《真騎呢！入面咩類型既文都有......！》: 《心裡握緊的一把尺》

《心裡握緊的一把尺子》



有時會有其他人同我講，

「做好自己，唔好理其他人既野住！」

但係其實哩樣野係永遠都做唔到既，人類係屬於群體生活，要做到自私自利，不顧別人感受，而放置於自己於頭首，咁樣，你反而會變左做「獨家村」。





既然不能夠以自己為居首，咁樣只能夠默默地一邊做好自己，一邊處理好人際關係，過濾一D唔關於你既多餘資訊，例如，事非，別人既感情關係，等等。過濾不必要既事非，唔代表你唔洗關心一下同事，朋友，親人既情緒，雖然「自我」係好緊要，尤其係身處係頑劣既社會洪流入面，長期要Keep住自己，以「自己」為居首，的確亦都係大部份成功人士會同你講既，踏出成功人生必要以自我為中心既偉大理論。


每個人心裡面都會有一把尺，去量度言詞既重量，一句說話出自誰人嘴巴，用什麼的心情去表達出句子既意思。一句說話，大概十個人聽出十個唔同既意思，所以亦都話點解我地心中要握有一把尺子，不中聽的，我地可以選擇去唔聽。有用，對我地有幫助既，我地可以放係心入面，學以致用，不明白對方言詞既意思，我地大概只能依靠自己內心去衡量同捨棄，得到一個從自己腦海中全新既意思。


禍從口出，嘴巴是我們控制不來，
心靈，腦袋，耳朵卻可以分別出中聽，不中聽的說話。當我們整理好了，整理好從「自己」吸收到對方所表達既訊息之後，再換轉成自己既新意思，可以係正面，亦都可以係負面，最後可以係短暫既反思，亦都可以係變成你做人既哲理，金句，座右銘，美化你整個人生，為你的成長道路播下「沉澱」的種子。