中三那年忘不了的三個月: 14

佢入左去之後，將個背囊放左係上面個儲存位。我望住佢個背影真係同女神有幾分相似。 

佢著住黑色既T恤，黑色熱褲，黑色既高筒CON屎鞋。望住佢白雪雪既腳，真係唾涎欲滴。不過好彩佢背對住我，如果唔係比佢見到我個淫樣，真係印象分大減。 

佢放完個背囊，之後擰返轉身，見到我仲企起到，之後就笑笑口望住我講﹕「你仲咩企唔坐低呀?」 

「係....係，一時望住你太留神添。」 

「吓，點解既??」我地同步坐低，而佢一邊講，一邊係到傻笑。 



之後我貼住佢耳邊輕輕講﹕「因為你好似我認識既一個人。」 

佢聽完我講呢句，之後耳仔同臉都紅哂。我亦覺得自己講得過左火，之後講﹕ 

「SORRY呀，因為你真係太似。」 

「呀，呀，哈哈，唔洗SORRY，係呢，講左咁耐，我連你叫咩名都唔知添，我叫陳欣恩。你呢?」 

「我呀?我叫孖子撚。你叫我孖撚得啦。」 



「HELLO，孖撚。」 

「HELLO，欣恩，咁樣叫你OK?」 

之後佢塊面又有一陣泛紅，講﹕「嗯。」 

「係呢，你自己一個女仔人家去台灣做咩?」 

「喔，我唔係自己一個嫁，因為係台灣既嫲嫲有急病，所以我阿媽同阿爸叫我去跟埋佢地一齊去。」 



「咁，你屋企人呢??」 

「因為我地尋日先知嫲嫲病左，趕住買機票，所以我同爸爸媽媽個座位隔開幾遠下，爸爸就47E，媽媽就好似係22F。我不知幾驚自己一個人坐，不過好彩隔離有個同我差唔多年紀既人，所以我都鬆左口氣。嘿嘿~」佢講完之後又傻笑。 「喔，唔好意思。希望你嫲嫲早日康復。」 

「望就咁望啦。咁你呢，你又自己一個去台灣呀??」 

「唔係呀，我同學校一齊去台灣，話咩遊學團。」 

「嘩，你就好啦，如果學校帶隊去台灣，有機會我都想試下。」 

突然飛機有廣播﹕「請大家綁好安全帶，我們現在即將進行起飛，到達台灣既時間大約係11:15分。」 

原來唔經唔覺，傾左咁耐，之後我見欣恩企左起身，係個背囊唔知搵咩。咁準備起飛個時當然有空姐巡現下有冇人係廁所，或是係有冇人冇戴安全帶。 

而咁岩空姐巡到我地個邊，佢見到欣恩企左起身，就用講﹕「小姐，呢加飛機正準備起飛，所以請你合作，坐低綁返好安全帶佢。」 



「好快，好快，我搵緊朱古力，因為我唔食搭飛機唔食朱古力會好驚。」 

我聽到「朱古力」三個字，我就將目光由空姐轉到欣恩手中的朱古力。 

「哈，搵到啦，唔好意思，我呢加綁返安全帶先。」 

我望朱古力我第一時間唔係望個牌子，而係望個濃度，正好似我之前所講，唔係食99%濃度既朱古力，就好似食糖咁。 

正當我注意到欣恩手中既朱古力濃度係99%，我既心情真係頓時開心到落淚，因為我終於搵到個知音人。。我真係即刻dup低頭，強忍我既淚水。 

欣恩見到我咁樣，之後就拍拍我肩頭講﹕「喂，孖撚，你冇野呀，做乜冇啦啦喊，黎啦，我請你食塊朱古力。乖啦。」 

咁又好難怪欣恩唔明，我起返身後，揩擦去眼淚，我從我褲袋中找出食剩一半的朱古力比欣恩睇睇。 



欣恩見到就好驚訝咁講﹕「估唔到有人同我一樣口味，識貨啵孖撚!既然你都有，不如交換食呀?明治我都好耐冇食過了。我個隻係Lindt 99%，有冇興趣?」 

如果大家唔知咩叫LINDT，可以自行上網查下，LINDT可以算係最頂級既朱古力廠。 

我好少食貴野，難得有得食，仲要係由一個唔錯既女女比我食，真係夫復何求。