2012末日傳奇: 序章(猝死): 石灘激戰
小咪吸盡Tommy精血後，正在其乾枯軀體週圍搜尋...
"搵到喇........." 原來要找的物件在恤衫袋內，正是Tommy沒電的手機....
"Boss話做野要乾手淨腳..." 小咪從背包中拿出噴火器.."等我一把火燒哂佢先..."
"嘭...."隨玻璃爆碎聲響起，一黑影破窗而入...
"殺左人仲想毀屍滅跡，妳都諗得幾週到噃!!..."土美雙手一揚
手裡劍應聲而出，同時打跌小咪正手持噴火器和Tommy手機....
"哼!! 妳竟然敢整傷我?....." 小咪面目突變猙獰，指甲暴長，猶如利劍劃向土美
"妳都幾潑辣噃!! 土美忙拔出背上武士刀擋駕，隨即滿室刀光劍影閃爍不停...
彼此對決百來招後，小咪漸覺不敵，突跳窗而逃....
"都未打完想走?..冇咁易!!"土美隨後追出，見小咪身影落在亂石灘上，欲收勢而下...
"俾d利害妳睇下!!" 小咪雙手一揚，掀動無數亂石群攻向土美
土美人在空中，無從閃避，眼看正要中伏之際...
"震驚百里!!"..鮑文方後發先至，強大氣勁勢如龍吟悉數擊落亂石群
"估唔到佢咁陰濕，好彩你及時趕到..."土美安然落地，再欲迎戰小咪..
忽現四個黑影在小咪之前...."等我地同妳玩啦!!" 正是甲乙丙丁四妖
"幾個打一個唔公道噃!!.." 來人正是DR.展，並指向四人..."你地既所作所為，
我地已經查得一清二楚!!..
"妖物!!今日就要將你地就地正法!!" Ann與四美亦隨後而至，擺起架式迎戰
"就睇下你地有冇咁既本事....." 四妖說罷衝向八人之時....
小咪忽現八人身後，幻化多團身影，同時施放迷霧，
"小心煙霧有毒!!" 眼見將被包圍，眾人當機立斷，一躍而起
"飛龍在天!!" 鮑文方豈有不回招之理，迷霧盡被氣勁驅散
"土美，隻女妖交俾妳.." 火美飛符疾射，幻影即時消失.
"今次睇妳走去邊?." 土美凌空舉刀劈下，小咪即時擋格
三美亦同時攻向四妖
"色鬼怨鬼痴女出來!!" 三團黑影自地下湧出撲向DR.展，Ann和火美三人
一時間石灘上激戰連連
"火美姐有冇辨法收左呢三隻野?"Ann邊打邊問
"佢地俾班妖孽控制住，好重我執，唔容易收服到.." 火美邊與黑影交手邊答...
如是者八人八妖混戰至近破曉時分，仍旗鼓相當，未分高下..
"下次再同你地分勝負...四鬼..走!!" 四妖即與小咪躍飛海中，黑影同時遁地而去
"哼!!話走就走!!" 土美憤而收刀 "都仲未分勝負...."
"如果唔係天光，咁樣死纏爛打法，對我地未必有利..."水美望向眾人
"估唔到可以同我地打咁耐..."鮑文方望向五美 "今次的確係危機..."
"Jacky唔駛擔心...!!" 五美目光堅定自信. . "五美同Jacky共同進退，幾時有驚過!!"
"我知妳地唔驚..." 鮑文方無奈一笑 "不過班妖孽神出鬼沒，會隨時偷襲.... 除非.."
"莫非你有方法主動出擊?.." DR.展覺飽文方話中有話
"就天光嘞，不如返去先再從長計議啦!!" Ann望向DR.展提議
"都好，呢度唔方便再逗留..咁走啦!!"
八人於是離開.....
晨曦初現，太平山頂上，兩位香港舉足輕重人物遠望山下維港全景，心中似有無限感慨......
"就咁望落下面，一切都好寧靜咁迎接新一日既開始，之但係事實上...呢個係一個假象...."
"一踏入2012就發生咁多不可思議既事，一旦公開左真相只會引起社會動盪，人心不安..."
"不過我地仲可以隱瞞到幾時?怪事一件接住一件，輿論又諸多猜測，d政黨又乘機攪風攪雨， 混淆視聽..."
"總之到交棒之前我地都唔可以有d咩閃失，點都要穩定住個大局唔可以出亂子， 否則就好難同上面交代架喇..."
"我覺得連串事件就好似一個局，事先安排好哂咩時候發生咩事咁，等我地冇哂辦法咁睇住個結果發生但又阻止唔到...."
"你預期最終個結果會係咩? 唔會係改朝換代啩?."
"如果我地係身處古代成為君王既，我會咁諗，不過而家呢種環境我會擔心另一樣野.."
"你所憂慮既....唔通關係到制度上?..."
"假設一旦事件真相曝光，情況嚴重到令市民對政府信心盡失，管治威信盪然無存，咁到時一國兩制仲站唔站得住腳都係一個問題...."
"如果呢個係最終結果，咁邊個係最大得益者?"
"再推敲落去已經冇意思，以我地而家所擁有既資源，莫講話要搵幕後黑手，就連行事者都阻止唔到.."
"咁唔通我地真係咩都唔做，眼白白咁睇住個結局誕生?"
"一直以來，我都覺得英雄主義好幼稚，但係呢一刻，我真係希望有英雄可以阻止到......."