《奇怪的開始，經過，結局》: 你嬲咩嗻? 哭咩嗻?
唉，痴線，無啦啦六點半就起佐身。
不過算啦，錦早起身咪煮個早餐俾阿Wing囉。
打開個雪櫃，捻翻起好耐都無自己煮個正餐啦，宜家都係阿Wing煮或者M記搞掂。得翻火腿，六隻蛋，兩塊白面包，芝士。
好窮酸...我睇我有時間都係我買翻野食煮啦...呢道連一個正餐都煮唔到...好彩宜家系食早餐嗻。
拿起個PAN，煎下個火腿，芝士火腿三文治搞掂。呢個就俾阿Wing食啦。之所以唔煎芝士?啱啱煎完火腿既熱度會慢慢溶解芝士，流入去D麵包同火腿，食得更滋味。而且你估我係大廚啊，識控制火候令到D芝士啱啱好未溶咩... 再整炒蛋，加D鹽，搞掂。
洗完曬D野，都已經搭十一，我無記錯既話阿Wing鬧鐘系七點。 去阿Wing個房，都真係好耐無入過來啦...
自從升佐中學之後，雖然表面上阿Wing都好黏我，只不過關係開始疏遠佐。 都正常既...佢有佢既生活，我有我既頹...
望一望周圍，睇下D迪士尼公仔，執得整齊既書包，書臺，望下佢拿獎既Certificate，同朋友影果D相。呢D咪叫唔同既世界囉。佢既生活幾充實，我既生活過得幾廢。
我捻，我除左苦笑之外都只可以接受阿Wing同我既差別。 都係坐系床邊等阿Wing起身啦。
七點，佢個電話響起唔知"Mission Impossible"個Theme Song。阿Wing好懶散錦伸佐果懶腰，跟住先見到我。佢無啦啦即刻臉紅
『阿哥，點解你錦早就醒既?』
『哦，無。我啱啱無啦啦六點半起佐身，見好耐都無煮野食，咪煮佐早餐囉。快D食啦，凍佐就唔好食架啦。』
『知道～好耐都無食過阿哥煮過既野食啦～』
『嗯，下次起到身咪煮俾你食囉。』
阿Wing見到個三文治，炒蛋同杯綠茶對眼即刻發光。
『哇～我食下先～嗯～好好味啊～』
見到阿Wing錦甜既笑容，我自己都忍唔住笑。 望翻個鐘，宜家七點搭二，宜家換衫都差唔多架啦。
入翻房出翻來，阿Wing就好迷茫錦望著我。
『阿哥，你錦早出街做咩?』
『我要去為個同學帶路，佢係轉學生，我又錦啱同佢做隔離，佢咪問我由地鐵點過來囉? 』
阿Wing既樣怪怪地，究竟捻緊D咩呢?
『呢個新同學...係咪女架?』
阿Wing個聲轉曬，我都唔識點形容，總之有少少緊張，急躁錦樣啦。
『係啊，做咩?』
『唔得! 我都要去!』
『你去咪去囉，洗唔洗錦大反應啊?』
有時真係唔明D女仔錦大反應為咩....
阿Wing低頭好細聲
『我好驚呢個人又再次傷害到阿哥你啊...你舊年暑假搞到我好驚，好擔心啊嘛，你又唔係唔知...』
啊屌...原來係冰冰既事...阿Wing對眼已經眼濕濕。所以我咪話我廢囉，成日都要阿妹擔心...
『喂，無野窩傻妹，咪哭啦。我應承佐你唔會再錦架啦嗎，係咪?』
我行佐過去攬實阿Wing。真係傻妹來架，我緊系學乖佐架啦。個傻妹到宜家呢個年紀都係錦愛哭。
『嗯，對唔住啊阿哥，我啱啱反應過大...』
『都話佐無野啦，錦你去唔去定係係到嘆世界啊?』
『算啦，以前阿哥應承佐我既事無一次反口，呢次都唔可以啊!』
望著阿Wing破涕而笑，都忍唔住笑一笑。
所以人成日話身在福中不知福，其實對我來講所謂既福就係感受到別人對你的關心，好簡單。 見阿Wing伸出手指尾，我都好有默契錦伸出我自己果個，勾着細妹細細地既雪白手指。
呢個暗號我地由細用到大。如果我地立下關於我地兩個既規條，只要勾佐手指尾，就絕對唔可以反口。至於反口既下場系點...呢個唔重要啦!
