好想告訴你: 好想告訴你1_作弄(上)

「隆隆隆！！！」
這些鑽牆的聲音，正在打擾這個做練習中的升小三學生，林婉珊。雖然她已經在放暑假的頭兩個星期﹐做好了暑期作業，但每個星期六，她都會在下午做好爸爸買給她的練習，才走去學琴。可是，這兩個星期，阿珊實在每天都被這些裝修的聲音煩得連效率都降低了。
「再做唔完，又要遲去學琴了。。。。」阿珊心中感到一陣傷心。鋼琴是自己最愛的東西﹐幾經辛苦，才叫到爸爸讓自己去學，但條件係每星期六都得做好爸爸給自己的練習，否則那天不能去學。
「阿珊，換衫喇，就夠鐘喇！」房門外傳來媽媽的呼叫。
「媽咪，等多一陣啦！我未做哂呀！」我都想換衫學琴呢？
媽媽走進房間，到阿珊身邊﹕「仲有幾多呀？」
「仲有呢兩題﹐都未計到答案。。。」阿珊心中暗自話了爸爸幾句，怎可以叫我未讀小三就做小三的數呢？
「唔緊要啦，一係媽咪幫你做啦，你去學琴先啦！」阿珊最錫媽媽了！向來媽媽都比爸爸温柔，亦都更明白自己，什麼時間都會想辦法幫自己。
「唔好啦，爸爸知道會話我架。。。」其實不知幾想立刻收埋唔做！但阿珊性格如此﹐循規蹈矩，所以爸媽絕不擔心佢會學壞。
「媽咪，其實點解樓上咁嘈既？」


「因為有人搬來呀，不過好似整埋今日，跟住唔會咁嘈架喇。」
「哦。。」跟着繼續用力地思考最後呢兩題。媽媽不再阻阿珊了，出去幫阿女整理好背包，準備她一陣去學琴。
 
很快，暑假過了﹐又到九月開學既日子。阿珊一早起床梳洗，換好粉紅色的校服，和爸媽一起食早餐。
「今日開學喇，記得比心機呀！」爸爸一路咬着面包，一路摸着阿珊的頭。
「知道喇爸爸。」阿珊一如以為，每早一定要飲一包牛奶。
「快點食完爸爸送你上校車」
「哦。」阿珊趕快的把面包把擠入口中，她的面變得好似金魚一樣。
「唔駛咁急呀！」爸爸一邊笑着﹐一邊輕力捏一下阿珊的金魚面。
「記得帶齊功課呀！」坐對面的媽媽，邊食邊叮囑阿珊記得帶齊功課。


「已經執好喇。」
每日，這個家都是這邊開心地過。
 
「細佬，返學喇！起身啦！」
「返咩撚野呀！好眼訓呀！」
「你快D起身啦，再唔起身你第一日就遲到啦！」
「遲咪遲囉！」
「你唔好咁啦，好難先揾到呢間校學校收你架，你起身返學啦！」
「返你老母！」
「起身啦，最多今日放學我帶你去抽閃卡啦！」


「算你啦。。。」最後好不情願地起床了。
 
到了校巴，巴士上坐着大部份都係阿珊認識的人，只有小部分哥哥姐姐升中學走咗，同小部份弟弟妹妹加入。而坐在阿珊隔離的一定係阿茵。
「阿珊，你做哂暑期作業未呀！」
「一早做好喇」
「我尋晚先做完咋，而家都好累呀」
「唔緊要呀，我請你食朱古力呀！精神D架！」阿珊坐書包中拿了一粒朱古力給阿茵。
「多謝！」阿茵立刻拆開放入口，跟住兩個繼續傾計。
車頭傳來保母姨姨的聲，「仲有兩個今日新搭未到喎，打去佢地屋同佢阿爸都冇人聽」
跟着有兩個一男一女的學生狼狽的走到車門前。「對唔住呀！」女的立刻上車並對司機同保母道歉。
「唔緊要啦，下次唔好喇！快去揾個位坐。」
他們一下子走到阿珊對面的空位坐下。「下次你再遲我就唔到你！」這個朿馬尾的姐姐，指罵着和她一起的弟弟。阿珊看着這個姐姐，雖然她罵着，但她表現出來係好温柔，好像媽媽一樣的感覺。而且這個姐姐很漂亮，好像電視的明星，阿珊一時望了入神，心想有一個家姐就好了。
「你咪咪撚叫囉。」姐姐旁的男仔﹐好似冇腰骨咁，攤咗喺度。而佢既用詞同語氣都驚醒了阿珊。阿珊聽後，不禁跟阿茵細細聲的說話。
「佢頭先講個撚字係咩黎架？」
「粗口黎架，爸爸一睇馬就講架喇！但爸爸唔卑我講，我講過一次即刻被佢狂話呀！」


「吓！」阿珊呆咗
「撚你地都唔識，你地讀咩撚書架！」明明攤咗喺度既男仔突然起身烏向阿珊同阿珊講咗呢個道理，嚇得阿珊同阿茵想大叫！
「你講夠喇細路！再講我就話比你老師聽架。」司機叔叔帶點惡又帶點作弄的話這個男孩，此時男孩又再回復原來形狀。「無聊。。。」
此時，校車已經差不多駛到小學了。