《讓我重新遇見你》·緣圓系列·: 第十一章 成果

第十一章 成果

話咁快又到派卷果日～

差最後一科未派咋。
呢一科就係我一直最驚既亦係最差既英文。
而其他科都好神奇咁拎到70分以上…

中文本身得69.5
Miss好好人﹐


咁俾埋嗰0.5分我。
Miss...我愛你。

唔知英文會點呢？

「陸添羽！」終於叫到我。

「係！」我好快咁行到出去。

「繼續努力。」女魔頭好奸咁望住我笑。



我望一望份卷...之後就行返埋位。
「幾多分啊？」吉仔同啊雄好八卦咁癡過黎睇。

「52...」我極sad咁講。

「屌！咁咪冇啊嫂叫？」吉仔都覺得可惜
「你賠返個啊嫂俾我呀！」啊雄講。「份卷會唔會計錯分咋？」佢一手搶走我份卷幫我計分，但個分計左三四次都冇錯。

「妖你，隻眼瞎架？」吉仔指住個名。


個名又真係唔係我架喎。

「哎呀，呢份先係你既。」魔頭你覺得好好玩？

「睇下！」吉仔同啊雄仲激動過我。

「65分...差5分啊。」依加冇必要拎70分，因為啊婷佢已經有男朋友。

「唔好咁灰喇,希望在明天啊嘛」
屌﹐冇希望喇﹐仲同我講希望在明天﹐
攞景定贈興？

「夜喇﹐收皮喇！」我伏喺枱到。

「同學﹐份卷有小小錯誤,經過我地老帥嘅商討,將會每人加4分。」


妖,咪又係差一分

「啊添...你啱啱好70分…仲唔快啲搵啊嫂！」吉仔好興奮咁講。

屌...我依前成績差啫﹐但唔代表我唔識計數架喎。

「咪撚呃我喇，再講打鳩你架。」我伸左我神聖既中指。

「頂。你唔信自己睇。」佢將份卷扔返比我

屌！真係有70分。
做乜今日咁CCTVB架？
首先派派錯卷﹐
之後冇啦啦加分﹐
依家計錯分。


最後啱啱好70分？

其實我想佢應承我做既野係做我女朋友。
但啊婷已經有仔喇喎...我仲有冇機會？
我應唔應該同啊婷表白？
算！豁出去！

落左堂之後，我即刻衝去佢班房想同佢表白。
佢竟然唔響班房？
周圍都見唔到佢。

！佢響操場到！
我一響2樓見到佢就即刻嗌落去。