中三那年忘不了的三個月: 9

其實有時覺得，我既人生，有可能係接下來既事件做左最錯誤既決定。 

開學九月既時間，都係認識下啲同學仔，基本上已經就混熟哂，(但我唔會逐個人去介紹，有機會係故事發展下去個時介紹埋)所以就冇乜特別，而且日日都望唔到女神，比人遮住哂，所以自自然然都搵唔到時間吹水。 

不過係有一日，學校派左張通告比全級，就係十月頭可以去台灣進行呢個遊學團，而且有一半既費用係可以減免，對於我呢種毒撚，呢個可以話一個好好既出國機會，而且有機會同女神同房，之後就 

拎到張通告後，我即刻問肥陳阿泰佢兩個去唔去，佢地兩個都係咁講﹕「你係唔係戇鳩左，咁好既機會點解唔去，順便食台妹，扑台妹，體驗下風土人情。」 

我彩佢地都廢事，咩扑台妹，扑到先算啦。你地可能會問，咁如果唔去既同學會去邊，唔去既，就會去中國，地點我唔記得左。 



我返到屋企第一時間緊係問老母拎錢啦，老母都好樂意比錢我去，因為出國真係一個好好既回憶，係我呢一生人，我諗我MISS左個機會，呢加諗返起都 。 

咁第二日返到班上，MISS郭就講﹕「咁呢，尋日我就派左張通告比大家，如果大家係去台灣既，咁就順住學號出黎交通告，順便交埋錢!」 

說罷，同學們都逐個逐個排隊去交通告，去交錢。而我叫孖子撚，個開頭個英名字係M，女神係W，自然係我交通告先，之後要默默望住女神，心入面祈禱，佢一定要去。 

咁結果當然唔會事願人違，心愛既女神當然會陪伴我去，佢交完通告之後，仲好似特意望左我一眼，到底係唔係暗示我啲咩呢?當然呢啲全部都係我小毒撚既一相情願既諗法。 

「嗯，全班冇人唔去，咁就聽日應該有個講座，就講去台灣要注意的地方，咁就務必要留意聽日既情況。有冇人有問題?」 



「MISS呀，通告派比全級人，如果全級都去哂，咁點算?」一位叫阿發既肥仔問。 

「呢層你地唔洗擔心，當然呢啲野係以成績作優先，詳細既野，相信聰明既你地知點解。」 

我心入面咁諗﹕"咁樣咪出現左一種階級覲念，成績好去台灣，成績差返大陸?" 

學校真係黑暗到極點。