Lincoln不作二想,立即爬出破窗想捕捉女異變者的身影。

其他人一湧而上把他捉緊,拉回地面。

「追啦!!!佢走甩喇!!!」Lincoln不斷掙扎,想甩開阿申。

「係佢!!!係晞敏呀!!!!!」Lincoln激動拉緊阿申的手說。

阿申捉緊Lincoln的手,垂下頭避開他熾熱的眼神。





其他人用可憐的目光看著Lincoln。

Lincoln用力掙脫阿申的手,走到破窗查看。

窗外是會所的大泳池,污濁的池水泛著圈圈漣漪,四周沒有動靜。

「Lincoln….」阿申輕聲說。

「係佢!!!!!係佢!!!!!我真係見到佢!!!!!」Lincoln不甘心踏地。





「假設真係佢。比你捉到,你想點?養佢?」阿申問。

「我!。。。。」Lincoln欲言又止,搭不上話。

小靜搭著Lincoln膊,Lincoln不領情,甩開小靜的手回到自己的密室裡。

小隊默默清理門口被斬碎的感染者屍骸,回到圍牆和強盜集合。

 





「你地歡迎新人既方法好特別。」大姐站在圍牆上說。

她肩上扛著一柄斧頭,英姿風發。

阿申苦笑。

「將背囊拎上嚟先。」阿申說。

背包被放在圍牆外底下,他們組成一鏈把一個又一個滿滿的背包運進牆裡。

「咦?!少左一個背囊。」馬松山奇問。

「會唔會你記錯左?岩岩我拋左一個落水。」大姐說。

「唔係,仲差一個綠色大背囊,由大副孭住。入牆之前仲見到。」馬松山說。





眾人面面相覷,一面茫然。

「唉。。。算啦。。。」大姐一擺手,著眾人把物資運到會所。

大姐,馬松山和大副像朝聖一樣緊張,慢慢步上會所長樓梯。

 

科斯達正帶著數人在會所檢查任一個暗角,以防漏網之魚。

他看到小隊滿載而歸,提著很多背包進入會所,以及三個陌生臉孔。

科斯達立即走到他們面前,作例牌的介紹。





「你好,我叫科斯達,依到既負責人,請問你地係?」科斯達笑說,和大姐握手。

大姐一個意外,無奈被科斯達握著。

「我地本身係酒店匿左一個月,但係岩岩比瘦仔攻陷左。。。想搵一個棲所。」大姐一本正經說。

「瘦仔?。。。阿申你點睇。」科斯達問。

「佢地對怪物好有經驗。而且我地都差佢人情。。。」阿申說。

「人情?」科斯達問。

「好複雜。唔好深究。。。」阿申面有難色說。小靜黯然低下頭。

「既然阿申咁講,依到一定有你地三個既位置,阿申會慢慢同你地介紹。」科斯達笑說。





「我地有九個人。」大姐說。

科斯達笑容一僵。

「九個人。。。。。?」科斯達看著阿申。

阿申扁嘴點頭。

「依到既物資屬於佢地。。。我地打算去偷。。點知比怪物圍攻,咁岩佢地番到嚟,一齊殺出重圍。」古瑪說。

科斯達方才留意到眾人也是滿身血污,狼狽不堪。

「九個人。。。真係有啲多。。。好多只可以留五個人。」科斯達皺眉說。





大姐猛然昂起頭。

「九個。」她斬釘截鐵說。

「恐怕依到冇足夠空間容納你地。」科斯達冷淡說。

「咁樣恐怕我地要動粗。。。。。。。」大姐強硬回應。

Jason摸著槍托,被Carey按著,氣氛變得僵硬起來。

「你有把握?我地有三十幾人。你地得九個。」科斯達冷笑說。

「如果你地三十人都咁打得,岩岩應該企係牆上面。唔係縮係屋企入面喊。」大姐嘲諷。

大副哈哈大笑起來,中氣十足。

馬松山則認真觀察著四周環境。

科斯達接不上話,大姐乘勝追擊。

「我地早知道酒店終有一日會失守,四周都係怪水,酒店內部更加無險可守。我地每次出去搵物資都物色適合遷居既地方。山上面適合的地方已

經比人佔據左,我地試過談判,因為咁冇左兩個人。依到真係沙田區最後一個選擇。我地一定幫到手。。。。同埋我地已經到左,唔會輕易咁出

番去。」大姐起初動之以情,最後一句卻耐人尋味,加重語氣。

科斯達沉思一會,看到大姐堅定而強硬的眼神知道她不會放棄。

「你要負責。」科斯達指著阿申說。

阿申悶哼一聲,無奈點頭。

 

