[末日][極限生存][獵奇]　致人類的輓歌－首部－墮落: 3.11

小靜和老爺子像人球一樣被推來推去，一陣莫明奇妙。

碰。門被關上。

「叫我地入去做咩？好奇怪。」小靜問阿申。阿申聳一聳肩。

「佢話循例都見下你地喎。行啦，我帶你地去新屋企。」阿申扁嘴，毫不在意。

阿ca則鄙視地嘖了一聲。





「扮哂野。只不過係經理，有會所幾條鎖匙就揸住雞毛當令箭。」阿ca一臉不悅說。

「鎖匙？」小靜問。

「佢本來只係會所經理。一切變天後大家開始聚埋一齊討論日子點過，理所當然去會所。佢有哂會所資料同鎖匙，咁大家咪信佢比野佢保管。自

此之後佢當左自己係大佬，其他人又冇出聲。一切都變左默認設定。」阿ca咬緊切齒地說。

「咁有人幫手都幾好丫。」小靜說。





「總知令人煩厭啦。」阿ca揮手，不想繼續這個話題。

他們穿過圓形大廳，來到了會所正中央，他們正身處三樓。大廳裡只有寥寥數人。

整座會所的結構像啞鈴一樣分了左右翼，中間是一個長方形的開放式大廳。

長方形的大廳兩邊有著四根大柱由一樓直達三樓天花。灰白色的大理石地板，米白色的牆壁，整個佈局如同宮殿一樣華麗。三層的結構用樓梯連

接著，好像鐵達尼號的中央樓梯一樣；三樓在旁邊有兩條樓梯連接到二樓，二樓兩邊各有一條旋轉梯直達一樓的中央。梯間的木扶手更有著雕





花。

「科斯達係左翼個圖書館住，其他會所職員就係一樓。本來有五個，但係海嘯黎左之後走左三個。依家得番兩個。」阿申帶著他們一邊下樓梯，

一邊說。

「佢地去邊？」小靜問。

「番去搵屋企人呀，搵朋友呀。總知出左去既人基本上都冇番過黎。」阿申說。

「後生仔，我地依家去邊？」老爺子興奮地問。

「我帶你地去我到放低啲野先，再帶你地周圍行下。聽日先再揀屋啦好嘛？」阿申建議。

「揀屋？」小靜和老爺子同時發問。





「係呀，海嘯之後冇幾日我地已經到依個地方。果時依到有幾百人，陸陸續續咁走，最後得番依家見到既幾十人。有啲人走果時放低條鎖，話有

需要就拎去。依家香港住樓唔洗錢喇！哈哈哈哈。」阿申打趣說。

「全部都冇番黎？」老爺子問。

「耐唔耐有幾個既，不過都冇咩好結果。有時就有人受傷或者病左就送去醫院。」阿申說。

「醫院？仲有醫院？」小靜大吃一驚。

「呢，岩岩上黎條路咪直通既？上面係一間私醫黎架。果到仲有醫生護士同人住。之前同佢地傾過好唔好一齊生活，佢地話要睇住啲病人喎。咁

由佢，但係科斯達話依家物資同人力應該集中一齊先好。分散會難互相照應。」阿申聳聳膀，滿不在乎的樣子。





小靜和老爺子突然著魔一樣釘在原地，雙目發光。

他們走到一樓，看到角落放著堆積如山的物資，有飲品，食物和衣物甚至娛樂的象棋也一應俱全。

「攞囉，唔好太過份就得。嘻嘻。」阿申微笑說。

小靜和老爺子走向金礦，像中了六合彩一樣激動。小靜雙手掩著口無言以對。

老爺子笑呵呵地東抓西夾拿了一樣又一樣的物資。

小靜拿了幾枝飲料和罐頭便滿足了。

「小姐，伯伯。唔好拎太多呀。依啲係公用物資黎架。」一個年輕的女孩走過來勸阻小靜和老爺子。她穿著套裝裙，大概是之前的會所職員。

「佢地跟住我，冇問題。」阿申說。





「係，但係阿申，唔好要我難做。」女職員苦笑。

「得啦～第一次比佢地開心下啦。」阿申伸出舌頭做了一個鬼臉，成功打發了女職員。

「放入去背囊到，廢是比人望到。」阿ca提醒他們，小靜和老爺子恍然大悟，立即把物資塞進包包裡。

他們走下大門的樓梯，台下眾人紛紛向他們行注目禮，他們的眼睛裡充滿著好奇及尊敬。

「阿申～今次搵到咩野食呀？」有一個中年發福的胖子問。

「冇呀，去左搵華哥咋。」阿申回答。

「咁佢個人呢？」胖子問。





「。。。你地問科斯達啦。」阿申皺一皺眉，敷衍一句。

下面眾人立即議論紛紛，竊竊細語。

小靜留意到有一個穿著紫色恤衫的女孩一直盯著她，眼神一直沒有離開小靜。小靜感到渾身不自在。

阿申帶著眾人急步離開鐵閘廣場，走到一座住宅下推門進入地下大堂。

他們魚貫地進入火警樓梯，不斷向上爬，走到五樓，一層有三個單位。

阿申走向B室，用鎖匙插進匙洞一扭，咔嚓。門開了。