《請689,到凌晨的M記巡視一週》


內心實在平伏不了今天的所見所聞,
話說,今日收左工同朋友去附近既M記食宵夜,啱啱好,竟然搵到一個卡位,其實……凌晨既M記,真係好難搵到一個卡位,坐到卡位固然開心,畢竟那處風涼水冷,面向街景,望住人來人往既馬路,別有一番繁華景象。

坐低冇幾耐,由於返左咁耐工,個肚簡直餓到暈,食物當前,梗係即係開餐先,當諗住大口大口咁咀嚼漢堡包既時候,我竟然俾一陣怪聲嚇窒左。

「呼嚕……呼……咕嚕……」





點講你都唔信,個陣鼻鼾聲大聲到,幾乎可以大合奏,我咬著漢堡包,寄予友人一個無奈既眼神,然後忍唔住一邊咀嚼一邊暗笑,食慾明顯沒有剛才那麼強烈,鼻鼾聲於是繼續一起一落,充斥住整個凌晨既M記。

我係心入面諗,


「你估哩度係你屋企嗎?訓覺訓到咁大鼻鼾聲都有!」


當時我收工之後只係想靜靜地食下野,諗唔到成間M記都係鼻鼾聲,我覺得完全係一種噪音,大佬,我都好眼訓,啱啱先收工,仲要坐係度聽你D鼻鼾聲,我擰轉頭一睇,不得了,洗個M記都係無家可歸既露宿者。





我覺得689應該要以視察民情既理由,去M記巡視一週,絕對可以從寄居於快餐店既露宿者身上睇到,一個地方既特首成功與失敗。

末幾,幾名手持一大個黑色膠袋既普通市民,將一份份食物放係露宿者既枱上面,佢地非常小心,怕會弄醒熟睡中既露宿者,

快餐店的露宿者,可以反映出特首的成敗,
同時地,
幾名普通市民的熱心慷慨,也可以反映出香港人的良好素質。
已有 0 人追稿