《奇怪的開始，經過，結局》: 完結

陳嘉冰。

一個我無可能唔記得既人，再次出現係我面前。

『好...好耐無見。』

無錯! 唔通有其他野講咩?

『嗯，好耐無見啦...呢位係...?』



把聲好殘...我個心抽佐下。

『黃雪心。Yuki，你走先啦。』

Yuki應該察覺到我面色不妥，就咬著下唇輕輕地點頭走佐。

DEAD AIR佐幾秒後，我深呼吸。

『冰冰...我地都係搵過地方先啦。』



『嗯...』

背向著佢，我慢慢拖住沉重既腳步，走去S&S。

一路上，個世界似乎得翻我地兩個。

只有沉默陪伴著我地既路程。

記得分手果次，係我跟你身後。



今次，係你跟我後面。

去到，我點佐一杯Ice Latte，佢既至愛。佢笑一笑，但係好快就翻翻去悲哀既表情。我自己要佐杯Espresso...人稱最苦，最難飲既咖啡。

果一笑就奪去佐我既人啦...

陳嘉冰，你最吸引我既地方系你既笑容。無時無刻，只要你一笑，彷彿全世界既黑暗都被光照耀著。

『幾...幾多錢啊?』

『今日，我請你啦。』

『多謝。唔知...你有無睇我facebook,IG呢?』

我心捻:仆街! 講乜撚野好? 安慰，追佢，屌太多野捻!



但係我腦就捻緊: 屌關我條撚事咩! 飛完我，被人飛就彈翻翻來，當我狗公啊!

今次，係我既感情戰勝理智。

『有...你睇落都...』

佢差點流眼淚，不過無。『乜我依家真係好差咩? 我自問讀書數一數二，生得又唔差，我仲為佐佢...放棄你，盡量忘記你為我做既一切...但係佢仲要理直氣壯錦同我講話係我既錯...我究竟做錯佐D咩啊!』

錯就係錯你鍾意一個賤人囉...出曬名禽獸來架啦...

『咁感情呢家野好難講既...』

『阿Wind...當初我同你分手果陣...我D朋友話你真係好傷心，仲要好似自閉錦...Gary同你啊妹都有搵過我，話最少都要俾過解釋你...但係當時我真係面對唔到你...阿峰都話只係誇大佐既傳聞...結果...』



我壓低心中狂亂既情感，淺笑。『俾D時間，咩都會變。你唔洗掛念條友。』

時間...係唔會作出變化。只有我地既情感，先會變。

而我對你，陳嘉冰既情感，由我第一眼開始鍾意你，到宜家呢一刻，都無改變過。

呢D我真係好想講出來。

不過當然，我係無啦。

我唔想乘虛而入...呢個違反佐我自己既原則，我既自尊...同埋，我心入面竟然有少少開心。

見到佢同我經歷同樣既野，佢到底明唔明佢同我提出分手果一刻我有幾咁痛，幾咁傷心? 宜家佢自己感受到...屌! 我宜家做乜春啊!

冰冰突然緊握著我既手『Wind, 我地可唔可以重新來過一次啊? 我知道我愧對你，我知道我無資格同你一齊...但係我心入面好清楚知道你對我既好...你對我既-』



『夠啦。』我打斷她，悲笑。

錯啦，陳嘉冰。

我又唔係三歲細路仔，你估我真係睇你唔透咩...

佢，已經變佐。

亦都唔係我曾經識既陳嘉冰。

我曾經愛慕既笑容，本質都變佐。

『時間係無情既。既然你我都變佐，無謂再次令我承受多一次痛苦。』



我每講一個字，我心入面都被人捅緊一刀錦痛。

即使千萬個不願意，即使我想繼續欺騙自己，回到那段時光，終究只係一片假象。佢既心，仍然都依戀著韓義峰。

『再見啦，陳嘉冰。祝你同韓義峰再次一齊，再次搵翻你應有既幸福快樂。』

呢一段，亦都係佢同我宣布佢同韓義峰一齊，我同樣講既一番說話。

我望翻佢，佢只係呆望著我。

飲埋杯苦到想嘔既Espresso,我自己一個離去，並無回頭。

無錯。

我愛佢，但佢愛既人，唔係我。

我到呢一刻，竟然無好似當初錦喊出來，只係好想笑。

好似福爾摩斯講既一句：無謂既情感只會阻礙明確清晰既推理。演變到我呢個情況，只要消除我對佢既留念，由第三角度睇，我無謂令自己踩到更深。

呢一次既見面，只係為我同佢既事畫上句點。

唔知世界上有幾多人依然記得佢地既初戀情人? 又有幾多真係可以同愛情故事一樣，圓滿地為佢地既故事畫上結局呢? 又有多少，經歷過痛苦，悲傷，然後一笑了之?

經歷過，笑過，哭過，然後放低。

雖然係耐佐D,但我同佢既故事，到此完結。

由中一到依家，我地兩個條路纏繞著，仲間接令多少人為我地落淚。

今日，就分開啦。

我對你既情感，可能到八十歲都未放得低，但係我唔會再留戀，唔會再妄想。

你我，已變，再唔係同一個世界既人。所以，你有同韓義峰既快樂，我有我自己一個。

我地既時光，只係屬於過去，並無將來。