好想告訴你: 好想告訴你5_小學之最後

聖誕節一事過後，技安都唔敢再捉弄阿珊，因為怕阿立唔知幾時又會拿個波來射佢。而阿立和阿珊的生活繼續，阿立不時捉弄阿珊，而阿茵就幫阿珊還擊，但明顯三人的關係已經變成朋友。跟着小四，三人又再同班，又係一齊坐，但多了一個人，佢就係李文中。和阿立相同﹐佢都係轉校生，小四轉來，就坐在阿立隔離。原本阿立唔多理佢，但一兩個星期後，兩人關係越來越好，一齊在班上搞破壞，當然阿茵和阿珊都會被玩。佢兩個就成為咗小學既霸王。和阿立不同，阿中比較温柔，有時阿立玩阿茵太勁﹐阿中都會幫手補鑊。而之後，四個人一直同班，也一齊坐，慢慢，四個人成了好朋友。
 
四年過去，今日是中學派位的日子。所有學生都坐在課室裡，準備迎接這個影響自己的時刻。阿立，阿珊，阿茵和阿中，四個人各自有不同的心情其待着這個結果。其實，要擔心的只有阿茵，因為她成績不太好，也不太差，不像阿美那樣，一定會去鄰區的BAND ONE女子中學，也未必如阿立和阿中那樣，必定去小學附近那間BAND FIVE中學。阿茵真的很緊張﹐緊張得想哭了似的。
「你駛唔撚駛咁驚呀！」阿立頭躺在桌上，側望着阿茵問道。
「你地梗係唔驚啦！阿美你可以去聖保二世，你爸爸媽媽一定好開心啦！你兩個就一定去隔離間陳耀南，都唔駛諗咁多。我就煩啦，如果去唔到聖保二世，連七三都去唔到，去陳耀南，阿爸一定打死我！」
「去陳耀南咪好囉，我同阿立可以陪你玩麻。」阿中笑著說，基本上認同咗自己一定會去陳耀南中學。
「吊你！你去聖保二世做最尾嗰個，不如去陳耀南做第一嗰個好過啦！」阿立高聲說道。
「林美珊！」伍老師的一聲，打破了他們的談話。阿珊聽到後，立刻舉手並出去拿派位結果。
「恭喜你呀！比心機呀！」伍老師摸一摸阿珊的頭。當然，她的結果是聖保二世。
「多謝老師。」


「林道立！」伍老師再叫下一位。
「係！」阿立回答，慢慢的行出去。
「記住呀，間間中學都一樣，你努力就冇問題架喇。」
「得喇，我去會考第一，不過係尾數上來！」阿立繼續開玩笑，伍老師也沒有他乎。
而李文中都是去陳耀南。
「梁厲茵！」
「係……」梁厲茵嚇到彈起來。她很不想去拿，她只想可以繼續在這學校裡，不用想着中學的事情！她慢慢地行着，留意到伍老師有點面色不好，雛起雙眼，心中的恐懼差不多壓不住，眼淚好像要流出來了。
「如果返去爸爸媽媽想去第二間，你叫佢地打比我，知道嗎？」伍老師像派結果給阿珊一樣，摸了一摸阿茵的頭，但不同的是一個是恭喜，一個是安慰。
陳耀南。。。。。
阿茵真的忍不住，已經大哭出來。


阿茵回到位繼續大哭，阿珊立刻拿紙巾給她和捉着她的手來安慰她。
「你駛唔撚駛咁激動呀？」阿立一如以往想串阿茵，但他看見這場面，自己都不禁收儉下來。而原本一定會還擊的阿茵都已經完全聽不到他的說話，甚至不知道其他人在做什麼，只是驚慌如何向爸爸交代。
「唔好喊啦，放心啦，你去到一定唔會考包尾，因為有我同阿立墊底麻。仲有呀，唔怕比人恰，起碼有我兩個保護你麻。」不管阿中說什麼，阿茵都繼續哭，大家可以做的，只是看着她哭完而己。
 
結果派完，很多家長都在門外等消息。 阿珊的父母知道阿珊成績，開心地三人抱在一團。阿茵的母親知道後，跟阿茵一起哭了，接着便走回學校跟老師談話。阿中的母親也在等他，看完了結果沒什麼特別，跟着兩人便走了。而阿立，沒有人陪他。他一個人，獨自的行回家。阿珊從遠處望着他，不知為何，心裡總是有些不舒服，她不知是什麼原因，只是有一種想望着他的感覺。很快，阿立離開了視線。這四年裡，四個人一起開心和玩樂的生活，從此結束。