中三那年忘不了的三個月: 1.

「大家，中二話咁快就完啦啵，各位係暑假當然免不了做暑期功課啦!!」班主任李SIR係到笑淫淫地講。 

李SIR講完呢句，各位同學一邊拍手，一邊喝倒彩。 

突然，有人拍我肩頭，我即刻講﹕「你有問題，我有問題，你做乜撚野挑釁我呀!」 

當然，呢個只係玩笑，豪仔不以為然繼續講﹕「咪玩啦孖撚哥，話說你今年全班第二啵，下年實入到精英班啦。」 

個陣時既我，就好比一個浪子，就算入到咩班都係一個浪子，出淤泥而不染，濯清漣而不妖。 



不過我心入面突然有個諗頭﹕「話就咁話，不過我女神就係精英班到，入到去咪有機會識到女神!?」 

正當我還沉醉係我個幻想入面，豪仔又拍我肩頭，我即刻擰轉身好惡不過好細聲同佢講﹕「做乜撚野呀!!」 

突然身後傳出李SIR的聲音﹕「你睇下你講緊咩!不知所謂!」 

在全班的歡笑下，我更心知不妙，不過最後李SIR只係罸我做多樣暑期功課，但係功課呢樣野，做唔做都係一樣。 係中二漫漫長既暑假入面，我同大部分毒撚一樣，都係毒係家中，乜都唔想做，一朝到晚除左食飲訓屙，基本上都係唔出街的。 

個陣亦冇WTSAPP，PAD，神魔呢種遊戲，就算有智能電話，我都唔會去買，所以我仲係用緊Sony Ericsson W995，冇上網，除左打出打入SEND MSG，基本上可以話係廢鐵。 



不過係漫漫暑假有一日我係印象較深刻的，就係公布分班結果，不過我諗果日就太多人上學網，搞到死左SER，搞到要問我個FRD拎個結果。 

我用一目百行的速度，將中三既分班結果望一次，結果我當然入到精英班3A，但我班老死就係3B到，所以其實心情都有少少矛盾，開心既係同女神一班，唔開心既當然同老死分開成年。而且，成個精英班我根本冇乜識幾個，最熟用5隻手指數得哂，所以開心同唔開心得黎又帶得恐懼。 

呢種心情真係唔係單單用文字可以形容，不過有得同女神同一班，已經我同女神既關係又更進一步。 


呀!!!係!!!我女神中文名係黄本莉，一直唔記得左講，而我當然係人如其名既———孖撚哥。