[末日][極限生存][獵奇]　致人類的輓歌－首部－墮落: 3.5

「喂～食早餐喇。」阿ca熱情地招手。

太陽彷彿喚醒了大地上的一切，重燃起對生命的熱情。

四人坐在餐桌面前狼吞虎嚥。

「阿，唔記得介紹。依個係。。。」小靜指著老爺子說，阿申卻打斷她。

「得喇，你瞓醒之前佢已經講哂。」阿申笑著說。





「呵呵，多得依個後生仔咋。」老爺子說。他的腫傷褪去不少，但依然青綠色一片。

「我地個基地好近，划船去大半個鐘就到。有野拎唔哂都可以再番黎拎。」阿申說。

「咁。。。亞力。。。」小靜擔憂地說。

「你仲亞力？！」老爺子不滿地喝斥小靜。小靜低下頭沒有回應。

「佢點都唔可以跟我地番去架喇，唔洗諗咁多喇。」阿ca按緊小靜的手，溫柔地說。





「但。。。但係佢好可能有事。」小靜放下食物抗議。

「你諗下，佢傷害你果時有冇考慮過你？你為佢著想唔值呀。」老爺子皺著眉苦口婆心地說。

「唔係值唔值，我只係想幫到幾多人得幾多。仲有。。。」小靜不忿地說，阿申突然打斷了她。

「咁啦。。。比佢跟番去。。。」阿申目無表情，冷冷地說。

「好阿。」小靜喜出望外，眼裡流露著感激之情。





「之後我再搵個地方殺左佢，咁你就唔洗自責。」阿申微笑說。

小靜失望地完成自己餘下的食物。

老爺子見小靜垂頭喪氣，說。

「每個人都要為自己既行為負責，幾時都一樣，無論個世界點變。」老爺子輕拍小靜。小靜自顧自地吃著麵包沒有回應。

眾人吃完早餐後便收拾好行裝，準備出發。

阿申打開亞力的房門，小靜別過頭不忍心查看，畢竟她明白一切都是他究由自取的。阿申把黏在他耳上的香口膠取開。

「我地落去洗衫，兩個字後番黎。你唔乖乖地坐係到。殺。」阿申再命令亞力。

亞力被蒙著眼，包著嘴巴。只能不斷用力點頭表示明白。





「我地唔係走喇咩？」小靜輕聲在阿申耳邊問。阿申立即用食指抵著自己嘴唇示意小靜安靜。眾人出門，回首好好記下小屋的模樣便閉門離去。

小靜故意不看亞力一眼，生怕自己心軟。她明白，畢竟一切都是亞力咎由自取。