[末日][極限生存][獵奇]　致人類的輓歌－首部－墮落: 1.9

 
小靜感到腰間被人拍了一下。她回過神來，看到亞力正向她招手，示意她潛進紅白藍裡。

「你有咩發現？」亞力問。

「冇，咩野食同水都搵唔到。好奇怪。」小靜，眼神一轉，接著說。

「我仲見到好多。。。人骨。」

亞力凝視著小靜，在細思她的說話。





「我都發現食得既同飲得既都冇哂，連浮既都冇。」亞力平淡地說出自己搜尋的結果，然後問出一個疑問。

「但係點解之前我地會搵到水，仲要唔難搵。依到會冇哂？」

「可能好多人黎依到搵？」小靜大不假思索。

「如果係走唔切應該好多鋪頭都有死屍。但係依到好集中。」亞力提出疑點。

小靜渾身顫抖，身邊的綠水如漲大的海棉一樣包圍著她，令小靜難得呼吸。





「咁。。你有咩打算。」小靜顫抖地說。盡管小靜很想盡快離開這個令人毛骨悚然的深淵，她知道有些事情必需要完成。

「我係入面搵到倉門。奇怪既係。。。。。門前面咩野雜物都冇，仲有幾個膠架好整齊咁疊左係門邊。」亞力用力地把重點說出。

「人為。」小靜簡短的總結。

「嗯，唔理咩都好。個倉入面一定有啲野值得一睇。」亞力說。

「我潛到過去都要撬開度門，我一定要紅白藍係身邊。」亞力說





「我會跟埋你去。」小靜爽快地說。

「你唔驚咩？」亞力笑問。

「驚。。」小靜把掏出小刀握緊。

「但係有啲野必需要做。」她平淡地說，語氣無比堅定。