唔好玩啦，我係月老個助手？: 1.2

「嘩！你搞咩呀，放乜鬼野煙霧彈？？」 我掛住望周圍，冇理到佢。

「你就是我萬裡挑一的有緣人，你好，我係月老，正是掌管塵世間既情愛，令到有情人終成眷屬既神仙。」 

煙霧漸散，但佢既一番說話令到我唔知比咩反應好。

「咪住！等我一陣！」 我伸出手阻止佢繼續講乜鬼野月老。

我行返出個鋪頭，竟然見到有對情侶係後巷錫緊，個男既仲撩起左個女條裙，伸左隻手入……
但成個動作靜止左，郁都唔郁，睇黎…真係唔似tbb個啲咩偷拍節目喎，冇理由做到咁逼真下話…



「男既將會係30歲遇到佢的伴侶，女就係22歲。」 個男人係間鋪頭到行出黎，講左堆唔知係咪真既資料。

但重點係……

「喂！你快啲行返入去啦！你著到成個古代人咁，人地當你係鬼呀！」 冇錯，岩岩既個陣白煙就係比佢變身，呃…，應該係露出原形。

「咁你呢，你認為我是甚麼人？」佢都唔知有冇聽得明我個重點係邊…

「咁你話你係月老吖嘛，你話係咪係囉。」 我只係快啲返屋企唔想對住個cosplay痴線佬。



「咁你跟著我進來吧，係啦，你叫甚麼名字？」 佢從雜亂既枱上面搵到一本書，然後拎起毛筆準備記低我個名。

但我依然企左係門口，唔係我唔想行，而係我隻腳比人定住左……

「呀月老你做咩定住我隻腳呀，我行唔到！」我用盡我全身既力去提起隻腳，但就好似鑲左係個地到唔郁。

「又係土地公個頑皮小子。」月老放低手上的紙筆，行返出黎，敲左敲個地下。

頂你連土地公都出埋黎？睇死佢又唔知扮係邊到行出黎，點會係地下都標出黎呀，嚇我唔到既。



諗諗下突然地下真係郁郁下咁喎，然後有個頭從地下伸左出黎，仲要笑笑口咁，嘩唔得，我真係暈啦。


然之後我真係暈低左。
……
……
……
「呢到邊到黎？」 我好似黎左個仙境咁，又唔係咁仙既其實，係唔知點解有隻兔仔係到椿野囉…

「喂你邊位？你做咩係到架？」有人拍左拍我膊頭。

「下？你又邊位呀？」 我望過隔離，見到個外表幾陽光下既男仔。

「呀呢位小姐，好似係我問你先架喎。」 



小姐？ 佢係第一個認得出我係女既男人！ 不過我望一望我既打扮，又係執得市正左，好難唔認得出……話哂我都有女人有既野。

「洛賢，佢就係新來既助手啦。」 月老又失驚無神係前面彈出黎。

洛賢？叫得出名即係識架啦。

「有無搞錯呀，點解佢可以咁快上到黎架？我都用左成半年先有機會上到黎！」 洛賢好燥咁同月老講。

「咁佢剛好暈左，所以順便拎佢上黎講下發生左咩事。」 佢拍拍洛賢既膊頭，示意佢冷靜啲。

「有冇人可以話我聽依家發生咩事未……」 

我打斷佢地繼續hehe，係因為我想知點解我會係呢到，呢啲又係咩黎？



我所指既係呢個地方既所有野，包括個隻由頭到尾都椿緊野既兔仔。