「咁件事完喇?」大姐壓著自己興奮之情說。

科斯達帶著守衛離去。

阿申對大姐微笑,伸出手。

「Welcome.」阿申說。

大姐從心而發甜笑,給阿申一個熊抱。

 

「大家辛苦喇,好好休息。。。聽日再係依到集合傾下之後既事。」阿申和小隊眾人說。

古瑪和Carey終於鬆一口氣,互相道謝然後散去。

阿Ca一聲不發回家。

小靜跟著阿申和大姐一起走到圍牆。

 

牆上的強盜和金髮少女回頭看著大姐,期待她的答案。

大姐微笑,緩緩舉起手,豎起大姆指。

強盜們高興地歡呼。

「有屋企喇!!!」他們喝采,互相擁抱。

「細聲啲!唔好嘈到人瞓!」大姐急喝,強盜們立即閉嘴。

「咁我地住邊?」金髮少女問。

「七至十一座任揀。」阿申笑著橫掃會所右邊的住宅。

強盜雙目發光,開始起哄。

「我帶大姐同馬生揀啦,你地要幫手留住到守住圍牆先。」阿申笑說。

「叫我心姐得喇。佢地都知我叫陳道心,只係叫慣左大姐。」心姐說。

「心姐,請。」阿申說。

強盜們紛紛說好,然後回到圍牆上看守。

「你番去先,我好快番嚟。」阿申向小靜說。

小靜心中一甜,點頭微笑。

阿申情不自禁在她臉上親了一下。

小靜害羞得低下頭,臉頰緋紅。

阿申甜笑著,帶著心姐和馬松山離開。

小靜背著自己的大背包回到家裡。

 

老爺子正坐在餐桌邊,桌上放了一個鐵鎚。

小靜開門時他下意識摸向鐵鎚,看到小靜後高興得走過去抱著她。

老爺子的身體是多麼溫暖。

小靜舒服地在老爺子懷內磨蹭。

「申仔呢?!出面點呀?!Ca妹番到嚟放低背囊就入房瞓,十問九唔應。」老爺子七嘴八舌問。

「依家冇事喇。阿申忙緊,好快番。」小靜笑著說。

老爺子好好打量著小靜。

小靜穿著骯髒及殘破的衣物,傳出陣陣的腥臭味。

「你塊臉冇嘢嘛?紅左一條細痕!」老爺子緊張問。

「冇事。好彩只係輕輕咁刮到,冇血紋。」小靜也驚險說著。

「哦。。。」老爺子仍然不安心,左問右查小靜的傷勢,怕她受了傷也不知道。

小靜哭笑不得,心裡幸福得很。

「等等~~~」老爺子走到廚房。

小靜卸下所有裝備,坐在沙發上伸懶腰。

老爺子捧著一大盆水出來。

「Lincoln精神唔好唔係成日整水比我,叫我自己整。我記得你地應該尋日番,所以留左一盆水比你番嚟抹身。」老爺子呵呵大笑說。

小靜高興得眉飛色舞,連聲道謝。

「我執埋嘢先。夜喇,你瞓先啦。」小靜說。

「唔好咁夜喇你~」老爺子說,然後蹣跚步入另一間房睡覺。

小靜洋洋得意笑著,把背包的物資放到廚房裡。

狩獵隊和物資隊的好處就是可以把部份戰利品據為己有。

她看到阿Ca沒有收拾背包,所以一拼整理。

小靜把阿Ca背包裡的物資拿出來時,突然手上一硬。

她一看───────是一部對講機。

 
已有 0 人追稿