[末日][極限生存][獵奇]　致人類的輓歌－首部－墮落: 7.3

Lincoln被阿申帶著四處巡邏。

他們走到大閘門口，附近的浮屍不知何時已經散開。

他們站在圍牆上看著阱面冷清的大街。
 

「你覺得晞敏仲有幾耐？」阿申直接問。

「。。。。。我點知。。。抗生素已經冇咩效喇，仲有都冇哂。」Lincoln說。





「唔比醫生睇下呀？」阿申問。

「佢地做到嘢既一早做左啦。。。」Lincoln低下頭踢著路上的小石說。

「咁你之後打算點？」阿申擔心地問。

「仲可以點。。。見步行步囉。」Lincoln說。

「你有冇咩想做？不如做左先？」阿申問。





Lincoln看著阿申，低下頭，然後再看著阿申，嘴角揚起青澀的笑容。

阿申突然領悟到他的想法，古怪地大笑。

Lincoln白眼一翻。

「唔係呀！。。。佢。。。佢一直話想結婚。。。。」Lincoln吞吞吐吐地說。

阿申站在原地看著Lincoln，嘴邊掛著一個更滑稽的笑容。





Lincoln一陣惱羞，急步離開。

「喂喂喂。你認真？」阿申說。

「係。。。。」Lincoln皺著眉看著阿申，二人苦無對策。

 

遠處有一隻浮屍慢慢走近，大煞風景。

阿申回頭就走，卻被Lincoln拉著。

「嗯？」阿申看著Lincoln悶哼一聲。





Lincoln指著浮屍。

他身型瘦削，步伐穩健，但天色已黑，看不清楚他的面容。

阿申拿出電筒照向他一開一關，同時抽出小刀在另一隻手準備。

那個人沒有衝過來，反而舉起雙手向他們揮動。

附近的哨兵都聚集過來用電筒照著他。

是一個活人。

他穿著黑色連身袍，是神父的打扮。

「Thank god!」神父慢慢走近閘口，感激流涕。





他臉容憔悴，滿面白色的鬍鬚，戴著一副圓波波眼鏡。

「Thank god! Please help me.」神父哀求。

「叫科斯達出嚟。」阿申向哨兵命令。哨兵飛快地跑到會所去。

「企係到，唔好再行埋嚟。」阿申向他大喝。

「please。。。。我同我班教友走散左。。。可唔可以收留我。。。」神父雙手合十誠懇地哀求他們。

「你地係邊到嚟？」阿申問。

「我地一直都匿係大圍新翠村果啲公屋到。。。。。本身相安無事。。。突然有好多怪物出嚟襲擊我地，我地分散哂。。。。」神父聲淚俱下
地說。





阿申正想叫他離開，他想起在醫院宿舍的事。

「有必要嗎？」小靜這句話在他腦中迴響。

科斯達跑出來看到神父。

「咩情況？」科斯達輕聲在阿申耳邊問。

「佢話佢同教友走失左，想我地收留佢。」阿申說。

「嗯。。。。。」科斯達深思。

「神父，我係依到既負責人，科斯達。」科斯達嚴肅地說。





「科先生你好。。。。。可唔可以收留我？我已經一日冇食野喇。。。一定係神安排我地係依個地方相遇。。。。我一定會報答你架。」神父
說。

阿申隨手拾起一塊小石擲在神父腳上。

「依粒石呢？」阿申說，然後哈哈大笑。

「都係神安排比我既挑戰。。。挑戰我既信仰。。。」神父說。

阿申沒好氣地側目，鄙視神父一眼轉身就走。

「神父，你叫咩名？」科斯達問。

「我叫湯神父。」神父說。

「湯神父，今日都夜喇。你入嚟休息一晚先，之後再從長計議好唔好？但係因為保安原因我地要鎖住你，你冇意見丫嘛？」科斯達說。

「冇問題！感謝主！一切都係神既安排！」湯神父感激地說著。

「你認真要收留佢？」阿申輕聲問。

「聽下佢講出面情報都冇壞，一個人我地應付到。」科斯達說。

阿申不份氣地把梯放下讓他爬上來。

神父上到圍牆後立即瞪了阿申一眼。

「年輕人，上帝既旨意係不可違抗。你要學識謙卑之心。」

「Oh, I am so sorry father.」阿申皺著眉道歉。然後一腳把神父踢下了斜台。

神父冷不防被阿申踢中，整個人滾了下去。

大閘的人都哄堂大笑。

「神父，依邊請。」科斯達招呼神父到會所去。

「阿申。。。。。」Lincoln若有所思地說。

「嗯？」阿申滿意地笑著。

「結婚。。。。。」Lincoln指著神父。

阿申拍案叫絕。