《讓我重新遇見你》·緣圓系列·: 第十八章 長廂斯守？

第十八章 長廂斯守

話咁快就同吉仔佢地入左K房。

「拿拿臨,搵返我首飲歌先。」吉仔勁快手就噤左柏豪首六天。

以下係溫馨提示﹐
黃魯吉即將演唱﹐
為閣下安全﹐請準備耳塞或捂耳。



通常個個一見到吉仔準備唱歌﹐
無論手上做緊咩﹐
都會即刻捂耳或者帶耳機播歌。

根據我既經驗﹐
捂耳係冇辦法阻止吉仔既歌聲﹐
所以今次我決定帶耳機播歌。

屌！趕唔切啦！
求其㩒左播放先。



「六天 日本 為你準備…」開波啦各位。

吉仔先生將一首慢歌﹐
發揮到淋漓盡至﹐
短短一句歌詞已經飆曬高音。
在下佩服佩服。

點解我仲聽到佢唱架？
仆街！唔記得較大聲啲！



好彩﹐
經過多年既訓練﹐
我對佢既歌聲有一定免疫力。
一下半下未死得。

唔知啊雄同啊謙點呢?
我望一望佢地..

啊雄好淡定咁塞住耳機,
仲扮曬enjoy咁拍手。

相反啊謙﹐
佢拎唔切耳機﹐淨係捂耳。
面部表情痛苦到扭曲哂。



陳梓謙
我們永遠懷念你

吉仔個人演唱會﹐
連續唱左兩個鐘...
無錯﹐係足足兩個鐘！

大撚獲！
啊婷仲未到？

「喂？啊婷﹐你係邊呀？」我打俾啊婷。
「我同希瞳蕩失路呀…」早知去陪佢啦。
「你附近有咩呀？」我攞起左件褸走左出去。
「唔知咩黎喎…」佢既聲音有啲無奈。


「唉呀。我見到你啦。」明明個傻妹行多兩步就到。
我行上前攬住背向既佢。
「肥妹仔。」睇得出佢冇故意裝扮自己。
T-Shirt﹐牛仔褲﹐全白Air Force﹐一把到腰既長髮﹐
薰衣草味比平日強烈。
皮膚帶一點涼意。
「你凍呀。」我攞起件衫﹐
其實係驚佢凍啫。
「快啲入去咪唔凍囉。」佢撓住我手臂。
希曈就跟響後面個樣好似有啲緊張。
「啊嫂！黎黎黎。點歌啦！」吉仔本來好興奮﹐
但見到希曈就成塊紅曬。
哦～我明啦～
佢地有啲不可告人既秘密。



「啊添...我唔識用呀...」啊婷拉住我衫尾。
「你未用過咩？」我坐響佢隔離﹐攬住佢條腰。
「我第一次黎架咋...」佢細細聲講。
「呢首合唱好冇？」我揀左首《我的最愛》。
「好呀！我好鍾意方力申架！」佢超興奮咁講。
「喂，咁我呢？」佢俾我嚇到唔知講咩好「講笑咋。」

經過啊謙既愛情陷阱﹐同啊雄既登陸太陽。

終於到...咦？乜唔係《我的最愛》咩？
屌！又係吉仔？
頂佢個肺！狗喱！插歌！
佢唱咩？
為何要我愛上你？
唔乸係呀！


我即刻捂住啊婷隻耳。
我死好過婷死。
吼！

佢開聲啦！
呀！
真係難聽到拍得住郭家寶。

陸添羽
永遠懷念你

當我死之前果刻我望下陳希曈。
佢眼甘甘睇住吉仔。
耳都唔捂。
仲唔係有路？
歷時3分幾鐘既為何要我愛上你終於完。
我亦瓜左。

「啊添...你冇事呀嘛...？」啊婷用支咪戳已經瞓左響到準備嘔白泡既我。
「冇。我地一齊唱啦。」我吞返啲白泡落去。

其實我只要有你﹐
有事都變冇事啦。

我同啊婷合唱左首《我的最愛》
「曬死我啦！」「我唔想咁快盲！」佢地異口同聲咁講。
我地就一於懶理。
唱曬成首。

唱到最尾果幾句﹐
我伸手拖住佢。
而啊婷就用微笑去回答我﹐
個笑容甜到漏呀～

「對你再好 不會廝守」
我真係好想呢一秒﹐
一世都停留。