[末日][極限生存][獵奇]　致人類的輓歌－首部－墮落: 1.5

「哇！你地搞乜春？」亞力浮出水面，對相擁而哭的老少二人投以奇怪的目光．
 
老爺子輕拍小靜背，叫她坐正．

「冇，咁岩講起呀蚊囡．」老爺子，擦著眼角說．

亞力默不作聲，知道蚊囡就是老爺子的孫女．亞力爬上艇．

「好多塌樹卡左係最近既門到，要由百步梯對面既圓形商場入口入．」亞力自顧自地說．





「圓形商場頂仲有空氣．但係度門係水底紅白藍唔夠長落到底，．」亞力望著老少二人說．

「咁點算？我揼唔到氣啵咁．」老爺子說．

「冇錯，連住氣揼我地就落唔到底入唔到去．」亞力嚴肅地說．

「你既意思係．．．．唔要氣揼？」小靜驚訝地問．

「有冇其他建議？」亞力平靜地問．





「可唔可以爆玻璃入去？咁可以近啲同安全啲．」老爺子問．

「係水入面好難出力，水阻好大．冇工具爆玻璃冇咩可能．」亞力說．

「咦，我記得CD super上面有個天幕，應該係正我地下面．我地可以搵啲石扔落去整爛個天幕？」小靜建議．

「我有諗過，不過岩岩我吊左枝螢光棒落去照既時間發現入面反光．好似成個天幕都有空氣．如果我地整爆左佢就少左個唞氣位．」亞力回應．

三人沉默了一會．





「嗯，咁整走枝氣喉用牛皮膠紙封左佢啦．」小靜冷靜地說．

亞力沉思了一會，說．

「好，咁一陣我地一人一邊捉實紅白藍．記住，一鬆手就會走哂啲空氣，隨時會無命．」亞力故意加重語氣，令小靜有心理準備．

小靜點點頭．很快便改裝好紅白藍，把綁著的石塊剪掉。他們把繫在腰間的繩繫在紅白藍上．把更多石塊裝進背囊．帶上泳鏡．

「落去架喇．水壓可能令你頭痛．不過冇幾十米應該唔會有事．」亞力看著小靜說．小靜沉著氣點頭，她開始習慣恐懼及壓力的感覺．她突

然“阿”一聲，想起一件很重要的事．

小靜走到老爺子身邊，擁抱了老爺子一下．

「唔洗擔心，我地會番黎架．」小靜用一個堅定的眼神看著老爺子，嘴角有朝氣地剔起．





老爺子慢慢坐下來，揮手叫他們出發，一直微笑著．