行到又一城既地鐵站，就已經見到Yuki企系度。Check翻個電話，宜家先搭四嗻，會唔會早佐D啊?
都唔知係咪有特異功能，Yuki即刻面向我，同我揮手。
『早晨啊Wind!』
禮貌上打完招呼，問等得耐唔耐錦樣就起步啦。
由呢度出到去轉左行兩條街口，跟住轉右... 一路同Yuki指指點點D路點行，一路傾下計，都知道佐佢多D野。
佢好鍾意深藍色，鍾意食Pizza，唔鍾意咖啡，原因係佢成日睇D戲D男或者女主角成日夜晚為左勾引對方而用老橋
"上唔上來飲杯咖啡?"
而Yuki就次次睇次次都心捻，夜晚晚飲咩咖啡啊。
一聽到呢度忍唔住大笑。雖然Yuki一路望著我系錦笑都好似好，但係自己都忍唔住笑佐出來。
呢個時刻! 呢個MOMENT! 呢個感覺! 唔通就係戀愛中既感覺!?
白痴既你一定系錦捻啦...可悲...
同人一齊笑你就話戀愛，錦唔覺意被你掂下佢咪叫做愛? 咪FF啦。
行到教室，坐翻低阿Gary就係錦望著我同Yuki，奸笑緊。
條友真係唔知捻佐去邊...
上完第一，二堂放BREAK，班毒狗又可以黏住Yuki，佢地仲唔發達?
Yuki系各種攻勢之下都望過來幾下，其實你唔好望啦，我幫你唔到啊...
今次班毒狗就問Yuki鍾意食咩，飲咩，去邊度行街錦樣，同埋暗示自己有幾好... 擺明想約佢出街啦。
接著第三堂係Miss Ko教翻數學。每當佢系黑板上寫字，Yuki就趁機瞪我，一雙海藍色既眼好恐怖錦望著我。
扮無野，扮睇唔到，扮無野，扮睇唔到...冷靜錦吸氣，呼氣，吸氣，呼氣...無視，無視....系呢度冷氣太凍嗻...唔係有殺氣...
第四堂，超級老前輩楊Sir病佐，結果自由時間。
Yuki見個個都差唔多瞓曬覺錦，就低言抱怨
『哼，你個賤人見到佢地圍曬來仲唔帶我出去出去走。』
點解一定要係我先...同埋你嬲咩嗻，我又唔係你邊個邊個，亦都唔係你既兵...有時我真係好撚想怪我自己點解對住女仔錦有禮貌。
重新講多次，我唔係兵!
『ER...錦你受歡迎好正常既。』
『你條友啊，今日就請我食LUNCH當補翻數啦。』
呢個咩邏輯來架...
正當我想話我約佐人，個死人Gary當然踩佐我一腳，仲要好撚大力。
『佢緊系會請你食啦，係咪先? 今日我同阿欣兩個食啦，你咪同佢一齊食囉，係咪啊黃同學』
Yuki微笑系錦點頭。而我就轉頭冷眼望著條仆街。
『你又想點啊馬上風。』
『屌可唔可以唔好叫我馬上風啊! 系D人面前喪失曬形象啦!』
『錦你又宜家又玩咩啊?』
『屌，唔好咩? 聽阿欣講你地都熟佐啦，係咪?』
阿欣你真係害得我唔少...
『哦，好囉...只不過我食唔起咩高級餐廳，最多都係Pepper Lunch果D野囉。』
其實Pepper Lunch都已經好高貴架啦。雖然唔係話窮，但係我呢D人習慣食M記算架啦嘛...平時都捨得食Pepper Lunch啦，係咪? 錦樣就無佐一舊水...
『嗯...但係我想食元氣囉，好無啊?』
元氣...仲要我請啊...應該無佐四舊水...
