錯的感覺對的人: Vol.9
兩人相會後，就搵間餐廳坐低。
亞雅一路都唔出聲，直至亞穎問：”我以為你會有好多問題問我添……”
亞雅：”其實係0架……但唔知點問起好~”
亞穎：”問啦~~~我諗……我都唔會介意0既~”
亞雅：”點解你會拒絕……一個好好既機會喎……”
亞穎講住笑咁答：”講真0丫，FXXK周雖然叫做請我做 Model ，但計落人工都比依家搵得少~~”
亞雅：”剩係咁簡單？？”
亞穎今次認真d：”都唔係0既……其實好吸引0架~~比人賞識喎~~點會唔心動？？但我係唔想再次離開男朋友~~~”
亞雅：”唔……離開都係半年0者……其實都唔係太長……”
亞穎：”或者啦~~~但我同經歷太多啦~”
亞雅：”係……?”
呢次到亞穎問：”當然啦……你自己決定成點？”
亞雅：”其實幾想0架~~做一d自己發夢都無諗過既事，但係…好多0野都放唔低……”
亞穎：”我覺得始終係個好機會，我放棄，但你應該要珍惜……有乜放唔低呀？？”
亞雅：”家人啦……”
亞穎：”同上次個男仔？？”
亞雅：”點解你會估到？？
亞穎：”你個樣都話晒比我知啦……”
跟住，亞雅就簡單咁講下Bryan既事比亞穎知，聽完，亞穎直接咁講：”就算你離唔離開都好，你都要解決你同佢之間既問題~~~”
亞雅猶豫0左陣，講：”我都未肯定自己係唔係鍾意佢……真係好羡慕你同亞鋒可以如此相愛。”
亞穎神色突然暗0左暗，講：”佢……唔係我男朋友呢。”
亞雅：”下？”
亞穎：”雖然同佢拍拖，個感覺非常好，偏偏，我同佢唔應該發生任何事……只能講我同佢，係對的感覺…錯的人……而你同 Bryan，正好相反。”
亞雅：”係？”
似乎都大家都唔想再係呢個問題徘徊落去，便轉個話，談談 Model 的事。
錯的感覺對的人嗎？感覺真係錯0左？
本來猶豫不決的亞雅，終於下定決心……要講比Bryan知…
當晚亞雅一樣心事重重般，食完飯就返歸。
鄭太：”亞雅近排點解會咁0架？未見過佢咁沉靜喎~~”
張太：”通常……女仔失身後又得唔到個男仔……就係咁0架啦喎~~”
之後兩人一齊道：”阿朗！！！！！關唔關你事？？？”
Bryan 驚訝：”又關我事？？你地傻0架？？？~你地有無見過人搞細妹0架？？？？
張太鄭太同時說：”亂倫 law ！！！”
Bryan ：”咪玩啦~~你地脫晒節啦……依家女仔失身好平常0架咋~~我反而覺得亞雅暗戀緊個男仔……”
鄭太張太又同時好奇地問：”失身好平常？？？點解？講0黎聽下~~~”
跟住，三人就開始高談闊論，細數七十年代同千禧年代既分別……
完全唔記得0左亞雅正在唔開心中。
深夜……Walking Talking 響起。
“亞朗……聽日去睇戲0丫~~~好唔好？？”
“雅小姐……你好耐未撻過我全朵啦~~~究竟發生乜事？？？？講比我知~~我或者可以幫你解決……”
亞雅：”總知……聽日去睇戲啦……當陪下我啦。”
Bryan：”好啦~~~你出門口前半個鐘叫我啦~~~真係無0野？？？”
亞雅：”無呀……”
Walking Talking 再無聲。
第二日，亞雅雖然早0左一個鐘叫 Bryan，但 Bryan 依然未訓夠，未醒……結果亞雅終於再扯火，拎晒雪櫃既冰，倒晒入 Bryan 張被到。
Bryan 突既感覺就好以由夏威夷直飛西伯利亞……
