中三那年忘不了的三個月: 29

我就望住本莉對房門成分鐘，後面就有把聲同我講﹕ 

「喂，人地入左去啦，仲望，我好肚餓，快啲入黎啦。」原來阿泰開左門，但係個樣死下死下咁同我講。 

如是者我地就食杯麵，之後沖涼。出到廳都係仲係10:30左右。咁個啲台灣偶像劇呀，綜藝節目都播完，阿峰同瘦林自自然然去左沖涼。 

我就用個搖控器搵呀搵，睇下有冇啲AV台，點都搵唔到18禁既台，由一就係搵到係啲樣一般既囡囡係到跳鋼管舞，阿泰見到就即刻笑左出聲講﹕ 

「呢個乜撚野黎，咁豬都出黎跳??轉台啦，望多眼都想嘔。」 



見到阿泰扮哂嘔咁，我就順佢意轉左台，轉轉下，就見到日本既摔角，我仲好記得個個選手好似叫獸神 

 

我就係比呢套野，搞到呢加都幾鍾意摔角。見到啲選手又過肩摔，又拳拳打到入哂肉，又真幾過癮咁。 

就係咁我就訓左係沙發到，睇睇下訓著左.............. 





“「喂喂，起身啦傻豬。」一把我好懷念既聲音係我耳邊，而且我感覺到有人輕輕撫摸著我既臉頰。 

點下我仲想賴下床既時候，我諗緊邊個會叫我傻豬。我心突然有一道暗湧，我就即刻彈左起身。我望住叫我起身既人，原來係我一直最想見到既人——欣恩。 

我見到佢對住我微笑，我既眼淚即刻不禁流了下來，但係我又覺得好開心，因為點都估唔到欣恩冇啦啦出現係我身邊。 

我開心到乜都講唔到，聲音卡住係喉嚨到，我見到欣恩塊臉透出淡紅，好有生氣。我緊緊拖住佢隻手，之後再抱住佢講﹕「唔好再離開我....」我地互擁左成分鐘之後，佢就輕輕推開我，講﹕「記得開開心心呀!!」 

說罷佢就轉身走左出去，而我想追出去既時候，我發現我既身體竟然一動也不能動。我哭著大叫，想要阻止欣恩離開既時候，佢返左轉頭對住我揮手，講﹕「有綠再會啦!!拜拜!!」說罷對我擺了一副幸福開心既微笑，就走左。 



我望住佢離開既背影，但係我一動也不能動，只能眼白白望住欣恩既離開。我大叫著﹕「唔好離開我呀!!唔好再離開我呀!!!!」但可惜我叫唔出聲，可能我太過傷心過頭，暈左係張床到。”

「喂屌你起身啦，我肚餓，落去食早餐啦!!!」阿泰一邊推擠正在睡覺的我，一邊說。「快起身啦屌!」 

我比阿泰條友嘈醒，我發現我郁得返，我就即起身諗住跑出去追返欣恩。阿泰就即刻講﹕「你做乜一起身就喊呀!!」 

我好激動問﹕「欣恩呢，佢頭先明明叫我起身家!!佢應該走冇遠，呢加追趕得到!!」 

正我諗住著返對鞋追返出去個時，阿泰喝停左我，佢一臉疑惑咁問返我﹕「咩欣恩呀，根本冇可能，我地對門一直鎖住，況且我晨早就起左身，根本就冇人入過黎，你係唔係發夢咋?」 

我呆左呆，我心裡面諗左諗﹕發夢?? 

我呆左咁樣望住阿泰，阿泰同拍住我肩頭同我講﹕「放鬆下啦孖撚，過去左既野，你就算呢加點挽留，都係無補於事。」 

我dup低左頭係到諗﹕可能我真係太掛住欣恩，連發夢都掛住。 



「刷牙洗個臉啦，阿SIR尋日派左啲早餐券比我地，我著埋鞋係門口等你。」阿泰安撫著我。 

我望住阿泰講﹕「唔該哂，我呢加去刷。」 

「我呢加著鞋先，你快呀吓。」說罷佢就走左出睡房。 

我望住阿泰，突然諗起監獄風雪入面既一首歌。 

「人生於世上有幾個知己，多少友誼能長存。」 

我一路刷牙一路哼著首歌既節奏，點知比阿泰鬧左句﹕「你快啦仆街，我好肚餓呀!!」 

我心裡不禁笑左笑。呢種朋友真係知己.......