[末日][極限生存][獵奇]　致人類的輓歌－首部－墮落: 3.3

「做咩？」阿申微笑問。

「冇！」小靜閃電般敏捷地別過頭，手指在大腿上打轉。阿申對小靜投以一個古怪的目光再次凝視遠方。

「點解你識用弓既？」小靜對眼前這一個少年感到無比的好奇，問。

「我自細好鐘意射箭。之後仲入左射箭既俱樂部。」阿申笑著回應。

「所以把弓都係係果到買？」小靜問。





「唔係啦～哈哈。我把弩係自己改裝架，威力太勁係香港唔合法。我自己上網訂零件番黎再自己組裝。我之前仲去外國參加過狩獵比賽。嘻

嘻。」阿申津津有味地說起來。

「所以啲藥都係上網訂？」小靜問

「你又蠢唔哂啵。哈哈。嗯，不過係獸用麻醉藥。全部都係犯法野。」阿申做出一個鬼臉，活像一個頑皮的小孩。

「你做咁多犯法野。。。你唔驚架咩？」小靜低下頭問，手指畫著大脾。





「嗯。。。犯法。法律只不過係用黎確保社會入面每個人都安份守己，同時都保留對犯法既人追究既權利。對我而言，我一日唔傷害人一日都冇

傷天害理。我唔係太在意。」阿申總是用奇怪的字眼描述自己的看法。

「咁。。。都係為左人人都安全姐。」小靜說。

「嗯？你比人殺左。法律點樣幫到你？」阿申反唇相駁。

「咁佢要坐監架嘛。。。。」小靜皺著眉問。





「你條命呢？點補償？仲有你既家人？」阿申微笑著逼問。

「咁。。。如果冇左法律就連小小保障都冇埋架嘛。」小靜不忿氣地說。

「依個就係弔詭既地方。如果你信人性本善，點解我地仲要靠法律？之前個社會不斷同人講要關心其他人。你受完＂教育＂之後就推你出去社會

工作，如果你撈唔掂就係你個人問題，大愛去左邊呢？法律，我睇唔到佢點樣保障其他人，佢只係保障制度永遠存在。」阿申的語氣漸漸激動起

來，他繼續說。

「世界好多人受緊苦，然而每個國家最唔可以削減既就係國防開支。我好想知一籃薯仔成本高定係一支導彈成本高。我都唔知一籃薯仔可以殺幾

多人，一支對彈可以殺幾多人。。。。點解人人都要繼續扮哂正義，扮哂好人呢！？」阿申話畢後喘著氣，小靜啞口無言。

「做咩，嚇親你？」阿申回復到慢條斯理的語氣說。





「華叔。。。。。點解你會落到手？」小靜抱緊自己雙腿，戰戰兢兢地輕聲問。

阿申看著小靜，再別過頭對著遠方嘆一口氣。

「其實我都唔係第一次殺人。。。」阿申認真地盯著小靜說。

小靜對阿申的答案大吃一驚，雙眼瞪著阿申。

「我。。我走左入一個死胡同裡面。」阿申皺緊兩眉說。

「我話人人都係邪惡。。。包括我。我唔明白點解我有資格食得飽，遠離戰亂。我對和平安定既世界覺得好虛偽。我走唔出依個想法。。。去到

最後我覺得自己都好陌生。。。我只可以用一個想法去了自己。」阿申再一次看著小靜雙眼，小靜卻不迴避，她直線著阿申，想要了解他的一





切。

「我並唔係宣揚正義，我只係一個擺明執行邪惡既人。我要所有人都知，所謂邪惡同現世既偽善係咩一回事。而依種信念，令我可以狠下手殺

人。」阿申說。

小靜良久不能言語，阿申接著說。

「我話你地一舉一動我都睇到哂既？」阿申問。小靜點點頭。

「佢地對你做既野我都一清二楚。」阿申說。小靜臉上一紅，低下頭來。

「我殺左佢。我唔係要申張正義，只係我對佢既行為好反感，好討厭。所以我先殺左佢發洩自己既不滿。依個都係點解，我唔會比個男人跟我地

番去既原因。」阿申說。他看到小靜低頭不語，他唏噓地搖著頭，再次看著遠方的景色。





「多謝你。。。。。」小靜突然說。

「吓？」阿申被小靜的道謝大感尷尬。

「多謝你。。救左我同爺爺。。。」小靜看著他，眼睛泛起淚光。

阿申突然害羞起來，避開小靜的視線，說。

「多。。多咩謝。傻左咩你。我都話為左自己爽。」阿申吞吞吐吐地說，心裡扑通扑通到跳著。

小靜只覺得眼前這個少年很可愛，她傻笑一下。慢慢把頭擱在他的肩上，安穩的感覺令她放心地閉上眼睛。

阿申被小靜點穴似的整個人僵硬在原地，不敢動彈。小靜身上的香氣慢慢飄到阿申的鼻裡，他忍不住細味那一股清淡的少女幽香。





二人依偎在天台，共享著難以言喻的時光。

「喂，睇下。」阿申搖了一下擱在自己肩上的小靜。

「嗯？」小靜睡眼惺忪，瞇著眼看上去天空。

一輪銀白色的皎月高高地掛在天邊，旁邊閃爍著無數的星宿，點綴無窮無盡的天際。

「哇。。。」小靜驚嘆，眼睛發亮地說。

「冇左光害，睇得特別清楚。呢～～～果條咪星河囉。」阿申指著天上的一條銀帶說。小靜凝視著星河，有一種耐人尋味的熟悉感，心中突然一

陣感觸流出眼淚來。

「睇黎天上面既雲終於散哂囉～哈。。。」正當阿申笑著時，小靜冷不防在他的臉上輕輕吻了一下。她便再次擱在阿申的肩上看著這幅良晨美

景。