Yuki見到我無曬反應錦，尷尬錦笑佐笑
『對唔住啊...我只係見我同你第一次食，想食得貴D來慶祝下...』
Gary又踩我一下。見到佢細細聲 "快D打完場啦"，無計啦...
只不過我一定會屌翻佢...
『呢D野慶咩祝啊...不過你想話食D高貴既野，我又好耐無去，你放佐學等陣跟我行。』
『去邊啊?』
『你等陣咪知囉。』
『錦神秘? 好!』
呢個時候Yuki又笑翻...
Lunch到左，我去佐同阿Wing食。不過只係我地兩個。睇來佢鬧爆佐班閨蜜丟低佢唔來仲嬲緊。
『做咩啊細妹...』
『哼! 個Cherry同Candy昨日先丟低我，仲要笑口笑臉，緊系嬲啦!』
好好好...只不過你嬲洗唔洗拿食物來出氣啊嘛...舊雞俾你斬到錦，點食啊...
『阿哥，你今日係唔係又要陪果個新同學啊?』
D女人咩第六感來架...你地去玩六合彩咪次次中頭獎?
『你又知? 問題系你緊張D咩囉，系個Gary插手搞搞陣囉，又唔係我主動約佢出街...』
好可惜，阿Wing扮聽唔到。
『好啦，阿哥又唔陪我啦，有女朋友啦，哼! 哎呀!』
你個傻女...仲要錦大力咬到個叉緊系痛啦...
『好好好，聽日星期三，煮個大餐俾你食好唔好啊?』
『哼! 我宜家好嬲啊! 我翻學校啦!』
講完阿Wing就錦走佐...
仲要我俾錢...!
我邊撚度錦多錢啊! 平時我點會帶錦多錢出街嗻。
睇來寵壞佐個細妹就會有錦既下場...
去完銀行拿錢，翻到去學校就第五堂，仲要係英文堂。即系代表著
呢個死肥，廢，鹹濕，白痴陳Sir...
目標當然唔敢阿欣啦...
有次阿欣被師長抽水，第二，三，四日都唔敢翻學。
佢放佐學後被阿Gary打到成隻眼黑撚佐，仲要惡搞到露條三角褲出來。
雖然佢自己成身瘀佐，仲要俾學校停學一個禮拜加記大過。
結果就係令唔少女更加想同佢輪迴，成個學校都無人敢掂阿欣囉。
睇就緊有既...成個鍾嘉欣錦點唔睇啊...
講翻阿老陳，今日既目標就係坐系最前排既Nicole囉。
Nicole好似出名大波，完美身材，個樣好似咪姐高海寧，只不過佢無拍過拖，亦都無咩緋聞。
簡單D講即係班毒狗既打J女神囉。
我自己打唔打丁? 呢個就緊有啦。你理得我咩，屌你夠膽話自己無? 除非你真係好信宗教囉。
老陳就係一路講點解題就錦扮唔覺意掂下Nicole既手，膊頭，胸部。
都唔知咩老師來架...錦既款仲來做老師真係屈機。
Nicole都係到忍得好辛苦...
班毒狗當然係到自HIGH緊啦。
無計，Gary同我都睇唔落眼，到我地出場啦!
我就即刻舉起手，問啊呢題點做啊，啊呢題唔係好似好明
Gary就從旁穿插下，跟住有D其他人都終於自HIGH完或者良心發現都插下嘴錦，令到啊廢陳周圍行，都唔得閒搞人。
堂完佐之後，佢就好撚快錦走佐。
錦肥，啱啱果堂咪當俾佢做下運動囉，好事來架!
Nicole都過左來，塊面紅紅地
『唔該曬啊，Gary，Wind。』
送上禮貌上既笑，簡單搖頭就算啦。呢個Gary仲要系學校系錦講。
『呢D人都唔知點解仲可以來教書。你話佢叫得好都有得講啊，問題系佢咩都唔好啊嘛!
『算啦，算啦。其實我想請你地食野，當多謝下你地囉。』
見到Gary個陰笑...我屌你唔撚係啊化!
『我就唔得啦，只不過Wind可以架!』
我聽日一定屌柒你...唔得! 就今晚玩你死!
