晚上的密林鬼影憧憧,樹葉了無生氣垂下來隨風擺動,像怨魂一樣向橙堡內的活人招手。

一隻又一隻的厲鬼在樹影裡哭泣,哭號在橙堡內迴盪。

氣氛一片愁雲慘霧,人們的意志像枯葉一樣隨時支離破碎。

「班嘢真係唔識收聲!」Jason煩厭看著牆外的樹林。

「四面楚歌。」馬松山說。





「佢地晚晚咁叫,瞓都瞓得唔安落。」Jason咬牙切齒說。

「或者我地要大聲過佢地。。。」馬松山托著下巴沉思。

「吓?唔明。。。」Jason問。

「或者我地可以。。。喂。」馬松山輕撞Jason手肘。

Ceci走向圍牆的洞口視察。





Jason飛奔下去,跑到Ceci身邊。

「咁夜仲未瞓呀?」Jason微笑問。

「好嘈。。。」Ceci看著牆後漆黑的樹林,憂心忡忡。

「係。。。佢地愈來愈多同大聲。我地每人都加班,牆上長駐六個人,冇問題既。」Jason安撫她。

Ceci輕蔑苦笑一下。





「嗯?」Jason疑問。

「世界從來都唔係安全,現在只不過是大部份人被趕出溫室而已。」Ceci戚戚然道。

四周微弱的火光靜靜閃爍。

淡黃的光線灑到Ceci木無表情的雪臉上更顯無奈。

她眼裡充斥著不安之情,秀眉輕皺,令人看得心生憐意。

「我身邊係安全,我會保護你。」Jason衝口而出。

Ceci驚喜回頭看著Jason,微微甜笑,心裡暗暗高興。

「哦。你顧掂自己先啦。」Ceci淡然回應。





「真架。我會照顧你。」Jason收起笑容,嚴肅說。

「哈哈哈~好多人都咁同我講。聽到厭~」Ceci哈哈大笑,猶勝白雪的臉頰泛起紅暈。

她默默收起笑容凝視外面的世界。

「不過我開心,今次獎你咩好呢?」Ceci看著Jason,撥弄金髮,嘴角含春,神色嫵媚起向他。

Jason得償所望,期待眼前這隻散發著誘人香氣的小妖精投懷送抱。

「Jason………..方唔方便講兩句。」他身後傳來一把冷淡的聲音。

阿Ca站在Jason後面數米,拿著一個大背囊。





「Ca!我見你一番嚟好似好攰咁所以冇搵你。把槍有冇幫到你呀?」Jason緊張回首,熱情地走向阿Ca。

「冇阻你地嘛。。。?見你地好似傾緊計。」阿Ca指著Ceci問。

「冇~我走架喇。」Ceci淺淺一笑離去。

Jason懊惱不而,想留下Ceci卻顧不上阿Ca。

「嘖。」Jason心底裡不甘心。

「做咩事?點解拎哂嘢既?」Jason急忙幫阿Ca拿起背包。

「我想搬去同你住。」阿Ca命令的口吻說。

「當然可以啦!但係。。。點解既?你一直都。。。。」Jason受寵若驚,興奮問。





「番去先講…….」阿Ca若有所思說。

 

