[90%真人真事]《網購溫柔》PTGF in Hong Kong [一個真實經歷人生的ig帳號]: 第七章：狙擊 Rubbishptgf 集團

在 ig 的 PTGF TAG 上，我看到的是一個個寂寞的男 ，渴望金錢的女。而且這個 TAG 要幾黑暗要幾醜陋都有，有些帖子，看了都不願看下去，我慨嘆男男女女的價值觀嚴重扭曲，一切用金錢都可作買賣，販賣身體、販賣靈魂、販賣感情。

雖然我並不沉迷 PTGF 世界，但算是沉淪了，有一個 IG 帳號被我追蹤，便是 Rubbishptgf，因為他不時張貼 PTGF 的相片，然後力數她們。網上世界，相片一旦曝光，便一世曝光，對 PTGF 的打擊是一世的。這是不可逆反的動作，我無法理解為甚麼他要如此做，於是我出帖反擊（亦導致後來被狙擊，不過預咗 ... 反正爛命一條）。

帖為一系列的《Rubbishptgf真面目》
合併及濃縮如下：
（註：後來我明白 Rubbishptgf 出文因由，現在已諒解，我亦沒有上 TAG 整整一年，更沒有狙擊他們了）
（註：Rubbishptgf 現在的 Account 只有他一人，本來的集團亦已解散，ROY亦不是 Admin 了）

佢話佢哋有齊幾乎所有女仔嘅相片（原因：佢哋有個私下 Whatsapp Group，會用真假 ig Account 問女仔拎相，然後一齊Share，有時仲會扮女仔拎 PTGF 嘅相，再一齊Share）
所以只要 PTGF 一畀相出去，幾乎都納入 Rubbishptgf集團嘅 Database，呢 D 叫資源共享。

Rubbishptgf有冇公開POST過女仔相就大家知！
Rubbishptgf集團有幾個Admin，其中一個叫 ROY 嘅，超多分身，呢個人有好多唔見得光嘅嘢！
而家最常出現既Admin就係 ROY，佢係一個超級矮嘅人，好黑，臉很尖，好多女仔形容佢似鴨仔。
呢個叫ROY嘅人，係一個好醜樣嘅人。
好多個PTGF私下同我講過佢嘅嘢，包括約一個女仔出去，
明明冇傾BJ，就拉咗個女仔入殘廁BJ...
個女仔第一次做，乜都唔識，覺得好嘔心，但都做咗。
最重要係個女仔係未夠16歲...我聽都想嘔。

ROY呢個人本身並唔係Rubbishptgf Admin，只係Rubbishptgf嘅朋友。


但後來如大家所知，佢哋換咗新Admin，ROY已經係擁有呢個帳號。
我唔明一個人做客／搵PTGF咪搵，點解可以咁仆街？
佢有幾多分身我真係唔知，但係多不勝數！
對於Rubbishptgf集團，大家真係要小心！

前兩日有個PTGF SEND咗相畀個客，而個客冇SEND翻畀個女仔，仲大鬧個女仔。
Rubbishptgf 就公開 POST 咗女仔相上 ig。
個女仔即時被其他 ig 友狂取笑，又有晒樣做呢 D 始終唔想畀人知。因為我都喺個POST留咗言，個女仔DM我講件事。

雖然我認同女仔冇錯，但為咗幫女仔解決件事，我就DM Rubbishptgf，叫佢放過個女仔啦。佢話只要個女仔道歉就可以算數。但忍一時風平浪靜我極力勸個女仔同當事人道歉，息事寧人。



上次另一個女仔仲慘，又係畀佢貼相，貼埋校服，畀人知道個女仔讀邊間。佢話連個女仔電話、地址都有。
又嚇個女仔話會「話畀佢老師知」，個女仔14、5歲，點識處理？

點解佢哋要針對呢個女仔呢？原來件係又係 ROY搞出來。ROY約咗呢個 PTGF 心心出來，心心見到呢個 ROY成個鴨仔咁醜樣，又矮瘦柒，又自顧自行唔出聲唔知佢搞乜。跟咗陣發覺唔對路就同 ROY講唔想做了，要返屋企。ROY覺得畀人「彈鐘」緊係好嬲啦。ROY 話心心收咗佢錢但放飛機！

於是 Rubbishptgf 幫朋友唔講道理就貼個女仔相，連貼幾張，個女仔又驚畀人認出又驚畀學校知！

【事實】個女仔冇收過 ROY一毫子，ROY 屈個女仔收咗佢錢。放飛機？如果放飛機就唔會見面啦！有冇PTGF約咗客出到來見埋面先放飛機？

Rubbishptgf點解可以咁自大？原因係佢哋用各種卑劣嘅行為或方法呃女仔相，包括用靚仔相同女仔交換，睇過版覺得靚先用其他Account再約。

當然佢哋集團或Whatsapp群組都會Share D相，你要埋堆係佢哋度生存咪Share 多D囉。Rubbishptgf 個 Admin仲同我講，佢哋好多時都食免費餐、食軟飯都有。美其名咪SP囉，實質當佢係免費私鐘玩厭咗仲會彈畀另一個。

有次我問 Rubbishptgf 佢哋冇道德的嗎？佢大義凛然話喺呢個邪惡嘅世代，我同佢講道德？我無話可說。



我了解佢哋，所以經常私下提D女仔小心D，因為真係可以畀佢哋玩殘，包括公開相，佢哋冇反省過自己既行為。

萬一有女仔因為承受唔住壓力而自殺，佢哋係唔會理。