我,愛上了一個不可擁有的女孩: 四
星期六, 我莫名其妙地早左一個鐘到自修室,橫掂冇野做就自己係到溫書. 係自修室, 我見到嘅有大部份都係DSE嘅勇士, 盲目地做緊一份接一份嘅past paper. 我唔知欣賞左呢個景象幾耐, 呀晴已經出現左係我身邊.
"做咩呀, 好想好似佢地咁無限做past paper?"
"你都有病架, 我先唔要."
"冇得你揀架, 你遲早都會有咁嘅一日:)"
"你唔俾我唔考DSE架:P"
"好廢話少講, 溫習!, 我唔識做呀, 快D教我."
"你轉話題真係仲快過D議員..."
"溫書呀!!!"
"係係係...知道大小姐...."
我係一路係隔離望住佢做數, 其實佢認真做數個樣幾可愛, 係有少少大小組脾氣啫, 有幽默感, 唔錯架:P
"你係咁望住我做咩喎, 你變態架."
"冇, 係喎, 你頸嗰個胎記黎架?"
"係掛, 我阿爸阿媽話係喎."
'OIC"
我摸住我條頸, 係差唔多嘅位置,我都有個咁上下大嘅胎記, 巧合? 係掛, 我都唔知.
就咁樣, 我一路望住佢好似個小學生咁做數, 望住條數望左足足十分鐘先開始做, 到最後發現錯左就發脾氣唔做個題, 我係側邊, 一嗆望住佢做, 一路笑佢白痴.
"好好笑咩, 我就唔信你題題識做><"
"我有D唔識架, 但係我至少唔會同一題做十幾分鐘囉:P"
"你唔好俾我有一日考得高分過你!"
"小姐, 夠鐘食藥喇:)"
"我唔識做呀!!!! 快D教我!"
"係係係...."
就係咁, 我同佢係個自修室就咁踎左三個鐘.
"好肚餓呀, 去食野喇喂." 呀晴問我.
"下...食咩呀?"
"M記?"
係呢一刻我呆左, 係現今社會仲有女仔會同你去食M記?!我雙腳有D發軟, 差D仆低.
"你冇事呀, 企唔穩嘅."
"冇, 可能坐太耐啫."
"怏D啦, 去食野, 本小姐就快餓死."
"係知道..."
行緊去M記嘅期間, 佢問我
"你有冇諗過自己嘅將來?"
"下, 咁遠, 諗黎做咩."
"我想做老師."
"老師?!"
"係呀, 我好鍾意小朋友."
"哦...不過你考好D數學先再講啦:P"
"你再講丫, 信唔信我打死你."
"你打死左我邊個教你數:("
"收聲丫!"
"係係係...."
到左M記, 佢叫左過魚柳BELL CHAN, 我叫左個BIG MAC. 兩個廿一蚊餐:P
我一坐低, 見到佢將D茄汁溝埋D黑椒
"食唔食得架....黑色一PAT野咁.."
"呢PAT野梗直係M記嘅精髓, 試下丫"
我好懷疑咁點左D, 咬左一啖, 咦!OK喎.
"好好食呢? 都話正架啦:)"
"車, 懶醒."
佢一食起野黎, 儀態咩都冇囇, 四個字:餓狗搶屎:P
"你係咪女仔黎架....食野仲粗魯過男人..."
"肚餓丫!"
"唉...."
唔使5分鐘,佢已經KO左個魚柳BELL餐.
"你咁慢架, 你係咪男人黎架, 咁慢嘅."
"會唔會係你快呢? 俾你驗明正身?"
"得喇唔使."
食完野, 我送左佢返屋企.
"原來你住呢度架炸, 同我屋企好近."
"係咩? 你住邊架?"
"我先唔要講, 俾你知道仲得了嘅."
"講唔講呀!!!!!"
"講講講, 隔離屋苑2座8樓C室."
"得閒上你屋企玩先"
"下你認真? 男女授受不親喎."
"考慮下啦. Bye bye"
"Bye bye..."
就咁樣, 我已經不知不覺間, 愛上左呢一個女仔.
"不要到失去了方知道什麼是珍惜."