(青春極少甜)原來曖昧真係最好既階段: 20-終

時間繼續流動，一日復一日。

南仔依然都係咁錫麥葵；蔣偉樂仲係追緊楊紫晴；Tina同何夏言不停曬恩愛；魏天培冇守諾言，都係次次搶林侑淇D薯仔。

話咁快，原來以前日日講住提住、搞到個個要生要死既DSE已經考完。

六年既記憶全部都仲記得咁清楚，但係都已經過去。

話過畢業禮唔會喊既楊紫晴同林侑淇，最後係喊得仲勁過麥葵。



佢地感激每一個陪自己經歷過既人，先令大家既中學生涯變得可貴難忘。


中學呢段路，學到好多野。


林侑淇最後同魏天培一齊，其實代表，鍾意一個人可以好快，一眼就鍾意一個人唔代表唔認真，因為認唔認真唔係講幾快愛上，係睇愛到幾耐，維繫到幾耐。但如果唔早D面對自己既感覺，只會傷害到自己同人地。

透過麥葵件事都見到，雖然長大既旅途上會跌傷過、撞過板，但只要企番起身，一定會學到D野，有所得著。麥葵就學識帶眼識人。



係以前Larry同林侑淇既關係都可以見到每個人都會有缺點、會自私、會有慾望，但咁先真實，就係咁先編成左一個個故事。


我地都會做過D唔完美、有缺陷既事，但至當時係跟住自己個心去做，第時先唔會後悔。

有D事做個陣係覺得又傻又柒，不過其實經歲月沖刷後，都係一段段難忘又開心既記憶。



可能有一個女仔，你曾經對佢唔住，所以你忘記唔到佢。



可能有一個女仔，你記得你好努力咁追過佢，仲記得點樣追，但係或者你已經唔記得佢係咩樣。

可能有一個女仔，你同佢都鍾意對方，但唔知點解冇一齊，一齊到，又唔知點解會分左手。到而家你都仲婉惜緊呢段感情。

可能有一個女仔，你好鍾意佢，
但你知道，
比起你既幸福，你更想見到佢既幸福。

呢個女仔，永遠埋係你心入面。

有時你會諗，如果當初我同到佢一齊會點呢？
然後你又搖搖頭，唔後悔個陣既決定。





  
你有冇諗番起你既故事？  




—完—