破曉時分,靜悄悄的西環海徬,一名長髮披肩妙齡女子,身穿白衣長裙,看似酒醉呆立岸邊,面向茫茫大海... 


"六個月...毀左我一生只係判六個月......真係冇天理呀!!....哇!!........"她臉帶淚痕指天哭罵 

"0隆....." 上天似受感動,忽然大雨滂沱 

"我唔甘心!! 我唔甘心!! 我做鬼都唔放過你!!" 人在雨中再加上酒醉,她開始胡言亂語 

而且更付諸行動,欲向前一躍落海... 





忽地一隻手將她拉住.. 

"妳既然覺得呢個世界冇天理....點解唔自己去懲罰佢?...死有用咩?" 

一把冷豔聲音令她停止了掙扎,安靜下來,唯臉上已分不清是雨水還是淚 

"女人唔係弱者,妳想報仇,我可以幫妳.....用妳自己既方式去報復...." 

雨水已令她酒醒,可是臉孔卻由哀傷怨恨轉為陰冷可怖,理智,良知彷彿離她遠去 





"妳真係會幫我?.." 她望向聲音源頭,一個妖艷的女人 

"只要妳相信我,我就可以幫妳..." 兩人同時展露詭異笑容......
 
 
 
新的一天開始,燦爛陽光照在Ann與DR.展共眠床頭,見證兩人的甜蜜,亦標誌著兩人功力的提升... 






"Ann.." 一睜開眼,見到依偎懷中仍在酣睡的Ann,感覺幸福的DR.展不禁輕聲低喚 

"噢...早啊Simon...." Ann亦微微睜開眼睛,臉上掛上一絲笑容 

"我...有冇令妳唔舒服呀?.." DR.展臉帶關切細問 

"冇呀..好舒服...." Ann臉泛紅霞淺笑搖頭,同時雙手架於DR.展頸後,兩人連隨擁吻 

"Ann...唔知點解我全身都精氣充沛咁? 妳呢" 擁吻過後,DR.展透露自身感覺 

"我都覺啊....有一種身輕如燕既感覺...不如問下五位姐點解咯.." Ann提議找五美參詳 

"咁我地出去大廳等佢地啦......" DR.展起床並察看手機 " 原來下星期我地要赴英雄宴喇.." 

"所以話寧靜日子真係唔多...不過你去邊我都要去..." Ann邊在鏡前梳理秀髮邊回應 





"咁我地先去花園,等教左防偷襲技法俾妳之後就放心俾妳跟我去冒險嘞..." 

DR.展待Ann梳理後,兩人牽手離開房間...
 

下午時分,銅鑼灣皇室堡二樓,長髮妙齡女子正坐於咖啡室一角,面對落地玻璃窗外的維園景色,呷著苦澀的黑咖啡,臉上仍是冷漠,內心仍是冰凍,她一心等待從此改寫她命運的人出現.... 


"果然好守時...."妖艷女人拿著一杯飲品坐在她對面 

"妳有咩方法幫我...." 她語氣冰冷如霜 

"妳叫咩名..我點稱呼妳...." 妖艷女人臉帶一絲冷傲 





"咩名已經唔重要....叫我Crystal...咁我應該點叫妳.? " Crystal順道呷了口黑咖啡 

"妳可以叫我Wing..." Wing在手袋內拿了一只USB手指放在Crystal面前 

"呢d係..." Crystal拿起USB手指察看 

"裡便有妳想要既資料,同埋妳要搵既人,仲有其他妳唔認識既,不過佢地都係犯左相同罪行,以為坐完就冇事既衰人,妳可以諗下懲唔懲罰佢地..." WING隨即離座 

"冇咩就唔駛搵我,我唔需要咩報酬,只要幫妳報到仇就得喇...." 

Crystal抬頭一望,Wing已失去蹤影,只好望著手中USB手指,心中默默盤算.....
 
 
同樣是下午時分,愉景灣山上別墅飯廳中,八人經過上午連連研習武功,並四出打聽外間情況後,正稍事休息進餐..... 






"Jacky...醫院方面經過昨晚偷襲後多左人手保護,而且妖孽係俾一位師姐打走既,我諗佢地暫時唔會再突襲.." 餐後木美首先匯報情況 

"咁犀利連妖怪都唔怕?.." 金美不禁稱讚 " 有機會要見下佢先得...." 

"機會實有...不過我想知英雄宴網上有冇咩迴響先.." 鮑文方望向金美 

"唔少人都話收到出席短訊..." 金美正撥弄手中iPAD "日期都係呢兩星期之內.." 

"殮房亦陸續有家屬領回猝死案遺體.." 火美之前出神到殮房再作查訪 "相信聖尊已經令咁多個冤魂既怨氣消除左.." 

