢係響鑽石山木屋大火時燒死既，所以帶女鬼去見個男人係冇可能既事，不過師父已經安排左架啦」細輝哥欲言又止. 


「安排咩呀？」我們異口同聲回應。 


「冥婚！」細輝哥說。