《易容師 II 模仿犯》: 第十五章-一眾聚集
就係岩先重創左兩隻比改造既怪物之後，過左一段時間，我心境都冇辦法
平靜返落黎。
沙沙......
「邊個！？」
我一轉身，發現只係風吹過大門旁邊既盆栽，發出既聲音，令我以為仲有
裂嘴怪物出現。
安全起見，我即刻走返去執返把槍。
擦啦──
「咪玩野！同我死出黎呀！」我立馬以槍指向櫃檯。
櫃台上個盞燈，唔知因為咩原因忽然閃下停下，已經將陷入恐慌既我，再
帶入一個無法冷靜既地步。
冇人？冇怪物？
我槍口跟著手上既電筒，四周圍咁照。
櫃檯、等待區、取藥處、磅重房......
睇完一次，再睇。用電筒再一次照清楚，再睇多三四次。
冇人，冇怪物。
確實到，真係再冇任何威脅到我生命既野係附近，當下我先開始放心Ｄ。
係啦，歐陽美琪呀！
我依家先醒起，我入黎既目的係為左搵返歐陽美琪。
佢到底去左邊呢？頭先佢入面Lift，佢去左第幾層呢？
就係我一邊思索回憶，一邊走去準備搭Lift，經過訓係地既無手裂口女個
陣，腳上好似踩到Ｄ咩野......
係兩頁紙。
當我拎上黎，用電筒照黎一睇個陣，呢一切就好似我心中所料一樣──又
係橙皮書既缺頁！
......將警察引到基地中心，再放出改造怪物進行襲擊。警察將因為形勢所
逼，開始痛下殺手......(745頁)
......警察明白到人性本質，自私、自利，為求生存不擇手段殺掉可愛的奴隸
們。那時，他還會處於不敢承認自己過錯的心理關口，四處去查看四周環境。
不為尋找其他人，只為殺掉威脅自己的所有事物......(746頁)
屌你老母！
講乜撚野呀！
叮噹──
就係我想一野掉左手上呢兩張缺頁既同時，部Lift返到黎呢一層到。
我右手舉起槍，對準Lift口，以免再發生岩先同樣既情形。
不過，當Lift門打開個時，明顯入面一個人影都冇。
我唔單只冇放心落黎，反而我更加緊張，因為......
746頁既尾段，正正描寫緊依家既情況！
......在警察看完以上內容後，他欲想把此頁拋棄。此時，升降機來到。
升降機內空無一人，警察照樣先後確保安全，才小心進入。並跟著指示，按
下B2按鈕，直到地下第二層。(746頁)
2015年10月17日，晚上10點04分。神祕私人醫院，地下第二層。
叮噹──
神推鬼使之下，我自然咁跟著缺頁上既內容，黎到左入面所講既地下第四
層。
Lift門打開，眼前既係一條又黑又闊既長走廊。
唔清楚因為太黑既關係，抑或走廊本身既問題，黑到我用電筒都照唔到走
廊既盡頭。
我依舊左手反握電筒，右手執槍搭係左腕上，一步一步慢慢咁行前去。
闊大既走廊，兩邊都有著唔同既房間。
由於走廊極為寬廣，我不時都要左望望，之後好返轉返去右望望。
兩邊既房，有Ｄ寫著血液庫、有Ｄ寫著資料庫，有Ｄ門上面個牌爛哂，睇
唔到睇左Ｄ咩野。
可能我行得特別小心，慢慢行，中途都仔細佢檢查每一度大門可唔可以推
得開。甚至，如同缺頁中寫咁，確保仲有冇怪物藏係門後。就咁我就行左唔知
有冇五分鐘，終於走到埋藏係黑暗盡頭既一度大門。
門上寫著：「實驗室」。
岩先試過呢一層所有門都無法打開，依家就剩低眼前呢一度大門。
只係我雙腳係呢個時刻，竟然無辦法行出任何一步，硬生生咁釘住係地上
面咁......
係因為，我預計到入面有咩恐怖既事發生？
抑制，推開大門之後既真相，令我接唔到？
點解，點解會咁架？
呢種令人窒息既感受，真係一Ｄ都唔舒服！
可惡！我好討厭呢種感覺！
就好似個一次，同汪震係堅尼地城既防空洞一樣，明明驚到要死，但偏偏
要扮到唔怕！
冇事既，我係警察，有責任去除暴安良！
唔理眼前有咩妖魔鬼怪，變態殺人犯，我都唔應該退後！
驚又點？人之常情！
但就咁退後，真相就可能一世都唔知道。
開門，就打開呢一度門！
我要知道成件事，所有既真相！
啪啦── 嘰......
「哦，歡迎你呀！」
門一推開，我見到房內射燈底下，有一張手術枱。
而講野既人，正正係企係手術枱旁邊，著住手術袍，拎著血淋淋手術既陳
志明醫生──Dr.Chan！
點解佢會係度架？
咁Fish呢？陳仔話我知，佢同Fish係一齊架啵！
手術枱上面既，唔會就係......！？
楊成坤？
「唔唔......唔！！！！」
被綁著係手術枱上面，比布帶封著口既人，唔係Fish，而係我一直懷疑模
仿汪震犯罪既楊成坤！
正確Ｄ講，係四肢被嚴重屈曲到不似人形，嘴巴無法發聲，只係不斷「唔
唔」聲叫，滿臉淚水鼻涕既楊成坤！
「做咩咁驚訝？乜劉SIR你，唔係好想知道，人既四肢比屈曲之後，仲可
唔可以自由活動咩？嘿嘿嘿......」
禁錮、拐帶、改造......所有野都係Dr.Chan做既？
咁況倩宜、汪震、歐陽美琪個Ｄ，又係邊個做？
一定另有同黨！
「劉SIR？」
一把熟悉既聲音，從後面傳黎。
我轉身一望，後面總共有兩個人，一前一後咁企著。
雖然兩人都被黑暗既環境所包圍，但都影響唔到我既判斷能力......
後面身型細小個個女性，正係我一直追尋既歐陽美琪。
而企係歐陽美琪前面，睇唔到樣既個名男士，憑佢把聲同佢所身穿紅色冷
衫，我可以肯定佢係──
「果然係你！」
熊德倫教授。
(to be continued...)