回到初戀時: EP17

[偉明……我唔知呀！我唔知係咪真係鐘意你，我只係知道呢排我無時無刻都諗起你，一諗你就無啦啦傻笑……我從來未試過咁架……仲要係男仔……呢D係咪叫愛情呀？]

[可兒……冇錯！呢種感覺就係叫做愛情！我同你都一樣，你嘅每一個笑容，每一個動作……無時無刻都係我個腦度捐來捐去，只要有你係我身邊，我就充滿活力！雖然我地呢家先中一，係大人眼中我地仲好細，拍拖一定唔容許！尤其係你父母！我好肯定佢地一定會反對！不過我唔怕！我一定會排除萬難令佢地接受我地！]

[點解呀？或者佢地好鍾意你呢？]

[傻豬！係大人眼中，佢地會比較㗎！而且你係佢地寶貝女喎！嗱！就好似你住大屋，我住公屋，你有工人，我冇……呢D佢地會好介意！不過你唔使擔心！我一定有辦法令到佢地接受我，只要你係我身邊支持我……]

[偉明……雖然我唔係好明白你講咩！不過……不過我絕對相信你！]





[可兒……多謝你！]

這時偉明捉緊可兒雙手，情不自禁吻了可兒紅得像蘋果的臉頰……

突然音樂室門外傳來低泣聲，接著聽到急速的腳步聲漸漸遠離，偉明方記起約了子妮在音樂室，莫非……