中三那年忘不了的三個月: 33

咁我緊係慢慢跟住佢地組，好似啲特工咁，閃閃縮縮，我見到佢地去左去另一個美術館到，我跟埋佢地入去。行下行下，我見到本莉企左係一副畫面前，我仔細一望幅畫，原來係貓。 

我慢慢企左係佢身邊，但係佢太專心，冇注意到我係到。我就同本莉講﹕ 

「喂!」我望住幅貓畫同本莉講。 

佢好似比我嚇左嚇，拍一拍自己心口講﹕「嚇死我咩....」 

「你太專心望啦，如果我係色狼，你早就...」我色瞇瞇咁望住佢。 



「可惜你唔係。」佢望一望我，之後再望返幅畫。 

我見佢好認真望幅畫，我就問本莉﹕「乜你好鍾意貓貓咩??」 

佢好激動同我講﹕「係呀係呀...你點知家!?」 

「傻既都知啦，你望住幅畫都可以望咁耐。」 

「又係啵，嘿嘿....」佢對著我傻笑。 



「你有養貓??」我問。 

「有呀，有兩隻，不過我去左台灣，我比左我個朋友照顧住先，我呢加好掛住貓貓呀....」從佢眼神入面，我感覺到個份對貓貓既愛。 

「係呢，你有冇你貓貓既相呀??」 

「有呀，不過係相機到，但我又冇帶，你想睇呀??」 

難得本莉又比機會我同佢相處，我當然連忙咁樣講﹕「好呀好呀，幾時睇??」 



「今晚囉，你黎我間房到。」 

我一睇到呢句面色沉左落黎，我心諗﹕咁樣你姐係玩我姐....想我死呀 

可能本莉都知道我諗緊咩，就講﹕「你唔洗驚啦，睇下相姐，況且我已經同零姐解釋左。無事既..」 

「咁好啦，今晚我過黎搵你。」 

「嗯，我呢加要返去自己組到啦，拜拜。」說罷佢就轉身走左。 

我係佢身後面揮一揮手，講﹕「拜拜，今晚見。」 

佢轉擰頭，用微笑回應我，再對我揮揮手，就走左去了。 跟住我就返去自己組到，接著我地就去到台北必去地——淡水老街。不過我就冇把握呢次機會，因為我沉迷成一部遊戲 

 



我就用哂啲時間玩呢部機，不過玩左幾鋪後，就周街行下，因為我都幾肚餓，所以就周圍搵下有乜食。我就是但搵左碗牛肉麵填一填個肚，之後我見好多人買鐵蛋同鳳梨酥，應該係買返屋企既手信。 

之後行到悶悶下，就去左買杯沙冰飲下。飲完就當然就返返酒店，我已經急不及待準備去本莉個房到，我沖定涼，整好個LOOK，我就滿懷自信敲門，我見到開門既係零姐，我心入面即刻屌左一聲。 

零姐仍然用不滿既眼神望住我，講﹕「本莉同我講哂啦，佢呢加就沖緊涼，我同你講你咪再亂咁黎呀!!」 

我對零姐做左個敬禮既動作，講﹕「收到!!」佢先肯比我入去。咁我當然係廳到靜心等待本莉出黎。而零姐就行返入房到。我等呀等，等呀等，等到訓左落張梳發到。 

突然，有人拍一拍我額頭，講﹕「喂，等左好耐呀??」我慢慢張開眼，見到本莉著住睡衣，手中拎部相機。 

我見到佢成個出水芙蓉咁，真係可愛。