"公眾都相信係疫症,呢個都係最合理既解釋.." 鮑文方望向DR.展 "相信展教授都就快可以覆命嘞.." 

"不過點都要將果班妖孽正法先得!!" DR.展語氣堅決 "下次佢地一定走唔甩!!" 





"單係八葉蓮華陣法已經可以困住佢地.." 水美胸有成竹 " 佢地唔可以再作惡嘞..." 

"全靠Ann同阿Simon呢對俠侶啫..." 土美此話一出,眾人目光歡欣望向兩人 

"唔好笑我啦....." Ann滿臉通紅 "我想問點解我同Simon感覺到身體起左變化既? " 

"因為妳同展教授已經打開左竅門,充分運用到潛能,發揮出最大力量..." 

鮑文方以欣慰眼神望向Ann " 妳終於到達呢個境界..." 

"我...仲唔係好明..." Ann似仍大惑不解 

"到真正使出八葉蓮華陣法,妳就會明白箇中玄機嘞...." 水美微笑望向一臉疑惑的 Ann
 
 
 
灣仔通往政府合署的天橋,近黃昏仍是人流如鯽,而旁邊的健身中心,則是Alan午後上班時小咪消磨時間的好去處,今天仍然不例外,望著天橋上忙碌路過的人們,踏著健身單車的小咪真想自己如他們一樣平凡過活,不過可惜她的身份...... 


"淫鬼....妳果邊進展成點....." 又是甲以傳心術查問小咪計劃實行進度 

"過兩日會同佢過澳門,肯定會輸突佢...之後咪等佢做賭鬼囉..."小咪漫不經心回應 

"妳家陣咩態度呀....係咪嫌我煩呀?....."甲極為不滿小咪表現 

"唔係....總之放心啦....我一定會完成任務..." 小咪稍為收歛一下 

"記住!! 如果妳對佢動真情,我即刻要佢屍骨無存!! 聽到嗎?" 甲向小咪再三警告 

"知道...." 小咪又在沉思失神.... 


"小姐....小姐!!" 服務員輕拍小咪 

"哦.....咩事..." 小咪彷似如夢初醒 

"呢位係我地既客席教練..跟開妳果個今日放假.." 服務員先作介紹 

"Hi,我叫Yuki .." 小咪抬頭與Yuki四目交投一剎.... 

"係妳?.." Yuki即怒目而視,並以傳心術傳話 

"Yuki妳冇野呵...咁妳serve呢位小姐喇.." 服務員隨即離開 

"妖女,呢個場我睇既,唔準攪事!!" 礙於環境,Yuki稍為收歛眼神 

"我只係等人啫..唔得呀?" 小咪邊踏單車回傳Yuki 

"講...條乾屍收埋左去邊?" Yuki扮作檢視顯示器上數據 

"妳有本事咪自己搵囉.....我唔知....." 小咪一副漠不關心模樣 

"哈..妳....無辜害左條人命...妳安樂咩...." Yuki嘗試動之以情 

"佢睇左唔應該睇既野,仲有如果佢唔貪色,都唔會上我當啦...." 小咪仍砌詞狡辯 

"咁妳而家係咪又有新對象落手呀? 我一定唔俾妳咁做..." Yuki誓要阻止她作惡 

"就憑妳? 上次都係打成平手噃....有本事再打過!!" 小咪惡意挑釁 

"呢度唔方便....出到去一定唔放過妳..." Yuki假意指導小咪使用器械姿勢 

"小咪..." Alan剛下班到來會合小咪 

"Alan...你收工嗱...咁走囉..."Yuki察覺小咪臉上流露溫馨笑意 

"呢個人我唔會傷害佢...妳放心,不過我d事妳最好少理.." 

隨兩人離去,Yuki收到以上一段小咪傳話,頓覺耐人尋味......
 
 
 
瑪嘉烈醫院內,James馬正與一眾重案組探員在病房外交待細節,意欲離開 


"聽日死者家屬會抵達香港,過兩日認埋屍就會帶Coral返溫哥華,到時就真正可以Close file嘞..." James馬語氣慎重 "呢兩日係關鍵時刻,一定要保護證人安全,盡我地警隊責任!! 

"Yes Sir!!" Sally與一眾探員目送 James馬離去後,各自回到所屬岡位看守 

"John....我好驚.....佢地好恐怖呀.." Coral又在說著夢話 

"..........." Sally在床邊貼身保護,為她的遭遇感到無奈.......... 



醫院天台上,上次被Sally擊退的乙今次連同丙及丁再次進襲,欲以多欺少置她倆於死地 


"今次一定唔可以再失手.....去喇!!" 三妖正欲行動.. 

