「講起都好好彩。我從來未出過國旅遊,但係突然有日我收到一間航空公司電郵話我既飛行里數已經足夠抽獎。中左張單人來回機票,地點任

我選擇。咁我咪去囉。」小靜興奮地說,低隨即幽幽道。

「一起飛都冇野,冇幾耐之後突然好嘈。好似係由外面傳入黎咁。過左一陣我架飛機遇上一道好強好強既氣流。有人冇扣安全帶成個拋左上天花

到。過左陣機司話飛機受損,要立即飛番香港。」小靜手舞足蹈,她喝下一口可樂接著說。

「架機開始震,震到我啲牙開始痛。機司又開廣播話導航失靈,可能要係海面降落。我果時以為自己第一次出門就要





死。」小靜話畢猶有餘悸,攬著自己雙臂繼續說。

「我架飛機果最後降落左係沙田對出既海域。落水果下砰一聲,畫面一黑,成個人撞左落地板到。我頭好暈,附近好多人尖叫。慢慢開始聽到

海浪聲。飛機前半部有條裂痕係到,海水不斷湧入黎。我隨手拎住個袋仔跟住人潮向機尾跑。機尾隻救生艇充滿氣。但係因為機頭開始沉入水,

機尾凌空。隻救生艇甩左出黎跌落水面到。機頭越沉越快,機尾已經離開水面幾米。我好驚,唔知跳唔跳好。突然後面有一個阿叔大叫:「你老

母唔撚跳就死開啦。」。然後後面的人開始推撞,我比人推推下去左前面。我捉住艙門邊,望住下面的海面猶豫。我真係唔敢跳,當我想向後企





讓個位出黎時比個呀叔一推。突然冇哂嘈雜聲,我身處空中。我見到仲有幾個人跟住跌左落黎。我果時連驚既感覺都未反應得切,就拍一

聲跌左落水喇。」小靜對墜機情況歷歷在目。

「我立即游去隻救生艇到。上面由幾個人慢慢變到有廿幾人。岩岩推我落黎個阿叔一上艇就大叫:「划啦!」。有個女仔大叫:「仲有好多人係

飛機上面呀。」。個呀叔冇理佢,拎起漿塞比兩邊既人。佢地就自動自覺出力咁划。我嚇到唔敢出聲。只係見到機艙門仲塞左好多人係到。佢地

大叫同揮手。但係艇上面既人冇理。機尾幾乎垂直,有好多人係艙門跌左出黎。過左陣成架飛機就沉左落水喇。得番跌出黎果幾個人係附近





浮。。。。」小靜停了下來,欲哭無淚。阿ca和阿申也沉默了。

「Not a bad story huh?」阿申認真地點頭說。

「。。。。。你地呢?」小靜深呼吸,調整一下心情。

「我地?哈。冇你咁精彩呀。只係想睇星,咁就去行山。睇完第日收拾想走時就發生喇。。。」阿申好像甚麼事情也可以一笑置之。

三人也同時鬆了一口氣。阿申在把玩著叉子,發出叮叮聲。

「之後有咩打算?」阿申問。

小靜突然心跳加速緊張起來。她低下頭,害怕地偷瞄阿申和阿ca一眼再低下頭。沒自信,支吾地說。

「呀。。。呢。。。之前華叔話。你地個城堡好似。。。」小靜嚥下口水,繼續說。





「好似會收留其他人呀可?」小靜努力地把句子完成。

「嗯。你黎唔黎丫?」阿申隨意地說。

「但。。。但係我唔係識好多野。。。。」小靜篤著手指,像小孩一樣安慰著自己。

「吓,關咩事。幫到就幫囉,唔係點呀。」阿申感到一陣意外。小靜大感錯愕,問。

「華叔話要幫到手先收留啵。。。」小靜害怕會被拒絕。

「你信佢丫~」阿ca沒好氣地說。

「咁。。。咁我地三個係唔係可以跟你地留去?」小靜臉頰緋紅,握緊拳頭,兩腳夾緊,低下頭等待他們的結案陳詞。





「唔得。」阿申冷冰冰地說。

小靜突然腦袋一陣赤痛,難以相信阿申拒絕了她。她低下頭忍著眼淚,沒有回話。

「個男人唔得,你同個呀伯就得。」阿申補充。

小靜抬起頭,一陣驚一陣喜。

「但。。。但係。。」小靜想為亞力求情。

「完,冇野好講。」阿申懶洋洋地靠在椅背上,冷漠地看著小靜。

小靜望向阿ca想她幫忙,沒想到阿ca也鐵著面看著她。

小靜的心裡極力掙扎,一邊是烏托邦,另一邊是同伴。她臉上一陣紅一陣白,思緒陷入一片混亂。





「聽朝先決定啦,夜喇。唔好有燈光。」阿ca說。

阿申過去把慢慢開始清醒的亞力用繩五花大綁,再結在窗花上,把門閉上。

阿ca吹熄蠟燭。畫面漸黑,落幕。

第二章完-
已有 0 人追稿