[末日][極限生存][獵奇] 致人類的輓歌－首部－墮落: 5.2
小靜猛地張開眼，後腦傳來一陣劇烈的刺痛。她閉著眼，伸手按摩著後頸舒緩痛楚。
「早晨～」阿Ca在餐桌上吃著零食和小靜打招呼。
小靜慢慢地走向飯桌坐下，打了一個大呵欠。
她環顧四周，看不到阿申和老爺子。
「佢地呢？」小靜問。
「一早科斯達派人黎搵阿申，佢一早出左去喇。老伯照樣去田到做野。」阿Ca輕鬆地說，隨即吸啜沾在手指頭的朱古力。
小靜放鬆身體，靠在椅背上看著陽光斜射進客廳。白色的牆壁反射著光線，客廳像開了燈一樣明亮，精神爽利。
小靜患得患失 ，疑視著眼前的空氣。
「做咩？有心事？」阿Ca問。
「冇。。。」小靜嘆一口氣。
「阿申佢都係關心你姐。」阿Ca說。
「吓？」小靜疑惑地看著阿Ca。
「個水桶。。。」阿Ca說。
「哦！冇野，我任性姐。」小靜搖頭，對自己衝動的行為感到很失望。
「我地做咩好呀咁？」小靜問。
「我地岩岩打左咁大隻獵物番嚟。抖幾日先啦，況且我都未好番。」阿Ca偷瞄了自己的傷口一下。
小靜感到十分無聊，她決定到外面走走看。
廣場上再次聚集著一堆人，三五成群地打發時間。
她走到會所裡探望Lincoln和晞敏。
喀喀。
「等。。。等等。」晞敏虛弱的聲音傳來。
「咦！哈。。路。」晞敏打開門說。
晞敏爛漫的笑容沒有改變，但臉色十分蒼白，嘴唇也變成紫色。
小靜急忙上前扶著她，生怕她再走一步就會跌倒，從此一睡不起。
「你有冇食藥呀？」小靜焦急地問。
「有呀。。。冇痾痾喇。」晞敏甜笑著，用生命賣萌。
「點解你面色仲咁差既？」小靜問，一邊扶她到椅子上坐下來。
「你。。你都未見到前日既我。。。」晞敏打趣說。
「Lincoln呢？佢唔係應該照顧你架咩？」小靜問，急忙到搜索Lincoln的身影。
「佢一早出左去，有野忙喎。」晞敏答，然後咳了兩聲。
「水係邊？」小靜問。晞敏指了一下牆角的背包。
晞敏喝完水後稍為閉目回神。
「靜靜。。。我咪叫阿申幫我搵野既？」晞敏問。
小靜點點頭
「其實我係叫佢幫我搵麵粉同牛油。。。Lincoln就嚟生日喇。我冇咩可以送比佢，但係如果搵到麵粉同牛油我可以整個蛋糕仔比佢。我。。。
偷偷地收埋左枝石油汽，一定夠整一個蛋糕。」晞敏淘氣地吐出小舌頭。
「咁利害既你。我都係識整公仔麵架咋。蛋糕唔係要雞蛋架咩？」小靜笑著說。
「雞蛋放咁耐會變臭蛋，食完會痾痾。」晞敏扁嘴說。
「係啵。。。我都醒唔起。」小靜也模仿晞敏吐出舌頭。
晞敏好像看到同伴一樣哈哈大笑。
「但係做咩講我知？」小靜問。
晞敏的笑容慢慢退去，她看著小靜，眼睛裡湧出不安和恐懼的氣息。
「如。。。如果。。。」晞敏聲線顫抖，她低下頭，抱著自己的身體。
「如果阿申好遲到先搵到。。。我整唔到既。。。」晞敏停下來，抬頭看著小靜。
「我整唔到既話。。。你。。。要幫我整。」晞敏用誠懇的眼神堅定地直視小靜雙眼。
小靜立即抱緊晞敏，淚線決堤。
「咩整唔到，你肚痾咋！」小靜緊緊地抱緊晞敏說。
晞敏好不容易推開小靜，把自己的恤衣拉起上來。
她肚子上嫩白的皮膚表面佈滿了淡紫色的紋，由肚臍開始向胸部漫涎。
小靜害怕得立即縮開手。
「尋日換衫時見到。。。」晞敏用陌生的眼光看著自己的肚子，彷彿眼皮下的身體不屬於她一部份。
「咩黎架？」小靜瞪大眼睛吃驚地問。
「應該係。。。血管。」晞敏痛苦地掙扎，端正身體。
「痛唔痛呀？」小靜伸手想摸晞敏的肚子，卻停了下來怕傷害到晞敏。
「我唔知，下身好痺。」晞敏說。
小靜看著晞敏在她懷裡被怪病煎熬，一般無力感重重地壓著她的肩膀，令她喘不過氣來。晞敏看到小靜的精神快被壓跨。
「其實我食左抗生素，好左小小。」晞敏說。
「咁唔食多啲？」小靜急得站起來，恨不得立即把整袋藥丸都灌到晞敏的胃裡。
「唉呀，藥要定時定量食架嘛！你冷靜小小啦。」晞敏生悶氣說。
小靜勉強地坐了下來，臉上焦慮的表情完全沒有消退。
「我都係只怕萬一姐。」晞敏幽幽道。
「我立即搵Lincoln過黎。」小靜轉身就走。
「喂呀～唔好呀！」晞敏生氣地說，她用力拉著小靜的手，但小靜心急得如一匹野馬直衝門外，晞敏被她拉得跌下椅子。
小靜大驚，立即扶她坐起來。
「唔好，佢幫唔到手。冇必要比佢知。」晞敏一邊說，一邊痛苦地撫摸著撞到的膝蓋。
「咁佢都要諗下方法架？」小靜氣憤地說。
「與其多一個人擔心不如少一個人擔心。。。」晞敏虛弱地說。
「我覺得佢有權知囉。」小靜堅決地說。
「喂呀。。。你比番小小私隱我啦。我都係想搵人分擔下先講你講，你同佢講既話我嬲你一世架！」晞敏嘟著小嘴，作狀撒嬌。要是在埸是男性
的話一定會被她打敗。
盡管小靜完全不認同晞敏的做法，但她停了下來。
「咁你打算點？唔同佢講？」小靜質問晞敏。
「我。。。我都唔知。好番咪得囉。」晞敏結巴地說。
「唉。我叫佢番嚟，你自己決定講唔講啦。」小靜說。
「喂呀唔好啦。。。」晞敏哀求。
「放心，我唔會同佢講你既情況，我只係話你唔舒服叫佢番黎照顧你。你呀！你個想法好自私！」小靜冷酷地罵。
晞敏低下頭無言以對。小靜看到後不忍心甩下晞敏離開。她坐下來攬著晞敏。
「比多啲機會佢為你付出。。。」小靜說。
晞敏抬起頭看緊小靜，乏力地點點頭。