"又想人多蝦人少? 你地一d新意都冇!!" 一人從暗處閃出擋路 

"仲以為妳地死左冇人會阻我地做野,真係可惡!!" 乙氣得咬牙切齒 

"唔消滅你班妖孽又點安心走呀?.." 來人正是木美 

"你地去殺佢地先,我擋住!!" 丁已急不及待揮爪而上 

"看棍!!" 木美雙手舞動雙節棍,一招(一掃頹風),舞棍如輪,撥水不入,先擋其勢 

"睇妳點檔? " 正路難攻,丁轉而躍身由上而下施爪,木美雙拳擊出,以棍擋爪,趁丁落地之際中門大開,再以連環腿將其踢飛.. 

"走得咁快....." 見丁隱身黑暗之中,木美連忙追趕其餘兩妖... 


病房之內,乙現身衝向床前,Sally即時以手擋格,乙且戰且退,待Sally離病床稍遠,丙看準時機突襲病床上正熟睡Coral,Sally阻擋不及,眼見利爪即將伸至... 

"噹!!" 武士刀及時擋住利爪,正是忍者裝束的土美出手援救 

"又係妳!!" 丙即時以右爪進攻,土美提右腿擋爪再以左腿借勢跳起一踢,將丙擊退 

兩妖見未能成事,飛躍窗外而去 

"想走?" 土美亦尾隨追蹤 

"妳係...." 驚魂稍定,Sally欲知對方是敵是友,正想查問,奈何已失去影縱
 
 
瑪嘉烈醫院對下斜坡上,土美正追縱兩妖而至... 

"明明見佢地跳左入樹叢....去左邊呢?......" 正在搜索期間,丁突然舉爪撲出 

"又想偷襲? " 土美躍起令丁撲空之餘,同時施放手裡劍回擊,忽覺左右一陣陰風襲來 

"喔!!.." 土美雙臂被乙丙凌空擒住,兩妖更騰空一手緊握胸前 

"哇..." 雙乳被握,上身活動能力受制,土美人急智生,於空中與木美互傳訊息,告知自身位置,再趁落地之際,猛然轉身,隨即乙背部被趕到木美運起棍花連連重擊,被迫放開土美閃避,土美乘機拔刀劈向丙,迫令其放手後退,此時木美幫土美解圍後已擺起架式立於身旁,兩美互望一笑,準備迎擊包圍她們三妖 

"上!!" 三妖同時進擊,土美自轉騰空而起,木美則以"四面楚歌"一式棍法痛擊三方來襲,三妖被轟得金星亂冒,暈頭轉向,抱頭落荒而逃,跳入叢林..... 

"引佢入黎先對付佢... 哎呀!" 三妖正欲隱藏,均被手裡劍所傷,不得不暫時撤退 

"算你地走得快!! 哼!!" 原來土美以忍術藏身叢林之中,伺機而動,三妖戰敗,土美跳出叢林會合木美 

"佢地果然想引妳入叢林,好彩妳冇中計..." 土美步向木美 

"知佢地詭計多端,都唔會再上當啦.." 木美放下緊張神情 "今次佢地元氣大傷,呢度應該暫時唔會再有咩事...." 

"不過我今日見到上次咖啡灣石灘出現果個妖女,要提防佢會出手.." 土美道出隱憂 

"不如返去同Jacky講,一齊參詳下.." 木美說罷與土美一同騰空而去....
 
 
午夜的蘭桂坊,除卻是白領減壓勝地,更是痴男怨女獵艷解悶的好去處,就在今夜,冷艷若冰,一身雪白低V衣裙的Crystal,亦在等候她的"獵物"... 

"到而家仲未出現..." Crystal一邊檢視手機中相片,一邊比對酒吧內男士是否相中人 

"小姐...可以請妳飲杯嗎? " 一名俊男上前搭訕,換來Crystal厲目而視 

"哼!! 正港女...." 俊男自討沒趣離開,Crystal繼續等待 

期間有幾名男士先後意圖引Crystal注意,最後都無功而還 

"小姐,我可以坐低嗎?" 穿格仔恤衫的他,語氣溫柔試探 

"隨便...." 他正是Crystal今夜的"獵物" 

"小姐之前未見過妳既?..." 他記憶中未遇過如此美女 

"我都未見過你啦.......不如直接d...想點仲好...." Crystal一語中的 

"夠爽快!! 我鐘意!! 咁行啦!!" 他亦不再浪費時光 

Crystal 離坐與他步出酒吧,身後只餘一群因剛才搭訕失敗而酸溜溜男士愕然目送.........