[末日][極限生存][獵奇]　致人類的輓歌－首部－墮落: 7.6

「睇唔睇得。。。？」阿申小心地問。

Lincoln聳一聳肩，苦笑。
 
「

老公：

嘻。第一次咁叫你，好開心。





我以前成日都諗，可以永遠係你身邊就好喇。

每次諗起都會好幸福，或者依個世界並唔係咁壞。

我愛你。

命運帶你比我，同時將我帶走。

我地約定好左去大東山睇日出，我地約定左要去韓國玩。





好多好多嘢我地未做，我好唔捨得你，我唔想離開你。

可惜，我必須要走喇。

由我病左開始，你每次望住我都好痛苦。

你努力咁帶上樂觀的玻璃面具。

但係你越樂觀，我就明白我既病越唔樂觀。





對唔住。。。我唔想你睇住我走，記住我果個憔悴同奇怪既樣。

我要係你心目中永遠都係果個陸運會入面企係看台大叫加油，插住朵花係耳仔上面既果個晞敏，請你記住我果個樣，唔好忘記我。

係你身邊每一秒都好開心。

好多謝你戒指，尋日係我人生最開心既一日。

我唔敢完成誓詞，我好唔捨得你。。。好多謝你咁堅定咁講我願意。

原諒我既軟弱。

我要走喇，我會好好“照顧＂自己。

如果可以的話，我一定會永遠留係你身邊。





隻戒指，留住佢，將佢交比下一個愛你既人，一個可以同你長長久久既女仔。

我知道你唔信靈魂，但係我信。

我地一定會再見，完成其他約定好既事。

 

再見喇，老公:)

 

妻子





晞敏　　　　　　　　　　　　　　　　　　　　　　　　　　　　　　」

 

信下放了一隻鑽戒。

三人盯著戒指反射出來的七彩光芒。