中三那年忘不了的三個月: 11

「鈴鈴鈴鈴...........鈴鈴鈴鈴................」鬧鐘又開始響起來。但我今次好平和，就咁起身熄左個鬧鐘，又再去問候。凌晨4點起身，窗外既境景真係幾好睇，因為有種眾人皆醉我獨醒，見到家家戶戶都熄哂燈，只有自己係呢個漆黑既亂世中發光發亮，真係幾好FEEL下。 

之後我緊係去左刷牙洗臉，換件冇咁毒既T恤，著條牛仔褲，CON屎鞋，再食幾塊包就出門，老母出門之前都叫我路上小心，要跟隨老師既指示。我心諗﹕「洗你講咩，我有分數啦。」不過出於孝義，所以我都同老母講返聲再見先出門。 

如果你未試過係夜晚拎住行李箱，係一個人影都冇既街上行，個感覺真係幾恐怖下。你只係會聽到行李箱個轆，與地下磨個種聲，真係搞令人有幾分心寒。 

正當我仲係留意住個轆發出既聲音，有人仲係我後面拍我肩頭，屌係嚇死撚我，我回頭一望，原來又係肥陳條仆街， 

佢話﹕「今次仲嚇你唔到 」 



不過令我在意既係，點解我聽唔佢個轆聲，之後我問返佢，原來佢抬起個行李箱特登行過來嚇我。之後我地2個就好似開學咁樣一齊行返學校。 

「喂，你食唔食朱古力呀?」 

「乜撚野呀，睇過。」 

「99%濃度朱古力，有冇興趣?」 

「黎，試下。」說罷，我整左一小塊比佢，他二話不說就放左落口。 



佢咬左兩淡，之後就即刻講﹕「嘩屌，咁撚苦既，乜你咁重口味嫁。」 

「吹呀，你有種就唔好撚食囉。」 

「SORRY，孖哥，不過下次唔好搞我。」 

聽到佢咁講，真係傷我心，佢竟然唔知99%濃度既朱古力係最好食既朱古力。 

如是者，我都冇理到佢，我一邊行，一邊繼續品嚐我個99%濃度既朱古力。