我,愛上了一個不可擁有的女孩: 一
我, 今年14歲, 中二, 係一個平常, 正在面對HKDSE來臨嘅男學生, 學校BAND TWO 頭, 學業一般, 係數學好D, 其他都係50幾分. 我叫王柏希, 大家都叫我希仔. 我有幾個老友, 第一個叫陳文輝, 大家都叫佢做爆輝, 冇法, 佢真係好爆, 上上下堂可以無拉拉大叫, 到佢中六畢業身上擁有2個大過. 真係好勁, 本人深深佩服. 第二個, 係我地學校嘅學霸, 次次話掛住打機天才波, 結果係點你都估到啦, 100分附帶一個英文字"perfect!". 我係呢個moment好想打7佢. 第三個, 任何一班都會有嘅一個角色, 姓死, 叫肥仔, 身重70KG, 行步路都有地震嘅感覺, 係中學冇人會望佢一眼, 太肥無計, 但佢上大學之後發奮減肥, 結果變成一個超靚仔嘅大隻型男, 豈有此理.
好, 回正題, 我點識到呢個女仔嘅呢, 要返去全世界學生都唔會想來臨嘅日子, 9月1日, 開學日.
9月1日,我好乖仔咁做好曬功課, 返學去, 到左班房, 我好似身臨第二次世界大戰咁, D暑期功課好似轟炸機咁係空中飛來飛去, 大家明拉我不作解釋, 我避過曬D轟炸機, 坐左係第二行第二個位, 直到8點正, 我隔離個位都係空嘅.
8點正, 班主任行左人班房, 有人細細粒嘅女仔跟左係隔離,
"大家早晨, 新學期開始, 我地今年有個新同學, 同學你自我介紹下拉."
"大家好, 我叫陳子晴, 請多多指教."
跟住老師就叫侉坐我隔離, 近睇佢其實幾可愛, 有小小男仔頭, 但係有D清純嘅感覺.
接住就係正常嘅開學禮儀式, 選班長, 交暑期作業呀什麼什麼的, 呢一切都唔重要, 因為我最期待嘅環節係-----調位....
調位, 一個神聖嘅儀式, 你調左一個好位. 隔離坐左個學霸, 正所謂" 考試考得好, 全靠隔離好" 你呢一個學期可以唔使讀書都考個, 如果你隔離坐個MK仔, 你就仆街啦. 另外作為一個好學生, 上堂一定會玩電話, 你坐得前, 你好難玩到電話, 但係如果你坐角落頭, 你可以無限玩, 所以, 調位會決定你呢一個學期嘅命運.
作為一名學生, 你一定有聽過random.com, 一個一D都唔RANDOM嘅網站. 咁我就係到祈禱, 希望可以有咁後坐咁後拉, 雖然我當年得168CM....結果我知道我坐第4行, 第一個願望已經達成, 再祈禱隔離坐個學霸拉, 仆佢個街, 佢RANDOM個新同學俾我, 我嗰一刻灰到想死, 天啊..點解...你咁樣分名玩我啫, 子晴見到我咁樣就問我, "你OK嗎?" 我嗰刻好想一句DLLM車落去, 但係我冇, 我回左句"冇事, 有小小唔舒服啫, 我同侉相處嘅第一日就咁過左.