《讓我重新遇見你》·緣圓系列·: 第四章 沒緣？

［第四章］ 沒緣？

「添哥哥﹐我鍾意你。」一個肥肥地又矮矮地師妹伸出畫左我望住天文望遠鏡既畫。

無錯﹐
我鍾意天文﹐
我鍾意星。
但除左吉仔同啊雄﹐
應該無人知架...



「但我好似唔識你架喎...」我唔好意思咁講。
「我識你就夠！」佢塞左幅畫俾我﹐
再一野撞開左我就跑走左。
「叮噹叮噹...」上堂鐘又響起﹐
我望住幅畫﹐
有種講唔出既感覺。

係咩感覺呢？

我攞住幅﹐


行返課室。
「咦﹐幅畫咁靚既？」曾偉雄過黎搭住我膊頭。
「係呀﹐啱啱一出去就俾人表白。」我細聲同佢講。
「但幅畫畫你觀星架喎﹐唔係冇人知你鍾意星架咩？」啊雄繼續問。
「所以我都覺得好奇怪...」愈諗真係愈怪。
「你地仲唔返位想點呀？」女魔頭呀！

佢係Miss Yip。
叫佢女魔頭。
唔係因為我地淆個死八婆。


而係因為佢一年三百六十五日都一樣既箭豬頭﹐
仲有佢把死人聲，
真係成個女魔咁﹐
所以我地個個都咁叫佢。

「你地可唔可以唔好逼我鬧你地架啫？」佢把聲真係好乸尖。
又要對足佢一年喇。

兩堂連堂﹐
我俾佢鬧左十五次﹐
吉仔就六次﹐
啊雄十六次。
呢次曾偉雄勝。

哎呀！


輸左啦。

俾女魔頭鬧下鬧下又兩堂﹐
又慘又好玩。
點解...
我會諗著啱啱同我表白個女仔架？
唔知佢會點呢...
痴線！
唔好再諗啦。

11:30又係break hour~
啊婷～
我黎啦～
執下個樣﹐
唔洗執都型呀。


件衫...冇燙...
算。
夠做。
三七面咁行過去A班。
型爆啦。

「咳﹐咳﹐唔該搵鍾凱婷。」
「佢唔響到喎。」一個同學咁講。

「呀！好型呀！！！」有囡囡為我歡呼。
正當我想CHOK個樣望班囡﹐
先知﹐
她們不是為我歡呼﹐
而係為佢地既郭家寶﹐
A貨蕭正楠﹐


超﹐
都唔知佢邊忽型﹐
哥帥他很多。

佢都係籃球隊隊長﹐
不過我個雄雄勁好多囉﹐
雄雄總隊長黎架。
你個小隊長就返屋企啦。
乜都同我爭一餐。

話時話啊婷去左邊呢？
唔見左人既。
仲諗住佢冇咁快識到朋友﹐
想約佢食lunch㖭。



唯有放學先搵佢喇﹐
陣間數學堂﹐
第一日返學上堂﹐
真係弱智。

啊婷又見唔成﹐
咁去醫療室補下血先。

我最鍾意數學堂去醫療室。
查實我數學好好架。
但自從英文字響數字入面出現﹐
真係力不從心。

響落醫療室既時候俾我撞到一個人。
俾三秒你地諗。

三！

好撞唔撞到我個數學老師加班主任﹐
古sir。
我都係想訓個覺啫。
「陸添羽﹐數學堂要去邊呀你？」佢笑左一左﹐
真係打撚曬冷震呀。
「冇﹐有少少暈。想去醫療室啫。」閃！

「第一日返學唔應該上堂架！」我心入面大叫。

我唔再閃會死架！
上年唔合格俾佢罰抄都未交俾佢﹐
佢話「追到天涯海角都要追返張罰抄！」
痴線？
都未夠痴呀。
有次佢上門睥住我罰抄。
癲到冇朋友。

「安全﹐秘書姐姐﹐我唔舒服﹐想入去抖下。」我扮到好撚辛苦。
我真係做得視帝呀。
佢又信到十足﹐
仲叫我飲水﹐
真係好人呀。

有驚冇險又過兩堂﹐
係訓左兩堂先岩。
冇啊婷陪食lunch﹐
咁就搵班兄弟食啦。