「點解放佢走呀?!」小靜的怒吼如雷貫耳,從科斯達的房間爆出。

「你想點?殺左佢報仇?」科斯達說,一邊用手捂著耳朵。

「最少都要監禁佢啦!」小靜說。

「監犯要食飯,醫生都要食飯。你想多個監犯定醫生?」科斯達質問。

「佢做左咁多傷天害理既嘢唔通放過佢?」小靜反駁。





「我地要生存已經唔簡單,唔好搞咁多嘢啦。。。」科斯達皺眉說。

「你需要我,日後你會明白我做所有嘢都係為左群體好。」曹醫生解釋。

「佢用活人做實驗,話唔定聽日你個頭比人剝皮呀!」小靜青筋暴現科斯達,指著曹醫生說。

「係佢威脅要燒毀我所有實驗我先無奈要咁做。。。」曹醫生委屈說。

小靜怒不可遏,揮拳撲向曹醫生,被守衛攔下。

喀喀。Sandy狼狽衝進門房。

「醫生。。。個大叔依然昏迷,血壓時高時低。。。」Sandy喘緊氣說。

「傷口係邊?」曹醫生變成一張認真臉問。

「後腦出血,左邊臉抽搐,可能傷到腦,你要立即過去。」Sandy焦急說。

房屋裡囚人看著小靜。

「妖~」小靜甩下一句便離去。

「細路女。。。」科斯達恥笑說。

 

小靜在房門外等待陳老師的消息,她看到小牧靜靜坐在沙發,低頭抱膝。

「你肚唔肚餓呀?」小靜坐到她身邊問。

小牧搖頭。

霍醫生的事令小靜難以釋懷,但她仍然強顏歡笑安慰小牧。

「你爸爸吉人天相,冇事既。」小靜說。

「。。。。。。」小牧沒有回話。

小靜乾脆攬著小牧,但小牧掙脫小靜的手臂,不想和任何人親近。

小靜默默陪伴在她身邊。

房門推開,曹醫生滿額大汗走出來。

「小朋友,你爸爸。。。」曹醫生彎下腰說。

小牧用力捂著自己耳朵。

「壞人!!!」小牧用盡氣力喊罵,她氣得小鼻子也紅起來。

「我救左你爸爸。。。喂!聽我講。」曹醫生焦急拉開小牧捂著耳朵的手,小牧反抗大叫。

小靜跳起來把曹醫生狠狠推跌在地,Sandy急忙上前扶起他。

「咪掂佢呀死變態!」小靜喝止他。

曹醫生撿起眼鏡,整理一下醫生袍慢慢雜開房間。

小牧跑進房間,陳老師躺在床上,頭上包了幾圈染紅的繃帶,神色痛苦。

「爸爸~」小牧輕推陳老師的手臂。

「嗯。。。」陳老師煩厭擋開小牧的手,側身繼續睡。

「比你爸爸休息下先~」小靜跟小牧說。

小牧點點頭,退出房間坐在沙發上。

小靜遞上一枝水,小牧點頭道謝,十分乖巧。

「你唔洗驚,姐姐會照顧你。」小靜說。

小牧微微一笑。

「平時你同爸爸係屋企玩咩架?」小靜試圖引起小牧興趣。

「爸爸成日唔係屋企,我同公仔玩。」小牧說。

「你爸爸好另架~佢保護左大家。所有人都好鐘意佢。」小靜誇獎陳老師。

小牧立即得意甜笑起來,抬起頭看著窗外。

「你爸爸有冇同你講佢工作既事?」小靜問。

「冇~爸爸好少講工作既事。特別係媽媽走左之後。」小牧黯然說。

小靜暗暗嘆息。

「不過爸爸都唔信小牧講既~冇人理小牧。」小牧扁嘴說。

「你同姐姐講丫~姐姐會慢慢聽。」小靜說。

「真係?」小牧半信半疑說。

「嗯。姐姐信你。」小靜笑說。

「岩岩有一隻好大既鐵蜻蜓飛過~~~」小牧指著窗邊說。

「鐵蜻蜓?」小靜奇怪查看窗外,

天空一片蔚藍,空無一物。

「我見唔到啵。。。」小靜皺眉說。

「佢地唔係成日出現,但係小牧每日都等佢地。。。呢!姐姐!睇下!」小牧突然跑到窗邊,指著天空說。

在很遠很遠的天邊,有一粒小黑塵飄過。

小靜瞬間雞皮疙瘩,激動的淚水湧出眼睛。

「直昇機呀!!!」小靜指著天空,搾乾肺裡的空氣向窗外大叫。


 
已有 0 人追稿