「喂!倒數你去邊度慶祝?」

臨近除夕夜,一年既終結,亦都可以話係新一年既開始,即使未到倒數果日,身邊已經有好多親朋好友會問你今年會去邊度倒數慶祝。聽到每個人都諗點樣去慶祝,而我就一路坐係個公司,一路揭住2015年既月曆倒數我下一次假期,打工仔可能就係因為覺得臨近除夕夜,所以先會覺得28,29,30,31號哩幾日特別過得快,因為2015既28,29,30,31號就只有一次,於是你又去呃自己,

「唉,過埋呢幾日就到下一年既la。」


同唔同既朋友以慶祝節日示為目標,食盡一個又一個既大餐,大大話話都有十幾個party要去,又要返大陸探親等等,假期似乎已經冇放過咁滯。事實基本上就唔需要等到節日先黎慶祝,就係唔知點解個個人都好仲意假期先黎約人,逼於無奈之下,我只好一次過接受晒咁多朋友既邀請,於是我既黑眼圈正正就係除夕夜當晚耀目四射。

「哈哈,原來我都唔係冇朋友既wo。」





於是迎接新年,順理成章你又可以放埋個新年假,繼續無止境咁哄騙自己,頂埋落去啊!一直做,一直做,直到下一年既除夕夜,你又係咁樣同自己講,

「唉,過埋呢幾日又到下一年既la。」


到底2015年係唔係真係終結左?你唔知,甚至你連今年係幾多年都唔知,連填表格你都可以填錯年份,倒數個陣當你叫到「3…2…1」你先知道原來舊年係2015年。無計,哩個城市步伐實在太過急促,你唔知今年係幾多年,也是絕對理想當然的一件事。

新一年要有一個新開始,雖然話說如此,但是除夕之後總會有大部人都喜歡將2015年作個歷史回顧,然後紛紛放上臉書上,證實上一年的時光你過得充實,美滿。接著新既一年,你會點樣去渡過,同之前一樣安於現狀坐係公司度同自己講。





「唉,過埋呢幾日又到下年既la。」

定係決定望真D本月曆,記住今年既年份,計劃好自己既行程,一洗頹風,新一年,做一個全新既自己,剪一個新的髮型,做一個2016年既自己。
已有 0 人追稿