回到初戀時: EP20

[咳……咳咳……]

偉明和可兒正陶醉他們的二人世界，突然其來的咳嗽聲，把他們兩個嚇至半死……

可兒尷尬地說:

[爹D，媽咪……點解你地會係度嘅？你地唔係唔得閒咩？]

偉明同樣尷尬開口說:





[世伯……伯有……你……你地好！]

這時可兒父母的面色非常難看，只聽可兒父親用命令的語氣對偉明說:

[你……跟我嚟！]

無奈的偉明唯有跟著他來到一間寬敞的書房……

[你係咪同可兒係同一班？]





[係呀，世伯……我叫做錢…………]

[哼！你都幾厲害！可兒好似好鍾意你咁喎……但係你知唔知呢個女係我最緊要嘅寶貝女……我要將佢培養成材！過多兩年，我就會送佢出國讀書……所以我唔想有無謂嘅人打擾可兒嘅生活！]

[世伯，我知！所以可兒功課上有咩問題我都會幫佢……]

[你幫佢？但你好似都係中一生……你識好多嘢咩！]

[冇錯……我雖然只係中一，但咁唔代表我只係得中一程度……我好有信心我一定………]





[得啦！得啦！我冇興趣知你咁多嘢！一句到尾……我要你同可兒分手！]

[分手？真係好笑啦！世伯……我好肯定咁同你講……冇可能！因為我同可兒係真心相愛！而我一定會俾到幸福佢！]

[哈！就憑你？你知唔知我個女食好住好！其實我早已經揾人查過你，哼！你只不過係住係唔知乜野嘅公屋！你憑咩照顧我個女？做人呢……最好有自知之明……我唔係話睇低你……不過現階段我真係睇唔到你有乜野能力可以照顧到我個女？]

[世伯……你知唔知乜野叫寧欺白鬚翁，莫欺少年窮！冇錯……呢一刻我係一無所有，但係我可以話俾你聽，我將來嘅成就係……]

[哈……我發覺你自信心真係爆晒彭……好呀！既然你咁有信心，我想問你有咩大計？我真係要洗耳恭聽……哈……]

[四個字，審時度勢！……]

[哦？願聞其詳……]

[世伯……我知你係炒股票起家嘅……我亦知道你好成功，剩係見你呢間屋，就知你生活無休！好……呢家我就同你講股票……]





[哈……細路，有趣有趣……]

[股票，對很多人嚟講其實之不過係另一種賭博工具，但係枉抂都係十賭九輸，原因只係得一個，就係佢地D散戶點可能同D大戶玩，隨時一個浪一過嚟，佢地D錢就已經化為烏有……]

[所以呢……我個人認為股票對新聞係非常敏感嘅，只要掌握第一手資料，就可以無枉而不利……嘿……我估世伯嘅人際網絡一定唔錯，當中放料俾你嘅十次都有六，七次中，就係見你地嘅優質生活就知道……]

[不過呢，我估世伯唔係次次都贏掛？上一次觸礁你仲印象深刻掛？]

陳可兒的父親的確被偉明說中了心事，那次輸了半份身家的事他還瀝瀝在目……

[咁……咁有點？唔該你啦！你講咁多野又有咩用？你有辦法掌握第一手資料咩？]

[當然有！靠嘅就係我呢度……]





這時偉明充滿信心用左手食指指著自己的太陽穴……

[好……既然你咁有信心！唔好話我做世伯蝦你，我打五十萬本俾你，只要你呢個星期贏夠二十五萬或以上，我就批准你同我個女來往，相反，唔該你以後唔好再同我個女來往……]

[放心！我唔計你手續費，當然你唔夠十八歲開唔到户口，不過唔緊要！就當係我買！只要你話我知！我就以我名義做買賣！點？一句話……敢定唔敢？]