[末日][極限生存][獵奇]　致人類的輓歌－首部－墮落: 11.2

「呀囡～過嚟。」老爺子坐在沙發上說，神情嚴肅。

小靜放下一盒預留的意粉在桌上，走到老爺子身邊坐下。

「今次唔見左三隻兔仔。」老爺子說。

小靜大吃一驚。

「會唔會有動物走入嚟？」小靜假設。





「唔會，自從上次唔見鼠之後，我用繩綁住佢地條頸，再釘落地。今日我落去見到成支釘比人起左出嚟。一定係人為。」老爺子氣憤說。

小靜暗嘆一口氣。

「可能果個人有難言之隱呢。。。」小靜知道是Lincoln偷來作肉餌，幫他掩飾。

「依家我地冇哂兔仔，知唔知幾大損失？我打算拎剩低既天竹鼠入屋養。雖然交配少啲，但有保障。」老爺子氣得口沫橫飛說著。

「我聽日去了解下。。。」小靜安撫老爺子。





「仲有Ca妹今日出左去好耐都未番。。。你地留意下佢啦。。。唉！依家啲後生。。。」老爺子滿嘴抱怨走到房間休息。

 

小靜用濕紙巾稍稍清潔身體便躺下來等待阿申回家。

不一會，阿申回來了。

他一臉錯愕，關上門。





「咁遲既？」小靜坐起來問。

「岩岩同心姐係牆邊傾左陣計，走果時。。。見到阿Ca係角落。。。」阿申迷惑說。

「跟住呢？」小靜立即追問。

「佢。。。佢係唔係同你講過啲咩？」阿申看著小靜問。

「嗯。。。就係我上次口快講錯嘢。。。你。。。你鍚左我果次。」小靜點頭承認，隨即解釋。

「哦。。。原來係咁。。。」阿申呆頭呆腦看著地板。

「姐係點？依家點？」小靜焦急問。

阿申立即攬著小靜安慰她。





「冇。。。佢岩岩。。。同我表白。。。」阿申皺著眉說，明顯令他十分苦惱。

「你點答佢？」小靜尖銳問，厲眼瞪著他彷彿隨時要把他吃掉。

「我直接講左同你既事。」阿申扁嘴說。

小靜氣得眼前一黑，臉上一陣紅一陣白。

「咁。。。遲早都要講？」阿申解釋。

「你同我傾下先丫嘛！」小靜白眼一翻，坐在沙發上。

「唔講都講左啦～佢要接受。」阿申不忿說。





小靜看著桌上的意粉和一封解釋信，腦裡亂作一團。

「唉。。。」小靜不勝其煩，倒頭就睡。

「咁點呀依家？」阿申搖著小靜身體。但小靜沒有理會。

「嘖！」阿申無可奈何，席地而睡。

 

小靜沒睡多久，清晨便起床。

她看到桌上的意粉沒有動過，但解釋信卻不翼而飛。

小靜輕輕推開阿Ca的房門，看到阿Ca背著自己睡覺。





解釋信被攤開放在桌上。

得不到答案的小靜如被萬蟻纏身，坐立不安。

她關上門，先出發到實驗室。

 

Lincoln坐在長桌上研究一張紙。

他向小靜點頭示好，然後繼續埋首於紙張上。

紙張上畫著一個圓，和六個紅點，就是肉餌的分佈。





「搵到佢拿？」小靜充滿期待問。

「。。。。。希望唔係。」Lincoln卻擔憂說。

下方的紅點被畫上很多線條，最上的兩點則沒有塗改。

「最近閘口果兩個餌冇郁過，但係最南邊既就唔見左。。。西邊既都唔見。。。」Lincoln說。

「咁咪知道佢大約係邊到出沒囉？！」小靜大叫，高興得跳起來。

Lincoln壓下興奮的心情，一臉認真。

「問題係。。。南邊同西邊有兩組腳印。。。。。」Lincoln說。

小靜興奮之情被冷卻，目瞪口呆看著Lincoln。

「如果真係有‘嘢’匿埋，可能唔只一隻。。。」Lincoln皺眉說。

「會唔會係鞋既關係？有時對鞋甩左都唔奇。」小靜大膽假設。

「可能啦。。。但係小心為上好。」Lincoln緊慎說。

「嗯。。。。。剩低既兔仔呢？」小靜嘆氣問。

「咩。。。咩兔仔？」Lincoln大感奇怪，問。

「你既然已經有眉目就收手。。。繁殖兔仔更重要。。。」小靜有氣無力說。

「我真係唔明。兔仔做咩事？」Lincoln認真說。

小靜開始生氣。

「你偷左天竹鼠整肉餌，我理解。但剩餘三隻兔仔都偷，太過份喇。」小靜當面指責Lincoln。

「我從來都冇偷過任何嘢。」Lincoln措辭強硬說。

「你冇？咁你啲肉點嚟架？！」小靜語氣誇張挑釁問。

Lincoln立即反唇相駁，張開口，卻有口難言。

他表情極度難過，內疚得垂下頭。

「你話你知。。。」Lincoln用怪異的嗚咽說。

「我係知呀。。。。。咪天竹鼠。。。囉？」小靜氣沖沖說，神色開始慌張。

Lincoln抿緊嘴唇，像罪人一樣抬頭看著小靜，悽涼搖頭。

小靜感到瞬間被淋了一桶冰水，心寒刺骨，毛骨悚然。

「咩肉嚟。。。。。？！」小靜顫抖問。