《讓我重新遇見你》·緣圓系列·: 第十三章 甜蜜

第十三章 甜蜜

「I'm hurting baby.I'm broken down...」佢一開口唱﹐
走撚曬音﹐
個樣仲懶係有feel咁﹐
完全破壞曬首歌。

重點係 好乸難聽。

估唔到接近完美既男人唱歌會係咁。



屌﹐我頂唔順啦！吼！
「收嗲啦你！」我忍唔住係觀眾席到嗌。
講完呢句我感覺到背後有一般目光望住我。
仲要好有殺氣。

我慢慢望去後面。
FUCK！
班豬扒睥鳩實我﹐
我唔慣俾食物睥住架...



「唔準你咁話我地既寶寶。」佢地成班企起身。
準備揼我咁既款。
「我有講錯咩？」俾班食物咁話法﹐
真心淆淆地。
「寶寶係完美架！讀書又叻﹐又靚仔﹐又識拉小提琴﹐你條死八公識咩？」一個稍微好樣少少既女仔講。
可唔可以唔好再叫佢寶寶？
真係好嘔心。

算啦。


佢地已經俾愛情整瞎左。
「得得得。我收皮。」我真係唔想同佢地再嘈。
「一早就應該收皮啦。」佢地不約而同咁講。

轉頭已經唱完。
仲諗住笑下㖭。
咁快就完都冇癮既。

「鍾凱婷！你都鍾意我架呵？」屌！！！抄我講野！
你個冚家鏟真係未撚死過架喎。
本來想代啊婷起身否認。
冇諗過啊婷已經大叫「唔鍾意呀！」
嘩咁勇既。
「我唔鍾意花心怪架！」
仲勇。



估唔到一個斯斯文文既女仔會咁勇。

「凱婷！唔係咁架！」郭家寶跑左落台。「我只係鍾意你架咋。」

「屌﹐收皮啦。」我細聲講完就推䦕左佢搭住啊婷膞頭走左。
成場人拍曬手掌。

「你好勇喎。」我咁講。
「你都好威呀。」佢好甜咁笑左出黎。
響紅腫既眼睛睇得出有一絲既甜蜜。
呢個女仔係屬於我架啦。

「返屋企咯？」佢望住我講。
「你去邊我就跟住你去邊。」我用額頭對住佢額頭咁講。


同佢分別返自己班房攞書包就響小食部等。
我買左筒糖食住等。
「傻佬！」佢彈下跳下咁過黎。
「傻婆。」我行前摸下佢個頭。
塞左粒糖響佢個口。
之後我就同佢並肩而行。
第一日我都唔知可以有咩進展。
唔通咁進取拖佢咩？
不過響佢隔離聞住屬於佢既薰衣草味﹐
同佢撞黎撞去﹐
雖然冇乜點講野﹐
但已經好足夠。

送到佢去柏慧門口。
我好唔捨得咁講「啊婷呀...」我仲要扁曬嘴。


屌。
我再一次想打柒自己。
「傻佬﹐聽日見啦。」佢搣我塊面一下
好甜...
「聽日唔洗返學喎﹐傻婆。」我雙手捧起佢塊面。
「依家約你係咪都唔得呀？」我搞到佢嘟起個嘴。