剛開門,一陣飯香撲鼻。餐桌上放著罐頭桃,魚柳,午餐肉。

「哇~哇~哇~」阿ca穿著小熊圍裙,從廚房端出一大盤切好的蘋果,一邊哇哇叫。

小靜和老爺子早已經忘記了水果鮮甜的味道。二人馬上垂涎三尺。

「做咩。。。咁多野食既?」阿申對著桌上的滿漢全席感到一陣驚喜。

「嘻~~~佢地岩岩黎到第一餐,食得豐富啲慶祝!」阿ca溫柔地笑著。





「多謝你呀!」小靜撲到阿ca身上深情擁抱。

「得喇得喇,依個年頭冇咩幾多開心野。都係搵個借口盡興下姐。」阿ca說。

晚餐裡四人開懷暢飲,已經像是家人一樣親切。

小靜拿了半個蘋果在手珍而重之地把玩。

「你同阿ca就去打獵,Lincoln同晞敏就整科研,爺爺可以幫手種野。。。咁我可以點幫手?」小靜問。





「你咪周圍識下朋友先囉,唔急既。」阿申說。

「我可以幫到手架,我唔係黎識朋友。。。」小靜感到一陣氣餒。

「我唔係咁既意思~」阿申後悔自己失言。

「一係你跟埋我地去打獵囉?」阿ca漫不經意,吃著一塊桃說。

一般熱血湧上小靜的腦袋,她感到一陣暈眩。小靜一方面高興能夠和他們一起行動,一方面擔心自己不能勝任。她滿腦躊躇。





「吓。。。但係出去到好難照顧佢架啵。」阿申皺著眉,擔憂地說。

小靜一陣失望。

「本身我地都三個人啦,主要都係你去打獵,我地係後面支援同把風。」阿ca為小靜據理力爭。

「但係出面打獵,好唔舒服架啵。要自己搭床,瞓山邊。」阿申依然不放心。

小靜很焦急,想為自己解釋。但奈何她的確沒有經驗,只能沉默。

「呀小靜其實照顧左我好耐架喇。」老爺子突然加入討論,接著說。

「我幾廿歲,條氣唔順落唔到深水。次次都係佢同亞力去搵物資,佢雖然唔係好大隻,但係佢好醒目架。」老爺子伸手揉著小靜的頭。小靜被老

爺子稱讚尷尬地笑著。





「係囉。佢有經驗,冇技巧姐。」阿ca附和。

。。。。。。。。阿申愁眉不展地沉思著。小靜很緊張。

「我會努力學架喇!」小靜用堅定的眼神看著阿申,想用誠意打動他。

「唔係努唔努力既問題。。。。。」阿申把手肘架在桌面上,雙手手指交叉握緊,抵在自己的嘴巴上,神色十分嚴肅。

「當你遇到有威脅既人,你必需要殺左佢。唔可以猶豫,永遠優先考慮自己以及同伴既性命。你做唔做得到?」阿申用鋒利的眼神看著小靜問。

「呀。。。。」小靜完全沒有考慮到這點,被阿申問了一個啞口無言。

房間變得死寂,只剩下桌上的燭光閃爍。





「我可以嗎?我會嗎?但真的有必要嗎?不,不是思考必要性,而是我當時的即時反應。。。我。。。」小靜在腦海裡天人交戰。

「嘻。。哈哈哈哈。。。好啦~你跟黎啦。」阿申大笑。

「吓?」小靜一陣錯愕。

「我到依家都未殺過人,阿申。。。佢通常處理哂危險既野。佢只係嚇下你,要你有心理準備。面試黎。」阿ca微笑解釋。

小靜聽完後鬆一口氣。

「不過當果一刻黎到你面前,你必需要落到手。」阿申語重深長地告誡小靜。

小靜猶豫地點頭。

「好啦!第一件事就係幫我地放啲垃圾落草地旁邊,遲下施肥用。」阿ca作狀命令小靜。





「係!」小靜爽快地答應,眾人收拾好餐桌後小靜便提著垃圾袋走下去。

小靜走到了大堂,四周了無煙火。她看過去廣場,人群已經散去,只剩下四五人圍在一圈聊天。旁邊低層的住宅單位亮出微弱的燭光,居民都回

到單位休息了。

她向空草地的方向走去。草地漆黑一片,一絲絲的不安纏繞著小靜揮之不去。

「我知道你會落黎。」似曾相識的少女聲音在小靜左前方的柱後傳來。小靜吃了一驚,拿著電筒照向那個方向。古瑪慢慢地走了出來。
已有 0 人追稿