[末日][極限生存][獵奇]　致人類的輓歌－首部－墮落: 4.6

野豬比大型犬類更高大。走路時響起沉重的腳步聲，小靜伏在地上感受到它走動時的地面震動。

「差唔多有二百磅重，夠我地食幾日。」阿申對著她們輕聲說。

野豬一時用豬鼻嗅著地面，一時用嘴巴噬咬花草，一副悠然自得的樣子。

「我要由正側面射先可以傷到佢，唔係佢層毛皮太厚會彈開枝箭。」阿申伏在地上說。

野豬在漫無目的地徘徊，阿申觀察它大約移動的範圍後便低頭向小靜阿ca商討獵殺計畫。





「我有把握一箭可以殺到佢，但係要夠近。麻醉藥都要一段時間發揮作用，佢夠時間跑到好遠。我地一定要包圍佢，保證佢唔可以走甩。」阿申

滿額大汗，如臨大敵的樣子。

「如果佢一受驚就會走，好彩依條山路好窄，一個人應該可以封哂條路。」阿申說。阿ca大驚。

「佢要衝過嚟我地攔唔住架啵。」阿ca大聲地抗議，野豬耳朵一拍，抬起頭警覺地視察著四周。阿申緊張地咬緊牙，用力壓著阿ca的肩膀。幸

好野豬沒有發覺異樣，繼續踱步。





「我地位置太開揚，佢再行前就會發現我地。」阿申說。

「我地可唔可以用麵包引佢去下一個轉彎位？」小靜問。

阿申和阿ca驚訝地望著她。

「山路下一個轉彎位有視角盲點。你匿係山邊，我引佢轉入嚟，你可以係佢發現你之前近距離射死佢。」小靜擦汗說。

阿申看著阿ca，阿ca深思熟慮地點頭。





「咁阿ca等小靜引開左佢野豬之後落去條山路到，以防佢向後走。

「我就係前面埋伏，你點樣引交比你發揮。但係記住，唔好逞英雄。有咩唔對路大叫同走。比佢撞到唔係講笑。」阿申說。

眾人點頭。阿ca慢慢地沿著樹叢走向野豬的位置，阿申早已經無聲無息地消失了。

身邊只剩下小靜一人。她大口喘著氣，腦海裡不斷演習接下來的步驟。

首先引起野豬注意，接著用麵包引它到山路轉角。

她拿起手中的長矛，嚥下口中過盛的唾液。小靜站起來開始行動。