回到初戀時: EP30

「啪啪啪啪…」

「偉明，你攪咩呀？走位啦！你企係度成碌木仲咩？千俠又過咗你啦！」肥賓駡著說。

「插殊……」美秒的入藍聲…

「不如抖下先啦！」千俠笑著回應。

「唉！明哥仔你今日攪乜鬼？你知唔知我地後日比賽啦？你條友仔呢家嘅狀態仲衰D小學雞打籃球！抖下先啦…抖下先啦！」肥賓生氣地説。





「Hey！錢偉明同學…雖然我地第一次見，但係我已經睇得出你有心事喎！男人老狗，不外乎兩樣野！一係錢，一係女人！肥賓已經略略同我介紹咗你，我知道你呢家正在蜜運中，咁姐係唔係女人啦！咁剩返一樣野，就係錢啦，呢排係唔係同女朋友出街洗多左呀？」余千俠笑著説。

「冇事…冇事…我只係有D野諗唔通姐…俾我抖十分鐘，一陣你小心D啦！」偉明漸漸回復精神回應。

「你係冇事先好！後日嗰場比賽，雖然打定輸數，但係都唔好輸得咁難睇…就當為左我留返一個美好回憶啦！」肥賓熬有介事地說。

「喂！肥仔…咩野美好回憶呀？你好似講到你就嚟死咁？發生咩事呀？」偉明問道。

「哦！其實無乜嘢，我讀埋呢個月就要轉校姐…」肥賓瀟灑地說。





「吓…讀得好地地做乜要轉校呀？你捨得我地呢班朋友啦？」偉明問道。

「梗係唔捨得啦！不過冇辦法！我老豆爭人地好多錢，呢家冇辦法要賣咗層樓嚟還債，遲D我地一家會搬去新界嗰邊住，所以我都要係嗰邊度讀書啦…」肥賓苦笑著。

「吓！咁遠…我地以後咪好少見？」偉明說。

「咁又唔會！我地學生有咁多假放，放假咪可以一齊玩囉！所以呀！你一定要盡力打好呢場波！雖然我地呢家坐亞望冠，但係都唔可以馬馬虎虎…」肥賓績說。

「係啦、天下無不散之筵席！我都係轉校生，聽日就去你地嗰班上堂啦…大家唔好咁啦！好啦…明哥仔，休息夠啦…係時候俾你報仇啦…亅余千俠拍著偉明的膞頭說。





「嚟咪嚟！怕你呀！」偉明不服氣地說。

「呼呼…果然厲害！你唔係跛架咩…」

「呀…呀…頭先我打探你虛實咋…你就係得咁嘅實力咋…」

「係啦！咁打就啱啦…不過你可以再跑快D架…」

「喂！係啦…假動作過去啦…」

「呼呼呼呼…」

「點呀？咁快冇氣？咁你輸梗啦！」

這一夜，平時人來人往的籃球場上，出奇地只剩下他們三人的呼叫聲…