《迷失披頭四》: 第五章

「Hello，我叫徐自梅。」

「Hi……許智鞍呀。」

「我可唔可以同你調位呀？我鍾意坐走廊位。」

「哦，咁你鍾意啦。」

就在我們將座位上的東西對調，阿梅伸手過來拿筆袋時，我注意到她左手手腕上的傷痕，一道粉紅色的、已結痂的傷痕。我裝作沒看到，繼續上課轉移視線，她卻開口說：



「割脈啫，冇嘢喎。」

「吓？咁……咁你冇嘢吖嘛……」

「講笑咋。我細個玩韆鞦整到㗎。」

「哈哈。咁你係咪成日畀人以為你自殺？」

「由細講到大。所以如果有一日我真係要自殺，我一定唔會揀割脈，廢事畀人估到晒咁。」



「咁你會揀點死呢？」

「喺車度侷死自己！將條死氣喉駁返入架車度，開著架車，合埋眼，一覺起身又一條好漢。」

「啫係吸毒？好辛苦喎！我寧願跳樓。」

「跳樓條屍咁肉酸！駁死氣喉自殺呀，條屍嘅皮膚會係櫻桃紅色㗎，靚幾多。」

「都死咗咯，靚唔靚有乜所謂。」



「我信人死咗會去另一個地方㗎，最後個樣梗係要靚啲！」

我也相信人死後會去另一個地方，以另一種方式繼續存在。只是，不管那地方是天堂、是地獄、是平行時空抑或1964年，都已經無所謂了。

一切都已經無所謂了。

（完）