想打下機姐...點解會變到咁麻煩: 1

我叫阿健,全名叫陳梓健,係一個標準路人甲嘅名,今年18歲讀緊f5。
「喂!阿健等埋～」發出依句充滿震撼性嘅聲音嘅係我嘅老死阿鯊,當然啦我無理到佢,由得lift門閂埋,直到兩邊門剩番差唔多3厘米嘅時候,我先撳掣開番門玩一玩條仆街。
「屌你呀!嚇到個心離一離」上氣不接下氣嘅阿鯊仍然盡埋最後一口氣嚟屌我。
「喂!食唔食早餐呀?」頭先先起身仲未食野嘅我問一問阿鯊
「仲食呀？食得嚟都遲到啦,你想放完新年假嘅第一日番學就遲到呀?」阿鯊懷著少少搏打嘅表情同我講
「sor囉!無睇到時問吖嘛,個樣洗唔洗咁串呀」仲未同周公講byebye嘅我谷埋打丁嘅力答一答佢
番到學校我即刻上番班房抄埋啲功課,結果不出我所料岩岩好抄得哂,由於今日係放完大假嘅第一日番學,所以學校為咗比我地適應,今日
只係番半日,於是我渾渾噩噩咁hea到放學
「喂!阿健等埋!」阿鯊一路拎書包一路同我講。
我地等車嘅時候,阿鯊同我提到近排上哂報嘅遊戲「霸戰傳奇」吹到有幾好玩,之後咪陪佢玩下囉,但係玩之前首先要去買部主機先。




路途中阿鯊都有稍微介紹遊戲,買完之後我同佢各自各回家,十分鐘之後番到屋企嘅我立刻wts阿鯊同佢講「屌你,番到屋企未呀？」
「番到啦柒頭」阿鯊即刻秒回我。
然之後我立刻睇說明書,睇下點開啟部實體遊戲主機,然後我立刻同阿鯊連接實體遊戲專用嘅語音系統,「hello...?」我同阿鯊講,「喂,我唔得閒住呀,你自己玩住先啦」講完之後我見到阿鯊係遊戲裏面嘅名由綠色(上線)變成紅色(沒空),然之後我就戴上實體遊戲主機,眼前一片漆黑之後彈咗「夢幻遊戲公司」依六隻字出嚟,然後我當然無閲讀到個二千幾項條款就選擇「我同意」。
入到game裏面系統會被你選擇聖族(使用錘子嘅角色,強大嘅治療能力、巨大血量和自保能力)、魔族(使用法術嘅角色,可以召喚魔物與你一起共同戰鬥和利用法術取得勝利)、遊俠(使用弓箭嘅角色,可以無視座騎的最低等級並使用座騎)、同化族(系統會在你進入遊戲並選擇同化族時會隨機選擇一種生物(無法改變),讓玩家就可以同化那種生物)和異能族(系統會在你進入遊戲並選擇異能族時隨機選擇一種異能(無法改變)玩家就可以使用那種異能)