鄭太張太見到，認為亞雅好返晒，因為呢招比從前既招數更惡毒。
巴士上。
Bryan：”我地好似好耐無試過咁樣一齊出街啦~”
亞雅：”係啦~~~中六之後~~~你同我係街見到都要扮唔識啦~~”
Bryan：”係喎~~~點解你要扮冷若冰呢？？
亞雅：”咁以前呀~~你成日同我一齊~~人人以為你係我男朋友……我洗乜拒絕男仔喎~~”
Bryan自大：”咁又係……有邊個好得過我？？？呵呵呵~~~”
亞雅：”係啦係啦……你勁晒啦~~”
到站……亞雅拖著 Bryan下車。
Bryan唔覺得係乜，因為由細到大，都係咁樣，但亞雅心底非常興奮，雖然又有d 唔自然。
戲院前。
亞雅摟住 Bryan既手 ，問 ：”睇乜戲好呀？？？”
Bryan ：” 不如 “無食道3之終極肚柯” 0丫？？”
亞雅說道：” 唔好啦~~我想睇”魔法廁所”呀~~~”
Bryan：”好啦好啦~是但啦…有無情侶位呀？？？”
情侶位？亞雅心頭一喜，可惜情侶位早已售罄，唯有搖頭。
Bryan ：”唉~~~~想得訓得舒服 d 都唔得添……”
亞雅其實早知 Bryan 係咁諗，不過當 Bryan 問有無情侶位既時候，仍控制不住高興。
Bryan ：” 肚餓呀……不如去食d 野先啦~~~今朝水都無飲過滴。”
跟住亞雅買完飛，兩人就一齊去食下午茶。
茶餐廳中。
亞雅既雲吞面0黎先，Bryan 拎起筷子，係咁夾亞雅碗面d 蔥0黎食。
亞雅：”乜你咁無禮貌0架~~~想食都問過人先啦~~~”
Bryan ：”你咪玩啦~~你由細到大都唔食蔥0架啦~~細0個個時亞鄭太張太唔比我地食剩0野，我先幫你鯁晒 d 蔥，蔥有益嘛~張太鄭太成日咁講。”
亞雅串咀：” 咁咪好辛苦你？？”
Bryan有點無奈地說：”無辦法啦……比你咁訓練法，依家我勁鍾意食蔥啦……”
亞雅心感甜蜜，細想往事……原來，Bryan 都為自己做過唔少0野。
Bryan ：” 喂~~你傻0左呀？？？你落醋落到變0左做湯啦~~~”
亞雅 ：”死啦……咁酸……點食呀？？？”
Bryan：”唉~~你食我0個碗啦~~~我今鋪幫你鯁埋佢~~~反正我依家饑荒。”
之後兩人一齊食面，閒談往事……
食完0野，兩人好甜蜜，活像情侶般摟住手行街……打情罵悄，CD 鋪，Bryan 靜靜地揀著唱片時，亞雅又再一次欣賞著 Bryan 那溫柔及專注的容貌……
差不多時間，便進了戲院。
戲院中。
Bryan果然訓得非常甘甜……但亞雅好喜歡呢個時刻……亞雅都無乜留意套戲，只係想……套戲唔好咁快完。
可惜歡樂既時光特別快……
今日，亞雅其實每一刻都係到問緊自己，究竟係唔係同平時一樣？？？同埋 Bryan 究竟係唔係同以前一樣？？？
唔同啦~~~已經唔啦~~~Bryan 為佢做既每一件事，每一個動作，放入眼中，已經完全唔同啦。
睇完戲後……兩人返歸……途中都閒談著住時趣事……就係樓下的公園……
亞雅：”你成日咁換晝，究竟有無真心鍾意過女仔……？”
Bryan 懶懶閒：”搵緊啦搵緊啦~~我相信一定有女仔可以治死我0既~~~”
亞雅終於提出勇氣：”有無諗過我呀？？？”
Bryan 非常驚訝， 因為佢憑咁多年既認識同了解，知道亞雅並唔係講笑。
”做我男朋友…可以嗎？”
“咩話？？？？？？”
十六樓既師奶：”邊鬼個夜媽媽嘈生晒呀？”
<待續>
故事全屬虛構~
如有雷同~實屬巧合~