『ER,都得既，但係我同阿Yuki宜家都去食野，錦你想咪跟埋來囉。再唔係你聽朝請我食個三文治都得架啦。』
都問佐唔同話唔得咩...
『嗯，好啊。反正我都要捻今晚食咩。』
『呢餐都其實只算係下午茶囉...』
『唔緊要啦。』
同Yuki，Nicole三人行，一路上系錦問
『去邊啊?』
『秘密。』
『錦神秘? 至少話俾我地聽系邊度架?』
『秘密。』
結果兩個都無野講。
其實唔係我唔想講。
而系想來呢呢度要經歷過一D野。無心人系無可能搵到架啦。
行佐15分鐘，上佐樓梯就入去S&S
S&S系一間Cafe。
至於點解話要經歷過一D野先至會來呢度?
S&S代表著Sam同Samantha，呢個系佢地兩個既心血。
但Sam離開佐Samantha，而Samantha就自己一個繼續經營S&S.
九年亦都無改變個個名，日日播放著佢自己改版既Canon in D，無時無刻都會有著佢親切既笑容。而店裡唯一賣既就只有咖啡同芝士蛋糕。
而無時無刻，呢間店都會有哀愁既感覺陪伴。
你可能會覺得，呢間鋪頭點會做得耐啊?
其實唔少名人都偷偷地來過，當然仲有繼續來。而且Samantha既家姐系唔知咩上市公司既CEO，背後亦都有佢支持。
我捻，你地都應該估到要經歷過D咩先會特登來呢度...
無錯，系經歷佐愛情既挫折，都會來呢度。
從而中接受...
呢度，無時無刻都會話俾你聽，你鍾意佐一個人，無論經歷佐咩事都好，有開始都必會有結束。無論系死亡，分手，離婚，背板，呢度都會提醒你，你付出過。無論有幾多或者幾少，你都已經無可能再改變得到。
只有接受，先之可以放低。
唔係忘記當初付出過幾多，亦都唔係憎恨當初點解付出錦多，而係記得點解要去付出錦多。
記得，接受，就放低啦。
已經唔再由我地去控制啦。
每個人都會有選擇。既然佢都唔係揀你，你何必呢?
你可以選擇接受然後放低，放低完但繼續等落去，亦都可以選擇放低然後搵下一個。
但絕不容許你忘記。
Samantha既微笑背後既意義，就係令人絕對唔可以忘記。
我同Samantha點佐三件蛋糕同埋一杯Latte，Cappucino就決定坐落角落頭。
Yuki仲瞪緊我
『我無野飲既?』
『呢度只有咖啡，無其他。你又唔鍾意飲，係咪?』
Yuki就笑翻啦，酒窩都出曬來。
『你仲記得啊?』
Nicole就插佐嘴，好疑惑既表情。
『呢度...個感覺有D...』
雖然無繼續講落去，但我都明佢想講咩。Yuki都好奇怪錦望著我。
『呢度既故事，你地如果有興趣就自己搵下啦。』
『即係其實呢，無野扮神秘唔型囉。』
Yuki系錦陰笑，而Nicole既嘴角就微微向上揚。但係兩個同時都有眼濕濕錦
『做咩啊，你地兩個?』
『無...捻翻起D往事嗻』
兩個仲要異口同聲錦講，擺明已經被呢度影響佐。
無錯。我每個月都會來呢度幾次，為左就係捻翻起我同冰冰既事。
我捻，我一世都應該忘記唔到我同佢。
但系我要學識點放低。
佢既然揀佐錢，我亦都無能力作為佢既目標，只有放棄。
我唔係傻瓜，亦都唔係癡情。邏輯上，感情上我都已經默默錦投降佐。只有我個心未肯屈服嗻。
擺翻個痛笑系個面度，我地只有一路食，食完無講野。就錦樣到六點半，我提出起行。
送佐Yuki去地鐵站，突然捻起唔知Nicole住邊添。
『Nicole，你住邊架?』
『我? 我咪住你隔離囉。』
哦....
屌咩撚我隔離啊!
『Nicole，咪玩啦。』
Nicole就好冷眼錦望著我。
『你唔信自己問下你個妹啦。』
唔係啊化...