戲院既人流慢慢散去,光亮都重新亮起。
  我同Wendy繼續企著對望。
  一前一後,四目交投。
 
  片尾曲結束,職員都叫到:「先生小姐,唔好意思呀!我地要交比下一場架
啦,麻煩兩位執齊野就離開。唔該哂!」
  職員話完,我就停止左腳下既冰冷,主動走上前去。
  我將個粉紅色既搖控器,交到Wendy手上,淡然咁講:「走啦。」
 


  離開左戲院,我地一前一後走到巴士站。期間,我同佢之間一直都冇傾計
講野。
  因為有D野,我諗唔洗講太白。
 
  「汪震,我......係到坐巴士走就得啦。」
  「哦,好。咁......你自己小心。」
 
  「D相......」
  「我會盡快SD返比你,拜拜!」以上呢一話,係我同Wendy識左咁耐,
第一句以九秒九速講既一句野。


  一講完,我就攬著我相機,跑左去地鐵站!
 
  我實在忍唔著啦!點解會咁!
  我D眼淚係咁一直流,多到睇唔到眼前既一切。
  我唔明,點解一個人品咁好既女仔......竟然係一個同男仔出街睇戲,靜靜地
玩搖控震蛋既淫賤女人!?


  點解係要簡正同我出街先咁做!?
  係咪毒撚龍友好玩D!?


  係咪咁樣就令佢有刺激新鮮咁!?


 
  莫非琴晚個個,唔係夢,係真實!?
  Wendy佢真係一個所謂既淫賤性奴!?
 
  唔知呀......我唔撚明呀!!!!
  屌!!!!!!!!!!!!!
 
  2015年5月2日,凌晨1點18分。某公屋屋邨,邨內商場。
 
  岩先既經驗,對我呢種未拍過拖,同女仔冇性接觸既毒撚黎講,實在太刺
激。我個腦,到岩先返到自己居住個區,都未完全冷靜到落黎。
  可以做既,咪去左咩7仔OK,買左兩支ICE瘋狂咁隊自己。
  隊到依家成點幾,醉就真係冇點醉,反而就好撚想嘔。


  係酒精作怪,定係諗起程小芳?抑或......對Wendy既行為覺得核凸變態?
我唔知呀......
 
  「喂,汪震!」就係我對著路邊坑渠作嘔個陣,又有一把女聲叫我個名。
  我心諗:我幾時咁出名?點解D囡囡個個都會知我叫咩名?
 
  「咩......料......嘔......」我抬頭一睇,咦喂!係先前大學遇到個MK妹?
 
  「你做咩飲到咁醉呀?」佢好殷勤咁同我掃背脊。
  「我冇醉!」我一甩開佢,退後左幾步。
  「哈,醉既人邊會認自己醉架?」
 
  佢拎左張紙巾出黎,見到佢咁好心,我都接受佢好意。
 
  「點解你會係到架?」


  「等你囉!」
  「吓?等我做乜?」
  「你唔係戴左眼鏡就唔認人呀......唔係啵!你都未答我問題,做咩要我答你
先呀?」
 
  經佢咁一問,我即刻冇哂聲出。
  因為我真係唔想講任何野,任何有關Wendy既野。
  或者係男人既自尊心作怪啦,真係唔想,比眼前呢個MK妹知道,佢講中
左既事實,係一個完全唔信佢既毒撚身上發生。
  佢一生成世人恥笑我都似!
 
  「唔關你事。」我無理佢,經佢身邊走過。
  「喂也!你真係唔記得我?我係阿May啵!」佢依然死纏著我,捉著我手
臂拉停我。
 


  「屌你老May呀?都話唔撚識你呀!」
  我大力甩開佢既同時,有一輛黑色私家車停左係我地前面。
  我冇點留意,轉身想即刻走返屋企,點知......
 
  「汪......嗚噫!!救......唔!!!!」
  突如其來既叫聲,我霎時轉返個頭個去。
  見到岩先既私家車到走出左一個黑衫面具人。一手封著May既口,一手反
鎖著佢,想將May捉入架車到!
 
  「喂!你做咩呀?放手好啵!」我指著個面具人,叫佢拿拿聲放人。
  同時間,我見到比佢封著口既阿May,雙眼眼神比頭先比人捉著個瞬間,
更加恐懼。
  雙眼瞪大,全身震抖,好似有咩得人驚既人就係眼前......
  然而,我雙眼接著望到前方私家車既窗上。
  係燈光陰暗之下,睇倒影反射到我身後有一個短髮裸女......唔係,正確D講


係一個裂開口既短髮裸女先岩呀!
 
  個裸女正向著我身後撲埋黎!
 


  轟呀──!!
 


  本能反應下,我馬上撲到前面,扑到地上。
  同一時間,阿May已經比人捉左上車。我想起身追,但已經冇呢種勇氣同
能力啦......
 
  因為呢個毛聞,睇清楚眼前既,並唔係一個短髮裸女咁簡易。
  而三個......應該話一隻,由三個人臉貼屁股咁,連埋一齊既人形蜈蚣出現!
 
  仆街啦......我真係開始分唔清,夢境同現實。
 
  今次,又係夢境?
  抑或,我只不過係醉左?
 






  依呀呀!!!!!!!!!!



                           (to be continued...)